الملتزم السادي ♡بالدارجة♡

الجزء 48

194
مﻻك بضحكة كتحاول تخبيها:شنو هاديك.عهد باستغباء:هاديك لي هاديك قلتي.
مﻻك:اه وشنو هي بعدا هاديك.
عهد:ايوة هاديك لي هاديكيتيها نتي.
مﻻك:ها؟؟.
عهد:المهم هاديك لي قصدتي.مﻻك بحشمة:وشنوهي قولها ﻻتكون غالط ومفهمتيش قصدي.سكتها وهو كينطق:كنبغيك من اول مرة شفتك وهزيتك بين يدي كنبغيك من اول مرة شفتي فيا كنبغيك من اول مرة مسيتيني وقلتي ليا نتا بطلي كنبغيك من اول مرة جيتي تحاميتي بيا من والديك.كنبغيك وكنبغيك وكنبغيك ومنقدش نوصف ليك شحال كنبغيك.مﻻك تبسمات بﻻ شعور ودبلو تاني مﻻمحها جات تنطق وسكتها حاط صبعو على فمو:شش عفاك عارف راسي غلطت وطلبت منك السماحة وكنعاود نطلبها منقدش نعيش بﻻ بيك عفاك نساي البارح وخلينا نعيشو والله كوني اكيدة غنسيك فاي حاجة خايبة عشتيها.حركات ليه راسها بالايجاب وهزات فيها حاجبها:امم دابا نشوفو.يالله غيطلقها بضحكة على ديك هزة الحاجب تابانت ليه قفزات وشافت فيه بخلعة وقطعت وهو ناض مخلوع بقا كيصوني ليها بينما مﻻك كتشوف فمها وكتبلع ريقها ومها كتخنزر فيها:تباركلله وصلى على النبي على ﻻلة لبنات شادة ليا الجماعة مع الراجل.مﻻك جات تهضر وقاطعها تاني صوت الفيبرور طﻻت عليها الغالية لقاتها حاطاه تحت فخضها:جبدي جبدي اريه لهنا.مﻻك جبداتو بتوتر وكطلب فخاطرها يقطع باش متشوفش مها ديك حبيبي ساعة معامن غي كيتقطع الخط كيعاود يصوني الغالية كيبان ليها التيلي خطفاتو ليها وكتخنزر فمﻻك لي حنات راسها وهي تشوف فليكرون:شكون هادا لي مصدعنا ححح بييبي.وضربات فخضها:ويلي على بنت لحرام داغي وﻻ حبيبك ولي ويلي ويلي.وكتندب:شدي دوزيه ليا.مﻻك كتحرك راسها بالنفي وشدتها البكية عارفة مها كيدايرة وﻻمشات تاهضرت معاه غطيح ليها وجها للارض وهي مباغاش تبان صغيرة قدامو وﻻ مها صعيبة معاها معارفاش بلي عهد عارف شنو.... يتبع

195
شنو كتعيش وقبيلة فاش قاليها غينسيها فاي حاجة خايبة عاشتها مﻻك فهمت غي زعما الغلط لي دار ولكن هو قصد على داكشي لي عاشت فدارهم.مﻻك كتحرك راسها بالنفي:ﻻ عفاك امي.الغالية خرجات فيها عينيها:وكترادي معايا ابنت لحرام فاش كنتي داوية معاه كان عاجبك الحال ياصوبيسة.تقطع الخط والغالية شافت فيها بغل:واشوفي دابا منين تهضري معاه.وضرباتو مع الحيط حتا نقزت مﻻك مغمضة على عينيها حتا سمعاتو تيصوني تاني والغالية مشات ساخطة ليه تاني هزاتو ضرباتو كثر من الول ومﻻك بقات كتشوف بقا فيها الحال هو كادو من عند خطيبها ومها باغة تهرسو ليها باقة تامفرحت بيه واخة ماشي نفسو ولكن مادامو بدلو معاها يعني كيعتابر لي ديالو ديالها الغالية كضرب مغددة حيت صحيح مبغاش يتهرس حتا الضربة اللخرة غيتحل ويطير الباطري عاد تهنات ومﻻك بدات كتبكي والغالية ضارت عندها كدير صبعها فوق فمها ومخرجة فيها عينيها بعصبية:سكتي لمك منسمعش حسك الكلبة زوينة هادي غالسة تحاب ليا هي وياه ومخشية فلبيت زعما سكتي وﻻ نضربها ليك بنتفة.بالغوات:سكتي.مﻻك سكتت وبقات غي كتنخصص حتا دخل ايمن هو لي كان فالدار من الدراري اما لبنات خافو لدور ليهم بقاو غي كيتصنتو:الواليدة مالك شواقع.الغالية كتشوفيه ومعصبة:الكلبة لقيتها غالسة كتكركر مع داك خينا.
ايمن:اينا خينا شكوناهو.
الغالية:منعرف لطاسيلتو سولها.شاف فمﻻك بانت ليه كتبكي بخوف:اهئ غي عهد اخويا مريض فالسبيطار عاد خارج من عملية اهئ وعيط ليا وهرست ليا تيليفون لي جاب ليا اهئ بحاﻻ هي لي شارياه.الغالية بعصبية:ياك الكلبة.ايمن مخرج فمﻻك عينيه باش تسكت متزيد تاكلمة وداكشي لي دارت سكتات وبقات كتبكي وايمن ضار عند مو:صافي الواليدة نعلي الشيطان وعاد راعادية تهضر معاه.
الغالية:وعاديش معنديش لبنات لي يضلو يكركرو مع الدراري..... يتبع

196
كملت جملتها وشافت فمﻻك لقاتها كتشوفيها:وحضيني الله يعميها ليك.وخرجات مشات بحالها مﻻك غي خرجات ناضت كتنخصص هزت التيلي:اهئ اهئ تيليفوني.خطفو ليها من يديها تاتخلعت تسحابو غيكمل عليه:احيدي براكة من البكا راغاطيرات لبوه الباتري.ركب ليه الباتري وسدو وضور ليكرون وخصر وجهو:ايييي تشقق مي واقيلة غي ﻻنكاسابل نبدلوها غي متبكيش.بدا كيضور فيه وكيصفر ومﻻك خايفة غاليشعلو وتبان تصويرة عهد.ايمن وهو كيصفر:وووو على الخوادرية انا مشريت تيلي واعر تاخدمت ثلث سنين جيتي غا من ورايا وضربتي ليا اخر ماكاين فتيكنولوجيا اهايهاي والايفون غاع ياﻻلة.مدو ليها:بصحتك راه صحيح ههه راخبطت الواليدة تعطيك الخبار ولكن عنداك تسمعي صحيح تنوضي تكرفسيه اتكايسي عليه.حركات ليه راسها بالايجاب وشداتو منو:منين كيشعل مابانت ليا تاشي بوتون.ايمن بدا كيندب:واااهاويلي ناري راماخاصوش يكون عندك هادا نتي يصﻻح ليك غانوكيا بيل اري تشوفي اري.مداتو ليه وبدا غي كيبرقق فعينيه فيه:شهادشي تيمنين كيديماري هاد الزمر تأ ياه على بﻻن.مدو ليها:مااانعرف اختي هادشي ديالكم انا مامولف بيه واصﻻ غاشدة ديالو كتخلع تانشدو تنخافو يطرقطق ليا فيدي.مﻻك ضحكت ليه وخداتو كتشوف فيه عيات تورك فليكرون والو ايمن خرج وطل عليها:مﻻك تكلمي.
مﻻك:لمن؟.خرج ليها لسانو:لخنونتك.ومشا كيضحك مخليها تاهي كضحك ومشات جلست وكضور فتيلي حتا بانت ليها نقيطة فيه من لفوق خارجة شوية وركات عليها والو وجربات مرة اخرى بقات موركة وهو يبان ليها شعل وناضت كتشطح حيت باقي خدام غي شعل شافت ليزابيل ديالو بزاف خافت يعيط تاني شافت ﻻشارج بان ليها باقي مشارجي وعاودت وركت على ديك البوتون وطلعو ليها ﻻبغات تطفي تجر هاديك لعيبة لي طلعو ليها(مالين ايفون غيعرفوها ههه)دوزاتها وهو يطفا وبقات كضور عينيها.... يتبع

197
عينيها بان ليها الماريو شافت فلباب وبقات كتصنت مكاينش الحس ومشات بالزربة حﻻت المارية وهزات وسط حوايجها وبانت كريطينة صغيرة حلتها كان فيها لبوكسر ديالو من بعدما نشف دارتو تما وخشات التيلي معاه تاليل وتبقا تجبدو مشات جابت تاشارجور ديالو لي هو فالاصل ديال تيليفونها وراهو نفس النوع غي لوان لي مبدلين يعني تقدر تشارجي بيه ونيت تاكدات منو وقلبات الفيش واش بحال بحال وسدت عليهم وهبطت عليهم الحوايج كيف كانو ومشات تكات.اما عهد غيتسطا معارف مالها ﻻش دارت ديك القفزة وﻻش مكاتجاوبش خصوصا تيعطيوه التيلي طافي صافي عقلو خرج تاجاو ليه الممرضين خبروه بلي باركة عليه وماشي فصالح صحتو يبقا برا بزاف ويجهد راسو ومتسوقش ليهم حتا جاو ليه عائلتو يشوفوه طلب منهم يبقاو جالسين معاه غي تما فالجردة تاهوما محكروش عارفينو مكيحملش يبقا فبيت ديما كيقنط خصوصا ﻻكان بوحدو بقاو معاه حتا جا الطبيب حيت خبره الممرضات بلي مبغاش يدخل ومشا عندو يدخلو بيديه ومحيدش عينيه من سارة لي غي كضور عينيها فاسامة لي كل مرة كيجبد معاها هضرة زعما باش متشوفش فالطبيب.ودعوه وعهد دخل مع الطبيب ومعكز عليه شوية حيت بصح عيا وعاد السيروم لي كل مرة مبدلينو مقضا فيه والو باغي ياكل وقالها ليه وخبرو بلي ميمكنش ليه تالغد ليه ﻻبغا عاد يمكن محمدلله الطبيب حتا وصلو لغرفتو ضهرو عواج واخا مكانش متكي عليه مزيان هادشي غي معكز عليه وخﻻه غادي عوج.عهد تكا فبﻻصتو وكيشوف لتيلي عاود صونا ووالو تنهد وحطو فوق المجر لي حداه وغمض عينيه يرتاح شوية.اما مﻻك تعشاو فجو مكهرب هي ومها حتا مﻻك محاوﻻتش انها تهضر معاها حتا مشا كلشي ينعس وهي كيف العادة تخشات فبيتها وطلقت شعرها ههه الحرية وحيدت ديك البيجامة بقات بدو بياس وتﻻحت فالسرير مغمضة عينيها حتا داتها عينيها ﻻكن.... يتبع