الملتزم السادي ♡بالدارجة♡

الجزء 42

168
نقرقبو الناب شوية.مﻻك جلسات فالكورسي تاع المكتب وسمعو تاني مكتب وتخايلوه مكتب كبير وعامر بالكتوبة والوراق راغي طابلة صغيرة ماشي تامكتب وحاطة فوقها غي شي ثلاثة الكتوبة وفالقنت مجموعين الادوات القدام والوراق ديال الوساخ خارجين منو جلسات وشافت فيها:فاش غنقرقبو اﻻلة هاد الناب.شافت فيها بمكر:فموسيو عهد.مﻻك عوجات فمها:شفيه ميتقرقب تاهداك.حليمة قادات الجلسة:احم ﻻش مالو ياك عاجبك.مﻻك مكتشوفش فيها:شكون قالك كيعجبني اصﻻ راهضرت مع خالد مبقيتش باغة نتزوج.حليمة بقات كضور عينيها وراسها ضارها ملي قالها ليها خالد:اه وعﻻش ياك كنتي فرحانة ياﻻلة والبطل ديالك جا تالعندك تولي مرتو ياﻻلة.
مﻻك:مبقيتش باغة وصافي واصﻻ باقي صغيرة.
حليمة:وعﻻش غي هكا صافي جيتي ومبقيتيش باغة.مﻻك بقات ساكتة وحليمة كتشوف معاها:واش وقع شي موشكيل بيناتكم.مﻻك كتحاول تخفي توترها كل متفكرات احداث البارح:اه غي متفاهمناش وصافي.حليمة قلزات ليها:ايوة هاكي متفاهمتوش وﻻ لخرى مالي انا وخوك من نهارنا تزوجنا راتاحنا شحال دوزنا لدرجة لعام لول ديال زواجنا دوزناه مقاتﻻت وكل مرة راجعة لدار با ولكن رامع العشرة راكتفاهمو ماشي نتي خرجتي معاه نهار وقلتي متفاهمتوش يانبصم عليها تاكاينة شي حاجة خرا.مﻻك ناضت للشرجم:شغيكون مثﻻ والو غي متفاهمناش.
حليمة:ياك وليتي تخبي عليا ياك انا ختك.مﻻك بعصبية:حليمة صافي راهضرت معاك ميكي مبغيتش نعاود متحكريش وهاداك صافي غنسد عليه مبقيتش باغاه.حليمة بحزن اول مرة كتغوت عليها وناضت:اه واخة سمحيليا.ومشات خرجات مﻻك ضارت كتغوت عليها:حليمة اجي اففف تفو على مرض.ضارت لتيليفون مشات هزاتو وحﻻت عينيها مزيان قالت تجرب سميتها كتبات غي مﻻك وعطاوها غالطة وعوجات فمها وتفكراتو بلي هو الوحيد لي كيعيط عليها بسميتها كاملة وكتباتها.... يتبع

169
وكتباتها وطلع ليها خاطئ وخرجات عينيها وحطاتو تاني كضور فالبيت وكتفكر ومشات هزاتو وبدات كضور فيه مع قلباتو بانت ليها بحال شي كتبة كتبري بحاﻻ منقوشة فيه قابﻻتها مع الضو وهي تبان ليها كان مكتوب:اينجل اوف ﻻيت. عاد سرات معاها رابلي هي هاديك سميتها ﻻترجمات للانجليزية ضورات التيلي وكتباتها وتحل وتحلو عينيها معاه ويديها بقاو يترعدو اول حاجة بغات تدخل ليها هي الواتساب دخﻻت ملقاتوش لقات غي نمرة وحدة ولي هي ديالو بقات كتخرج وتعاود تدخل نواها كتسحاب واش ديالها معارفاش بلي السي سيد قلب وشقلب كلشي خدا نمرتو وبدل الواتساب دار ديالها فتيليفونو وﻻ بحاﻻ ديالها غاهو فيه تصاورو لي اصﻻ مخليه على قبلهم باش لعل وعسى تشوف شنو فيهم تحس بيه وتسامحو.بقات كتعوج ففمها ملي ملقات والو زعما كانت باغة تحصلو وهي تبان ليها بﻻصت التصاور مع دخﻻت ليها سمعات لخطاوي قراب لبيتها بحاﻻ غيدخلو عندها بسرعة خشاتو فصدرها لي بان ليها قريب ووقفات تحل الباب ودخﻻت الغالية:يالله باش نشوفو داكشي لي غيخصك نبداو نقصو من دابا ماشي تاتقربي تمشي عاد نبداو نتجاراو.مﻻك مقداتش تقولها رامبقا والو لكن قالت تايكون واقف معاها خالد عاد تشوف شنو غدير وهي غادة جيهت حوايجها:واخة هانا نلبس شكون غيمشي معانا.
الغالية:غيمشيو معانا مت راجلك وختو لقيتيها عاد عيطات ليا قالتها ليا.مﻻك ضارت كتشوفيها:ولكن عﻻش امي اويلي غنمشيو نتزاحمو معاهم حنا قدهم وزيدون باينة مغاديش يمشيو لبﻻيص منين غنتقداو تاحنا.هي قالت هاكا حيت عارفة باقي معطاها ﻻسداق ﻻوالو ومها ﻻبغات شي حاجة غتقوليها ﻻش التضيع.الغالية حطات يديها على جنابها:وﻻش بالسﻻمة مالنا حنا كيجيناك وزيدون راك واخدة ولدهم راك وليتي منهم وزيديك مالي حمقة نخليك تشوفي الحاجة ومتاخديهاش.مﻻك خرجات عينيها بحماس... يتبع

170
بحماس:بصح لي بغيت.الغالية حنات عينيها وتنهدات:اه لي بغيتي مالي شحال عندي من بنت.مﻻك دغيا دبلو مﻻمحها وضارت لحوايجها مخبيا حزنها ملي تفكرات بلي هاد الزواج مغيكملش واخة عندها خوف انهم والا بد مغيتدخلو وغيبغيو يبززو عليها وانهم تباهاو بيها قدام الناس بنتهم الوحيدة خداها واحد مرفح جبدات جليليبة حيت عارفة مها متخليهاش تخرج معاها بسروال وشي قميجة شافتها الغالية شنو جبدات كانت جﻻبة كحلة كديها غي الحمام وبدات كتولول:ايولي على الضبعة شباغا تلبس ﻻ دابا نتي لي غتشوهيني مع الناس واش باغاهم يقولو مكنشريوش ليك الحوايج لبسي شي حاجة من لي كيجيبو خوتك.مﻻك بقات كتشوفيها والغالية ﻻحت ديك الجﻻبة وكتهز فحواجبها:وبقاي تشوفي فيا واصﻻ انا مكنعرفش لداكشي داكشي باش كيجيبوه ليك هوما عندهك عياﻻتهم صغارات يعرفوك شكتلبسي.مﻻك شدتها الضحكة والغالية مشات بحالها ومﻻك جبدات التيلي حطاتو ومشات سدت عليها الباب ومشات جبدت لبست بالزربة سروال تجين سليم وقويميجة طويلة تقريبا للركبة فالغوز ودارت شال كحل وسبرديلة كحلة تاهي كانو حوايجها كلهم جداد تقريبا حيت مكتلبسهمش بزاف لبستهم بالخف ومشات هزت التيلي كتقلبو تاني ودخﻻت للتصاور لقات فالاول تصاورو كانو فمختلف الدول والمناطق المغربية اغلبيتهم غي الطبيعة والبحورة بﻻ شعور لقات راسها كتبتاسم تاهي كيعجبوها دوك البﻻيص وتاتصاور لي كيدير مكرهاتش كون كانت هي بﻻصتو بقات غادة هابطة وشي تصاور مع مو وباه وخوتو وصﻻت للاخر حيت كانت هابطة بالزربة وكدوز غي عينيها عليهم لقات ضوسي مكتوبة فيه طفلتي قلبها بدا كيضرب كتسحابها واش بنتو ومخبيها عليها مخلي الضوسي التحت قلبها ضرها غمضات عينيها ودخﻻت حﻻت عينيها بشوية وهي تحلهم بالزربة على وسعهم وبداو كيدمعو غي بحدهم مقداتش ممتيقاش
وميمكنش هادشي لي كتشوف دخﻻت لصورة لي ثارت انتباها وخﻻتها انها تصدم.... يتبع

171
وميمكنش هادشي لي كتشوف دخﻻت لصورة لي ثارت انتباها وخﻻتها انها تصدم وينزلو دموعها وبتاسمات باسى:عﻻش درتي فيا هكاك عﻻش.وعنقات التيلي عند صدرها مزيراه وعاود حيداتو كتشوف فالصورة لي كان فيها هاز ورقة مكتوبة فيها سمحيليا احبيبتي وعلى مﻻمحو الحزن وكانت تاهي باينة فالصورة ناعسة شاد غي كتيفاتها ووجها حيت كانت عريانة مبغاش يصورها كاملة خرجات من الصورة وبقات هابطة فالتصاور وكتستغرب ايمتا تخادو ليها هاد الصور لدرجة شي وحدين كتبان بحاﻻ هي عارفة غتصور وشادة شي بوز ولي كانو تخادو ليها من طرف رجال البوص فاش كان حاضيها ولي كانو غي فجاة هي هادشي معارفاهش وﻻ كيجيبليها الله بحاﻻ راماشي هي وﻻ غي فوطوشوب بقات كضور وصﻻت لصورة شاد مخدة خاشيها فصدرو معنقها وملبسها كسوة كتبان قديمة وشي حاجة كحلة ﻻسقة فيها لفوق بقات كتزومي وكتستغرب للحضة تخﻻت كتسحاب واش شي جن وﻻ شي حاجة وكتقول فين شايفة ديك الكسوة راسها ضرها بالتفكير وبقات كضور فدوك التصاور كانو شي وحدين شاد ديك المخدة مجلسها على رجلو وقدامهم حلوى بحال ديال عيد الميﻻد كانو بزاف وكل وحدة جيهة الشموع رقم كانو من11 حتال18 كتدوز وكتستغرب شنو هادشي وﻻ كيبان ليها عهد بحال شي حمق فدوك التصاور فواحد الصورة كان شاد البيت كامل بان ليها مزوق بحاﻻ حفلة وشي زواقات معلقين فوق السرير لي كانت محطوطة فوقهم ديك المخدة نيت لي وﻻت فينما تشوفها فشي صورة كتخلع بانو ليها دوك الزواقات بحاﻻ دايرين شي كتبة زومات ليها وهي تخرج عينيها فداكشي لي مكتوب(مبروك بلوغك يامﻻكي)ومكتوبة حداها 14 نفس السن لي بلغات فيه مﻻك وبدات كضور عينيها وقلبها كيضرب وعاد بدات كتفهم وكتستوعب و مباغاش تيق تنفسات وزومات للمخدة وهي تقفز فاش سمعات الدقان بسرعة طفاتو وخشاتو فصدرها وناضت كتنش على وجهها...... يتبع