الملتزم السادي ♡بالدارجة♡

الجزء 49

198
ﻻكن ضربتها الفيقة غي شي ساعة وحﻻت عينيها على وسعهم بحماس وشقاوة وناضت غالسة شعلت غي الفايوز الصغيور لي حدا راسها و مشات لماريوها حلت الجيهة لي فيها الكواش وليزورا جبدت كاشة من هادوك الغﻻض غي ديال البرد كلشي بتسﻻت باش مديرش الحس ويقولو باقة فايقة مشات لباب وحطاتها فلتحت سدت اي بﻻصة تدخل الهوا ومشات للشرجم تاهو دارت نفس الشي لكن خﻻت واحد الجيهة لي تقد تدخل ليها الهوا ﻻتسدق جايفة وﻻ لبيت مضلم بزاف وغي داك الفايوز عطاها احساس فشكل بالحرية وعاد عارفاهم كلشي ناعس وميقدوش يسمعوها حتا الى وشوشات مكرهاتش تطلق الشعبي وبقات غي كتفرنس ومشات لماريوها بالزربة جبدت التيلي دارتو كيشعل وشافت فحوايجها عوجات فمها:شنو شنو نلبس بفف على حوايج شنو نلبس بيجامت ختو ﻻ مجاتش بفف يخ.حﻻت عينيها بفرح فاش هزات عينيها فحوايج الخروج وبان ليها تيشرط نص كم فالبيض ومرسوم فيه رسومات جبداتو كان جايبو ليها طارق هو وتجاكيطة تاع التجين كتلبس فوقو وكتبقا محلولة لكن مها طبعا مخلاتهاش تلبسها وبقات غي محطوطة لبساتو بالزربة قادات شعرها ومشات للمراية وبدات كتقرا القران وكتسمي الله ليسدق خارج ليها شي جن فهاد الليل وقرصات حنيكاتها ومشطات حجبانها ومشات لفايوز هازة التيلي وحيدات ليه ديك لعيبة لي كتكون فوقو وبقا غي البولة عطات ضو كثر مبغاتش تشعل البولة ديال لبيت عجبها المنضر هكاك وخﻻتو شدات الايلي وتكات على الكادر ديال السرير جبدت نمرتو وبقات كتشوف شحال:امم زعما يكون معيا ليا ناري عنداك يكون نعس بفف مسكين غيكون عيان بﻻما نصوني ليه.حطات التيلي وشافت فلبيت:ومالي نضرب تمارة غي هكاك.عضات شفايفها:اصﻻ توحشتو مسكين مريض وقبيلة قطعت عليه افف ياربي غاميسولنيش.دوزات نمرتو وكلها كترعد اما عهد كان ناعس تاسمع التيلي كيصوني.... يتبع

199
مد يدو بتعب وردها فاش حبس الصونيط جاتو من الجنة والناس حيت عيان وفيه النعاس مفيه ميقلب شكون صونا مدايرش فبالو تقد هي تجرا وتصوني ليه وفهاد الوقت بالدات حيت كيقول مغتقدش وغمض عينيه تاني لكن حلهم مخنزر فاش بدا كيصوني تاني مد يدو داغي هزو وتهز معاه فاش شاف حياتي هي لي كتصوني بقا مخرج عينيه وكيسرفق فراسو جاب ليه الله كيحلم حتا تقطع وبقا مصدوم فيه قرص راسو لقا راسو مكيحلمش لكن معاودتش صونات دخل ليزابيل لقاها هي نيت لي صونات المرة اللولة وبقا كيضحك كيلمسطي:وﻻهيﻻ هي ههه.دوز رقمها وكيتسنا اما مﻻك قالت اكيد غيكون ناعس وناضت غتبدا تحيد داكشي حتا سمعاتو كيفيبري من حدا لباب لسرير بتنقيزة عالمية هزاتو لقاتو هو وبدات كضحك وكترعد:هه ناري هو هو اوووف انجاوب ماشي فيقتو ومنجاوبوش.تنفسات مزيان وجاوبت وكتسناه هو لي يهضر بقا غي صوت نفسهم وضحيكات حابسينهم حتا نطق:مﻻك النور ياك ﻻباس عيطتي ليا فهاد الوقت.مﻻك بشوية وحابسة الضحكة:احم هه ﻻ غي بغيت نسول كيبقيتي.
عهد:خايفة عليا.مﻻك بقات ساكتة حتا نطق تاني:بغيت نشوفك.
مﻻك:ليل دابا منقدش غيسمعو.
عهد:عفاك بقاي تهضري غي هاكا وﻻ متهضريش غاع توحشتك.سمع تنهيدتها وغمض عينيه:واخا ولكن غي شوية رافي النعاس.عهد بفرحة:اه لي بغيتي.قطعات وبقات كتسناه يصوني صونا ودوزات يدها على شعرها وخصرت وجها ومدات يديها لزيف كان محطوط حداها داغي لواتو عليها وقادات الجلسة وجاوبت غي شافو بعضياتهم تبسمو:توحشتك احبيبة حقا عﻻش قبيلة تخلعتي وقطعتي.مﻻك بتوتر وبهمس:غي خويا كان دخل وحشمت منو.سكتات وتاهو بغا يقلب الموضوع مبغاش يحكر:امم مغتجيش تزوريني.مﻻك كضور فعينيها:منقدرش نخرج بوحدي.
عهد:يجيبك واحد من خوتك وﻻ نصيفط ليك الشيفور مع الوليدة وصفاء جي معاهم.مﻻك:تالغدا ونشوف واش يخليوني.... يتبع

200
عهد:عﻻش ياك خطيبك كنضن عادي تجي تشوفيني وﻻ يقولو ليك ﻻ.حركات ليه راسها بالايجاب وعهد بقا كيجبد معاها الهضرة غي باش تطلق معاه كتر تامن شعرها مطلبش منها تعريه ونيت ممنحقوش يزيد يشوفو بغا يلبي ليها رغبتها وميديرش شي تصرف ميعجبهاش حتا يتزوجو بقا شاد معاها الهضرة جهد كثر من ساعة وصل معاها تالوﻻد وبقاو كيضحكو:شحال تبغي من وليد.مﻻك كتفكر كدوي غي بشوية يالله كيسمعها:ههه معرفتش شحال ماجاب الله.
عهد:هههه بغيت شي عشرة يبقاو ينقزو فوق راسي.ميقات فيه:مالي قنية وزيدون غينقزو ليا فوق راسي انا اما نتا تمشي لخدمتك وتنساني وبحال والو يشرفوني قبل الوقت وتنوض تزوج عليا وتجيب ليا الضرة.عهد هز فيها حجبانو زعما ياك:ايااه زعما كنبان ليك نديرها.
مﻻك:وانتوما الرجال مافيكم تيقة.
عهد:عفوا غنصلح ليك الغلط هادوك ماشي رجال شمايت وانا راجل منجيبش ضرة على حبيبتي غي حيت شرفوها وليداتي.هز عينيها لفوق زعما كيفكر:ولكن اش فيها غاع الى جبت مرة خرى ياك الشرع عطا ربعة.خرجات فيه عينيها:ياااك ايوة انا والله مدخل عليا شي وحدة يا انا بوحدي يانحبسو هنا اولد الناس.عهد تحت سنانو:مالكي عزيز عليك تنكديها عليا.مﻻك بخوف:ششنو درت.
عهد:متبقايش تجبدي ليا حس الفراق وﻻ ديك نحبسو هنا را والله تانديك.
مﻻك:ومالك دابا حنا غي داويين.دﻻت شفايفها مقلقة.وتنهد:شوفي فيا.
مﻻك:تصبح على خير نخليك راك عيان.جات تقطع وحبسوها الكلمات لي قال:والله وتقطعي تاندير فراسي شي حاجة.
مﻻك:اويلي استغفر الله العضيم.
عهد:وانتي لي دايرة ﻻفوت وباغة تقطعي عليا.مﻻك بنرفزة:نتا لي غوتي عليا.خرج فيها عينيه:انا غوت عليك.شافت فيه بنص عين:ﻻ غي نهضتي فيا.زاد خرج عينيه:ايمتا نهضت فيك انا.مﻻك بالزربة:ايوة عﻻش تقوليا الشرع عطا ربعة وﻻ عشرة يعطي تامية ماشي سوقي.... يتبع

201
غي انا بوحدي انا بوحدي بوحدي وﻻ نن.خرج فيها عينيه باش متقولش لفراق وخرجت تاهي عينيها ووراتو يديها:وﻻ ننن انقمشك.رجع وجهو لور زعما مخلوع:اناري على موجريمة غتقمشيني غاع نتي.مﻻك:اه نتا و لي غتجيب.عض شفايفو بمكر:غتقمشيني انا ولي غنجيب.
مﻻك:اه وﻻلقيت نعضكم نعضكم بسناني.
عهد شد فديالو:احح على متوحشة ومنبقاوش فيك.عوجات فيه فمها:ﻻش يامساكن وزيدون منعطيكش الموافقة.عهد كيضور عينيه وكيهز فحجبانو كيفقصها:مبقاتش الموافقة.
مﻻك:ياك هي ناوي ديرها.بقا كيضحك:ﻻ والله منديرها ههه غرتي غرتي.ميقات فيه:ﻻش انغير.بقاو داويين حتا ﻻحضات بلي باين فيه العيا وواخا هكاك شاد مهاعا ومرة مرة كيتاوب وعينيه كيتغمضو اما هي عاد صحصحات كي الجنية:احم يالله تصبح على خير نخليك ترتاح.عهد مينكرش نيت باغي يرتاح ولكن ماساخيش بيها:صافي غتمشي.مﻻك بابتسامة:مكرهتش نزيدو نهضرو ولكن قرب يطلع الصباح ونتا عيان خاصك الراحة.عهد تاهو تبسم ليها:مسخيتيش بيا ههه.مﻻك بخجل كضحك:شوية وصافي.عهد ضار على جنبو ليمن باش ميتقصحش فين داير العملية وقاد التيلي مع الحديدة يبقا واقف مقابل معاه وطلقو:ههه يالله ديري بحالي نعسو هاكا وخلي الكام مفتوحة.مﻻك ضحكات وجبدت لمخدة من تحتها وقاداتها وتكات هي على يديها كتشوفيه وكضحك:ههه كتبان بحالا ناعس حدايا.عهد تنهد:مكرهتش اجي منتزوجوش كينخرج من لكلينيك.خرجات فيه عينيها:اويلي ﻻ باقي الحال.
عهد:ياك دابا انا مبقيتش فيك عشر سنين والزيادة وانا كنتسناك تكبري ونتي كتقولي باقي الحال.
مﻻك:افف هانتا اتبدا تاني رقد رقد ونتا مريض وغالس تنغر.
عهد:ياك دابا انا جيتك كنغر.مﻻك ضحكات ليه:وصافي ﻻ نتا ضريف يالله نعس.عهد صغر فيها عينيه:باغة تغتاصبيني.خرجات فيه عويناتها ببراءة:ﻻ والله معندي باش انغ.سكتات حاطة يديها على فمها.... يتبع