التـامور المَنيـع
رواية كُتبَـت بقَلمـي
الكاتبـة ريمـان عَلي
لا تنسون تصوتون وتعلقون
حسنو تَفاعلكُم لا تخلون حق الرواية يضيع
حرامات
🔻🔺🔻🔺🔻🔺🔻🔺🔻
تنزف أوداجَهم من جُراحات ماضيهم المؤلم
أبٍ لكَوكَبين شَمسٍ وقَمرٍ وكانَ هوَ لَهُن تامورًا مَنيعًا
يتَصدئ عَنهن كُل ضَربات زَمانهَن التي تُرهِقُ قُلوبَهن الصَغيرة
◾▪️◾▪️◾▪️◾▪️◾▪️◾▪️◾
مُخَلد:-
واگف بالمطبخ أشرَب مي من بعد ما كمَلت غدا وبَناتي بَعدهن بالغرفة يعزلَن بالصينية، شربت وأجيت أرجع يمهن جوا، أندگ باب البيت غيرت مساري وطلَعت لـ برا أفتح الباب
-فتَحت الباب وصرت أباوع بـ أشمئزاز من الشايفهم گبال عيني
هذول همَ أحقر خلق الله علئ وجه الأرض، ضلو يباوعون الي من فوگ ليجوا لما حچة چبيرهم
فـؤاد: هاا يا أبن أخوي خطار وجايك ما ترحب بيهم!
-أبتسَمت بـ أستهزاء ورَديت علي
مُخَلد: أدخلو أبوي ما علمني أطرد خطاري
-أبتَعدت عنهم حتئ يدخلون، دخلَو وضَلو يباوعون لـ بيتي بالعين الصغيرة ما أهتميت الهم لأن همَ عندي حالهم حال چلاب الشوارع، گعدَو بالأستقبال وگَعدت گبالهم وعيوني علئ فـؤاد
مُخلد: أي يا أخو أبوي المُحترم شذكرك بيا؟
فـؤاد: ما ميت عليك لا انا ولا أخوتي
-درت عيوني لـ أخوته الي همَ أستحسف بيهم كلمة عمام الي
مُخلد: أي اطلعو الي بالمُفيد ليش جاييني لا تجاملون لأن أعرف كلش زين الگاعدين گبالي منو
فـؤاد: عَفية عليك ما دامك تعرفنة أحنة منو وتضَلك أبن أخونة ومرجعك النا والحچاية الي تمسَك تمسنة كلنا، تطلع لـ السوگ نهارَك كله وأخواتك يضلن وحدهن بالبيت يصولن ويجولن ما تدري شنهي يصير وراك بالبيت ما يصير وشيسون ما يسون وهنَ بنات حدثات
-ما تحملته هوَ وقذارته وجاي يطعن بتربيتي، وگفت وصحت بوجهة
مُخَلد: لا تخليني أنسئ أنتَ خطار ببيتي وأطلعلك وجهي الي أتعامل بي ويا ولد الشوارع الحثالة أمثالكم ويَلا برا بيتي ولا تفكر ولو تَفكير تگدر بيوم تمس شعرة من روس بناتي يَلا براااااا
YOU ARE READING
التامور المنيع
Romanceأبًا كانَ يحرسُ بناتهِ كأنّهنَّ الضوءُ الأخيرُ في عُتمته، يخافُ عليهنَّ من شياطين الأنس من ذاكرةٍ لا تزالُ تتسلّلُ من جدرانِ قلبه. حاول أن يُبعدهنَّ عن كلِّ ما عَرَف، عن ماضٍ ما زالَ حيًّا في رئتيه، عن أصواتٍ لا يسمعها سواه. لكنه لم يكن يعرف... أنّ...
