أشرقت نفسي🌞مكتملة🌞

🌞الجزء 3🌞

🌸 أشرقت نفسي 🌸
الجزء 03

وحنا فهاد الحالة عندنا جوج ديال الحوايج ، أوامر من الله عز وجل ، وأوامر من الهوى ..إدن شنو غنتبعو : أكيد غنتبعو الأوامر ديال الإله لي بصح كنعبدوه ، فعنداك تخلي إلاهك هو هواك
المؤمن منين كينزل عليه شي أمر من الله عز وجل كيقول : " سمعنا وأطعنا " يعني غير نسمع داك الأمر خاصني نطيع ونفذ ، ماشي سمعنا واقتنعنا عاد أطعنا .
قاطعاتو وقالت :
سجود : أهاه وشنو الحكمة من الحجاب
هو : قبل منجاوبك على هاد السؤال  ونحاول نشرح ليك شنو الحكمة من الحجاب ، خليني نقولك بلي داكشي لي آمرنا بيه الله سبحانه وتعالى ماشي ديما نقدرو نعرفو الحكمة منو ، كاينين بعض الأوامر لي تعبدية ، حنا عباد لله عز وجل لي قالينا نديروها خاصنا نديروها وإلا خليني حتى أنا نسولك علاش كنصليو فالفجر جوج ركعات ، والظهر ربعة  ، والمغرب تلاتة . شنو " الحكمة " الله أعلم حنا عباد لله كنطبقو داكشي لي آمرنا بيه ومع ذلك مكاين مشكيل  نفكرو فالحكمة.
~ الحكمة ~ من الحجاب أنه يدير مجتمع سوي ، الله سبحانه وتعالى آمر الرجال بغض البصر ، وآمر النساء بالحجاب وغض البصر كذلك  . فلو المجتمع الإسلامي التازم بهاد الأوامر والرجال ديالو كيغضو البصر والنساء كيغضو البصر ولابسين الحجاب . غادي يكون مجتمع سوي من ناحية العلاقات .
ضورت بؤبؤ عينيها يمين وشمال وقالت :
سجود : غنگوليك ومال أروبا وأمريكا ماشي مجتمعات سوية بلا حجاب وبلا إسلام 
حرك راسو بلا حول وقال :
هو : وأنا غنگوليك ، أه ماشي مجتمعات سوية أمريكا هي أعلى دولة في الإغتصاب فالعالم ، وإلى مصدقتينيش بحثي شوية فهادشي وغتلقاي بلي كلامي صحيح ، وخليك من ديك الصورة الملائكية لي هوما كيبغيو يوصلوها لينا من خلال الإعلام . زائد أنهم فأروبا وأمريكا مسموح للولاد يديرو صديقات والبنات يديرو أصدقاء ويعيشو حياة جنسية فسن صغير بزاف إبتداءا من 13 سنة ، وهادشي كيأدي إلى انتشار أطفال بدون آباء وعائلات متشتتة واغتصابات إلى آخره ..
أما حنا الإسلام بغانا نكونو مجتمع سوي وكل العلاقات ديالو تكون سوية ومزيانة
إذن الحجاب هو حماية ليك من الذئاب وحماية لزوجك من الوقوع فالمعصية وبزاف ديال الحوايج ، وأهم حاجة من هادشي كامل أنه طاعة وامتتال لأمر الله 
جحضت عيونها و قامت قادات جلستها بخفة وقالت معوجة فمها بدون مبالات :
سجود : أنا غنتحجب ولكن حتى نتزوج ونولد { حركت راسها } أه غندير بحال ماما حتى كبرات عاد تحجبات ..حيت أنا بغيت نعيش الشباب ديالي .
رد عليها بكل هدووء تام وقال :
~ : هاد الحجج كاملين كيدلو على أنك عارفة راسك إنت غتموتي ، ومتأكدة أنك مغتموتي حتى تزوجي وتولدي وتكبري وتحجبي ..
الله سبحانه وتعالى كيقول « " فإذا جاء أجلهم لا يستأخرون ساعة ولا يستقدمون "» ، الله بوحدو لي بيدو الأعمار والأجل  الله هو لي عارف حنا غنعيشو حتى لإمتا بغا هو ، يا مسمعنا أطفال ماتو ، وبنات وولاد ماتو فعز الشباب ديالهم ، ولنفرض عارفة إنت غتموتي خاصك تلبسي الحجاب ، لأن الفترة لي غتعيشيها بلا حجاب هدا ذنب غتقابلي بيه الله يوم القيامة ، ومغيكون عندك حتى شي عذر أو مبرر ، نتي واخا كتصلي وكتصدقي وكتصومي ولكن حتى الحجاب خاصك ديريه لأن الله آمر بيه ، نعطيك مثال :  مثلا لنفترض عندك 5 المواد غدوزي فيهم امتحان ، نجحتي فربعة ووحدة لا ، شنو غيوقع
سجود : غنعاود المادة لي سقطت فيها
~ : أكيد غتعاودي ديك المادة لي سقطتي فيها ودوك ربعة المواد لي نجحتي فيهم مغاديش يشفعو لك فديك المادة ، نفس الشيء فالعبادات ، ومتستكتريش وتمني طاعتك على الله عز وجل .