الملتزم السادي ♡بالدارجة♡

الجزء 36

141
مسحتها بالخف وحﻻت الزاج كتنفس بالجهد حسات براسها ماشي نورمال خصوصا غادي طاير هي ماشي مكتبغيش السرعة حيت موالفة خوتها كيمشيو طايرين ولكن حست بدوخة دابا ونطقات:غا بشوية عافاك.نطق بﻻما يشوف وجها الصفر ويديها لي حاطة على صدرها:هانا غابشوية.وزاد فالسرعة ضد فيها حتا حطت يديها على يدو لي حاط فوق الشونجمون:عهد عفاك حبس غنرد كرشي كدرني.بالزربة شافيها مخلوع بانت ليه هكاك وحبس جنب نيت كانو فطريق خاوية تقريبا غي الخﻻ مي كيدوز السيارات حﻻت الباب يدخل الهوا وحﻻت الحزام كتنفس بالجهد قرب ليها عهد مخلوع ماجا فين يقيسها حتا هبطات ومشات لربيع حدا شجرة بالزربة وبدات كترد عهد هبط تاهو كيجري تبعها فاش شافها كترد مشا جبد قرعة الما سمعات خطاويه ودارت ليه بيدها يحبس متسوقش ليها وقرب نيت كانت ساﻻت وخيب سيفتو فالتقية بغا يغسل ليها وخدات منو القرعة كتشلل فمها وكدفع الرملة كتغطي داكشي مخيبة سيفتها تاهي تﻻقاو بجوجهم كيعيفو بقات كتشلل ومحامﻻش ريحة التقية ففمها(ههه راكم عارفين كيكتكون تاوحد ماكيبغي يتقيا)هزات راسها مع كانت حانية كتغسل وجها وناضت بالجهد شدتها الطيارة ورجليها خواو بيها وشدها عهد فاشلة تابداو كيضحكو بجوج ونطق عهد:كتباني كيشي سكرانة.ضرباتو لصدرو وبعدات منو باقة مشاداش التوازن:هه سير قالاك افف اي راسي.شدات راسها مزيرة عليه وعنقها عندو كيبوس راسها:نمشيو لطبيب عفاك حالك معاجبنيش الدوخة دابا وقبيلة سخفتي.خشات نيفها بدون شعور فصدرو كتشم الريحة عجباتها وعاد بحاﻻ فيقاتها:ﻻ بيخير يمكن غي الجو ديال البحر لي دارها ليا.شدها غادي بيها وهي باقة خاشية وجها كتشم حطها فلوطو وتباعتو براسها كتشمشم وشافيها كيضحك وكيسايب ليها الحزام:ههه عجباتك ريحتي.ميقات فيه:اشمن راك خنقتيني بريحة العرق.بدا كيشم فبيطانو.... يتبع

142
فبيطانو:ﻻ والله مافيا شي ريحة خايبة.مﻻك:امم مالك مكتعرقش.كيسد الحزام وقرب ليها بزاف:ﻻ كنعرق وبزاف غامبغيتش نوريه ليك كيسيل.ميﻻت شفايفها بعدم فهم وكمل كيشوف ففمها:نديرو ديك اللقطة لي قلت ليك قبيلة ديال الافﻻم هانا صاوبت ليك الحزام وتﻻقاو عينينا بقا غي.قبل ميكملها دارت يديها عى فمها:ﻻ عفاك ﻻ.كيحاول يحيد ليها يديها:انجربو تاحنا اللحظة.شدتها البكية تاني خايفة يعيف حيت باقة كتحس بطعم التقية ففمها:عفاك ﻻ باقة فيا ريحة الردة.بقا كيشوفيها شحال:وغي خليني انحيد ليك الريحة.كضور راسها بﻻ معجبوش الحال وفنف الوقت بقات فيه باينة خايفاه يبوسها ويعيفها معارفاش بلي واخة تكون خارية من فمها يبوسها عاد ايحير فتقية سد عليها ومشا لبﻻصتو ديمارا كانو قراب نيت غي وصلو لحومتها وقالت:صافي غي هنا.هز فيها حاجبو وكمل داخل للدرب لي كان واسع:مالي صاحبك راني خاطبك وكلشي كنضن عارف ﻻش انحطك بعيد انا منتهنا تاندخلك بيدي.حنات راسها حشمانة خصوصا الجيران كيشوفو فيها من السرجم والدراري الصغار لي دايرين ليها الشوهة غادين كيجريو مع لوطو وكيغوتو:ومﻻك ختي مﻻك هزينا فالطيارة معاك.وعهد كيضحك حيت رونج روفر كتبان عالية وديكورها زوين كيسحابوها طيارة دراري صغار معارفين والو وكاين فيهم لي مكيعرفش يتمشا غي غادي شاد فلوطو حيت عهد غادي بشوية معاهم يالله حبس قدام دارهم يالله هبطو وتجمعو ضارو بيهم عهد سد لوطو اوتوماتيك ليتزبق ويدخل شي بجغوط وبدا كيدوز يديه على ريوسهم مبتاسم وشاف فمﻻك لي هزات واحد كان شاد فيها وبدا كيبوسها وكيلسق فيها الخناين وتاهي كضحك معاه مفيق عهد من سهوتو غي شي شي حاجة كتجرو من السروال هبط عينيه لقاه مخلوق صغير كيضحك ليه وجالس ليه على سباطو ﻻبس غي ليكوش وتريكو نص كم ماد ليه يديه وكيجمع صبعانو وكيطلقهم وكيضحك.... يتبع