الملتزم السادي ♡بالدارجة♡

الجزء 27

102
وكدفل وكتحس بتحتها وترمتها عاطيينها الصداع بقات كتمشى وحاضية لايكونو شي وحدين اخرين تاني تاخرجات لشانطي معرفت راسها فين بقات كتمشى والدنيا خاوية جاتها زوينة نيت تاواحد ميشوفها بقات غادة حتا وصﻻت لبﻻصة كتعرفها وشداتها تاني بالمشي تاوصلات لدارها فين كانت ساكنة شحال هادي دقات وخرجات بنت مزعرة شعرها ﻻبسة شوميز دونوي وكتمدغ المسكة:مالكي جاية فهاد الليل.نزهة دفعتها ودخلات:الله ينعل الزمل بوك وبوهم دخلات ولقات بزاف ديال الرجا وفوقهم البنات كيتحاكو معاهم متسوقوش ليها وضارت عند هاديك:شتك درتي مابغيتي فالدار.ميقات فيها:وياك صافي تزوجتي ﻻش راجعة تاني دي لينا لكليان بتحلوينك وﻻ غي حيت الدار ديالك.نزهة:تفو على جنس ميصدعني حد انمشي نعس ونسمع شي توحويحة نوض نعيط لبوليس.خلاتها لوخرى ومشات جلست على واحد:ايوة راغيلقاو الدار بسميتك راك نتي الباطرونة.وضرباتها بضحكة مقحبة نزهة مشات لبيتها لفوق لقات فيه جوج كيتحواو جرات عليهم خرجاتهم هكاك ملاصقين وتﻻحت فوق السرير كتفكر كيدير تنتاقم.نرجعو عند دار عهد لي كان جالس معا الدار كيهضرو على لي وقع واسامة كان طلع لبيتو حتا سمعو الرديخ والتهراس سارة طارت كتجري مع الريح لقات الباب محلولة ودخلات اما العائلة عاد طلعو سارة شافت يديه عامرة دم بالزاج ديال واحد الطابلة والمراية تاهي والزاج فالارض كيعفط عليه ةشدت على فمها كتبكي:عفاك حبس اهئ الزاج عفاك اهئ حبس اهئ.اسامة كيغوت ومشا لبﻻكار حلو:القحبة الله يلغيها ليها فهاد النهار انا لي حمار انا لي كلب تانسحاب راسي ترجلت معاها ولايني بصح قالتها انا غي شماتة.جبد حوايجها بحالا شاد الزبل وخرجهم كيلوحهم برا وهي غي كتشوفيه وكتبكي وصلو الدار ولقاوه كيخرج حوايجها واي حاجة ديالها وكيحيدهم من بيتو عهد شاف فسارة لي كتبكي كلهم

103
كلهم معرفوهاش ايمتا طلعات وعلاش كتبكي من غير عهد لي عايق بيها وزاد تاكد فاش سمعها كطلب منو يحبس ومخلوعة عليه قرب منو عهد وشدو عنقو اسامة عيا يضرب فيه يطلقو عهد شافو خرج على السيطرة بعدو من صدرو وضربو بونية تاضار طاح فالارض وسارة مشات كتجري عندو حيت طاح على الزاج كتحاول تنوضو ونطق عهد:دابا مالك على هاد الحالة بدل متفرح حيت تهنيتي من الزبل.اسامة بحالا عاد فاق ولكن باقة فيه الشمتة كضحك عليه ثلث سنين وهو صابر عليها هز عينيه ومجات غي فسارة لي كتحاول تنوضو وكتبكي نتر يدو منها وناض وتاهي ناضت حادرة راسها وبدات كتجمع فالدنيا ودخلات شمس وصفاء لي غي كيشوفو فيها وبداو كيجمعو معاها هي لي دموعها محبسوش عهد جر اسامة يديه لبيت اخر وخلاهم كيجمعو داكشي محمد تاهو مشا معاهم هبطوه لبيت ديال الضياف وجلسوه فالسرير وكيهضرو معاه باش يتهدن وميبقاش يفكر فلي وقع اما البنات كملو الجميع وشمس ضارت عند سارة لي كتجمع حوايج نزهة من قدام الباب:حرقيهم مبغيتش يبقا ليهم الاثار وتالى بان ليك شي حاجة اخرى ديالها حرقيها.ومشات هي وصفاء لي بقات كتشوفيها وفاش تنبهات ليها سارة تبسمات ليها صفاء وكملات طريقها سارة كتجمع فدوك الحوايج وكتفكر التصرف لي دارت عضات شفتها السفلية وطاحو دموعها تاني جمعات كلشي وخرجاتهم للكارد وقالت ليه يحرقهم بطلب من شمس ومشا يدير لي قالت ليه ودخلات بحالها مشات جبدات علبة الاسعافات الاولية وبقات شاداها فيديها تاقفزات على صوتو:شكتسناي العراضة.ضارت لقاتو هو قلبها كان غيسكت اما هو هز قرعة ديال الما وجلس فالكراسا لي تما كان غسل يديه من الدم لي باقي كيسيل ومدهم ليها اسامة:غتفرجي فيا.عضات لسانها غي من الداخل كاتمة بكيتها فاش شافت زاجة داخلة وبدا كيجبدها قربات بالزربة وبدات كدير ليه بيدادين باش تعقم

104
باش تعقم ليه وشدات بحال النتاف غاهو طبي وكيكون رقيق بزاف وحيدات ليه زاجة كانت غارقة شوية ودارت ليه القطن وشداتو بلصقة ودازت لليد لوخرة لي كانت كثر من اللولة شافتها وهزات فيه راسها:خاصها تخيط غارقة بزاف.اسامة كان ساهي فيها وحاضيها من لي شدت يدو اول مرة كان يقرب ليها ويشوفها مزيان فاش هزت فيه راسها وهضرات شداتو الضحكة حيت تفكر كل مرة كتبقا طل عليه بالتخبية هز يدو وقابلها معاه شافها كيدايرة ومدها ليها:قاديها تالصباح ونمشي لكلينيك مافيا لي يمشي دابا عيان.دغيا حدرت عينيها كتلف راسها باش مضعفش ﻻيعيق بيها ومسحات ليه يدو من الدم وودارت ليه بيدادين تاقفز حرقو حيت الجرحة كبيرة وغارقة تاهي قفزت معاه وبدات تبكي وتنش عليه:افف اهئ سمحليا هوف.بدات كتنفخ عليه وجمعات ليه الجرحة باش متفزرش كثر وحطات عليها القطن عاد لوات عليه الفاصمة تبقا شادة الجرحة مسحات دموعها وشافت فيه وناض بﻻ كلمة بﻻ زوج وتمشا غادي طالع لبيتو دخل لقاه مجموع وتامن الفراش مبدل غطاه مشا تكا وبدا كيشوف فيديه وكيتفكرها كيكانت مهتمة وكيبدات كتبكي فاش ضراتو نفض افكارو وضار على جنبو ينعس.وكلشي نعس تامن عهد داه النعاس معنق مخدتها وخاشي وجهو فالشال.اصبحنا واصبح الملك لله ناضت مﻻك بكري نوضوها البنات وداوها للحمام ومﻻك زادت تاكدات ان دارهم صافي قابلين بالعريس لي جا مادامهم ماداروش كيف لولين كانو واخا كيعلموهم جايين مكيديروش هاد الروينة كاملة كيتصرفو عادي وفاش كيجيو ماكامﻻش ربع ساعة وكيخرجو بحلهم ﻻقيين الرفض من فؤاد.دخلوها للحمام فركوها مزيان عاد رجعو دخﻻت ترتاح شوية شي نص ساعة وفاقت على صوت الباب تحل حلات عينيها معاه شافت شكون وناضت كضحك:لبنى جيتي.قربات عندها تاضحك هادي هي لبنى بنت خالتها كتعتابرها صديقتها واخة كبر منها بعامين

105
بعامين من بعد السﻻم جلسو فالسرير مﻻك:توحشتك.لبنى كتشوف معاها جاتها زيانت عن اللزوم:ههه اوا يالالة لعروسة طاح عليك السر غري شكون هادا شي تيتيز وﻻ شي قرد.مﻻك تنهدات:باقا معارفاهش كيداير تانتي مالها بقات فالزين انا غي يكون ضريف معايا هاديك الدنيا ومافيها.
لبنى:اويلي معمرك شتيه وقابلة تزوجي بيه.مﻻك هزات كتافها:واصلا غي الخطبة لمتفاهموش مكين والو.
لبنى:ويلي على الحمقة انا على مابان ليا حالتكوم راقابلين وبالعكس عاجبكوم.ملاك:بصح واش الدار بانو ليك باغيينو.
لبنى:اه اختي هادشي لي بان ليا انا.تحل الباب ودخﻻت خالتها ام لبنى مكتحملش مﻻك حيت زوينة وكتسحابها عايشة كيف الاميرة معارفاش العداب لي كدوز منو كل نهار وعاد فاش قالت ليها ختها غيخطبوها ناس مرفحين وغيتهلاو فيها سلمات عليها وشافت فبنتها بابتسامة صفرا:لبنى اجي بغيت نسولك.لبنى ناضت معاودتش معاها الهضرة خرجو من عندها وقفو فالدروج وكتشوف واش شي حد جاي وقرصات بنتها:لمك غادا عندها ﻻش زعما باغاها تفقصك حيت نتي باقة بﻻ زواج.لبنى كتحك القرصة:واشغندير مكاتيب تانا رزقي غيجي تالبين يدي.مها بقات كتشوفيها:ﻻ انا مبغيتش ديك البرهوشة تزوج قبلك خاصني ندير شي حاجة.لبنى كتتهبط حناكها:اويلي اماما شدارت ليك البنت مالكي محسادة.مها لي اسمها ثورية:اه مكنحملهاش وتامها لي ختي مكنحملهاش عندها ربعة الدراري كتفوح بيهم حيت ولدات رجال مالها مكون خداتك لواحد فيهم وزيد عليها فاش ولدات ديك البرهوشة ولدات الزين وخايفة عليها تامن المدرسة كانت تديها وتجيبها تامن ولدي لي حماق ياخدها معطاوهاش ليه ناري وكون جات لعندي كون حررت عليها العيشة.لبنى دبﻻت عينيها:مالك امي على هاد الحسد كامل مكترضايش.
ثورية:اه مكنرضاش من ديما با الغالية عزيزة عليه المخيرة كان يعطيها ليها واللفعة