الملتزم السادي ♡بالدارجة♡

الجزء 45

181
هزت عينيها فلوطو لي كتسناها وبدات كتغبن ومشات كتجري دخﻻت ليها وتﻻحت فحضنها:اهئ صوفي ضرباتني واحد خيتي.صوفي سمعاتها طفات الغالو وبدات كطبطب عليها:اوو نو شكون لي قلق ليا حبيبتي.هزات فيها راسها:وحدة عجباتني وقلتها ليها ومبغاتش وضربتني اهئ ايي.باستها ففمها بشوية:صافي نهيلة سكتي.وعاودت باستها.نهيلة بدات تمسح دموعها ضورات وجها لجيهة المول وهي تبان ليها مﻻك من الزاج بالزربة ضارت عند صوفي:راهي لي دايرة شال فالكحل.صوفي شافت فديك الجيهة وبانت ليها بقات كتحقق فيها وخرجات عينيها بفرحة حيت ميمكنش تنساها:اووه المشيشة ديالي.نهيلة باستغراب:اشمن مشة.
صوفي:والبنت لي قلت ليك ديك النهار عقلتي عليها لي خرجني داك لي مكيتسماش وغتزوج بيه.نهيلة عاد تفكراتها ودبﻻت ملامحها بحزن:ولكن غتزوج اوف وغيبقا يحويها ديما انا متاكدة مغيبقاش يطلقها.صوفي عضت شفايفها وهي كتشوف فمﻻك:شكون قالها ليك.شافت فيها وصوفي غمزاتها نهيلة فهماتها وتبسمات بمكر وضارت كتشوف فمﻻك لي كانو ساﻻو تاليامات اخرين ويجيو تاني خرجو وبقاو شمس وصفاء كيتسناو شيفور شمس عيات تصبر واستغﻻت فرصة الغالية كدوي فالتيلي مع ولدها وقربات لمﻻك ونطقات:بنتي هضرت معاك صفاء.مﻻك حشمانة منها:اه اخالتي.شمس بترجي:وشقلتي صافي تصفيو الخواطر.مﻻك مرغانة منها ملقات متقول شمس فهمتها وحطت يديها على كتفها:الله يرضي عليك ابنتي الله يرضي عليك مالكم ياك كنتو هانيين.بتوتر:واش كتبغي شي واحد اخر غي قولي ابنتي والله تانبعدو منك.مﻻك بالزربة:ﻻ اخالتي والله مكاين شيواحد غي.شمس قاطعاتها بضحكة كانت كتسحاب واش كاين شي حد فحياتها ودايرة السبة:مكاين مواﻻكين صافي ابنيتي الله يهديك راغيتسطا عليك داك الوليد عندي هاعارت الله غي على وجهي قلتي متفاهمتوش والله يابوه تانقرصو باش تفاهمو..... يتبع

182
مﻻك بقات كتشوفيها شحال شافت مها قطعات ونطقات بالزربة:يكون خير اخالتي.شمس بفرحة:الله يرضي عليك ابنتي.مﻻك تبسمت ليها وقاطعهم صوت التيلي شافت نمرة راجلها وقلبها قفز بعدت شوية وجاوبت:اشنو امضرا…اووف الحمدلله ياربي…ونتا مالك انا لي نجي نفرح ولدي مالك نتا لي ضربتي تمارة.وقطعت عليه ومشات بقاو كيتسناو ومﻻك مشات عند صفاء:نطلبك طليبة.
صفاء:اه شنو.مﻻك ضارت شافت فمها لقاتها مﻻهيا بالهضرة وجبدت التيلي ومداتو ليها:عفاك رديه ليه.صفاء شداتو باستغراب وشافت فيها:هادا ديال عهد شنو كيدير عندك.مﻻك بتوتر:احم لبارح خدا ليا تيلي وتغالطو لينا يمكن.صفاء باستفهام مفهمت والو ورداتو ليها:ﻻ اختي تاترديه ليه نتي نيت باش تلقاو كيتهضرو.مﻻك شافت فيه شحال كتفكر تنهدات وشداتو منها.وصل خالد قبل الشيفور حيت بعد منهم وبقاو واقفين معاهم حتا جا ليهم وتوادعو خالد غادي وكيشوف اوطو تابعاهم متسوقش ليها كانت ديال صوفي ونهيلة تابعينها يعرفوها فين كتسكن.حتا وصلو بقاو عاقلين على الدار والطريق ومشاو بحالهم اما مﻻك دخﻻت وبدﻻت وحطت التيلي كيتشارجا حيت بان ليها قرب يخوا وخرجات تشوف متقدي.نمشيو عند عهد ليخرجوه من بعدما فاق ولقاو حالتو تحسنت واخة هكاك بقا كيرتاح كانو دخل اسامة ومحمد شافوه مي كان باقي فيه البنج مقدش يهضر معاهم وخﻻوه يرتاح محمد رجع لدار يرتاح واسامة بقا تما حتا كتبان ليه سارة جاية وهازة ساشية فيديها وقفت عليه ووجها حمر وهو كيشوفيها:مالكي ﻻش جيتي بوحدك.سارة بشوية يالله قد يسمعها:جابني الشيفور وموسيو محمد لي سيفطني قاليا مواكل والو وجبت ليك ماتاكل.شد منها الساشية وجبد طاسة مقسمة حلها لقا فيها شﻻضة بمطيشة والخص معاهم فرشيطة وجيهة فيها ربع دجاجة وجيهة فيها المرقة والدغميرة ديالها وجيهة فيها فريت وعاد الخبز ملوي..... يتبع