#القليب_والقمر
بقلمي::-قـمـر✍️🤍
لتنسون التصويت+تعليق بين الفقرات+متابعه لحسابي💙🥲
وحگ صوتك اليشبه راحتي اشتاگيت
___________________
عافني وطلع بقيت وحدي كاعدة اني غبية ليش ماكتلة بس لا مستحيل اجي واكلة والله شنو اني جنت احب عزا مااتخيل هيج احجي ويا وي نفسي ماحاجيتها
بس السويتة غلط هو زوجي واذا عرف من غيرج حتصير مصيبة خلي يعرف منج ولا من غيرج
اعرف لو كايلتلة ماراح يسوي شي بس مااعرف ليش انربط لساني وماحجيت
ضليت افتر بالغرفة وحدي وهو لهسة ماجاي صار الفجر سمعت اذان الفجر رحت توضيت وفرشت السجادة صليت وكملت ودعيت ميصير شي
قريت قرآن لماما وبابا واندعيت للولد كلما اصلي ادعيلة اريد اعرف اخبارة بس وين وشلون
لميت السجادة وكمت رحت للجهاز لكيتة متصل ويامن ديحجي رحت كتبتلة جريدة شكبرها ترددت ادزها ومسحتها كلها
زين شسوي هسة اني ليش متصل شيسوي ديراسل منو صارلة شكم يوم مافارغ وبس يراسل اكيد لعد شنو مو ولد وحالة حال البقية
اني صوجي امنت بي ماالي حظ بكلشي بكلششييي بكلشي
شوي ووصلتني رسالة من عندة
-شعندج متصل؟
-انت شعندك متصل
-روحي نامي شعندج لهسة كاعدة
-ليش وانت متجي يعني؟
-لا
عفتة وطلعت من البرنامج خوش والله متزوج ويبات برة وبهل وكت متصل شيسوي
اني الك والله صوجي اني اثق ليش ثقيتي مخبلة وترجعين تثقين بيهم متدرين بيهم كلهم نفس الشي كلهمم
مسحت دموعي ورحت تمددت على سرير عليمن تبجين شنو يعني جديدة هاي كل مرة تصير وياج
مااعرف شوكت غفيت كعدت على حركة يمي كمزت فازة لكيتة هستوة جاي ديريد ينام باوعلي وكال
-شبيج
ماجاوبتة اخذت غطاي ومخدة ورحت على قنفة ونمت عوزني بعد بس انام يمة
ضليت اتگلب شفتة بالمرآية نايم اي طبعاً سهرانة وي السلبوحة واجة هنا ينام
انتي شعليج حتى لو سهران شعليج بي سكتي وانطمري يلا
ضليت اتگلب اريد انام مااكدر ممتعودة انام على قنفة ضليت اتعارك وي نفسي عبالك مخبلة تالي مليت وكمت فتحت الشباك اريد اتنفس اختنكت
-سدي
التفت فازة هذا مو نايم شمدري باوعلي وكال
-سدي
![](https://img.wattpad.com/cover/329884351-288-k131257.jpg)
YOU ARE READING
القليب و القمر (الأصلية)
Romanceاستغليت هاي الفرصة وطلعت بعدما تأكدت انو هو راح وبعد رحت اركض للباب الخروج وطلعت واقرة دعاء بس كون ابتعد مشيت للشارع وعبرت المستشفى بعدت عنها حمدت ربي وضليت اركض وصلت لطريق مسدود غميت نفسي ليش مااخذت تكسي من يم المستشفى ضليت مستمرة امشي واحس نفسي ت...