أشرقت نفسي🌞مكتملة🌞

🌞الجزء 6🌞

🌸 أشرقت نفسي 🌸
الجزء 06

وأخبرنا أنه غيجي واحد زمان القابض على دينه كالقابض على الجمر من شدة الصعوبة ، ولكن هدا هو لي غيدخل للجنة وهدا هو لي غينجح فالإمتحان وفالأخير بغيت نقوليك . أنا عارف الحجاب ماشي هو الدليل على أن هاد البنت مزيانة ، وإلى مكانتش محجبة فهدا دليل على أنها خايبة ولكن عمرك مغتكملي إلا بالإيمان ، إلا مني تقدمي كلام الله والأوامر ديالو على الهوى ديالك ، إلا مني تولي كتبغي داكشي لي كيبغي هو قبل من داكشي لي كتبغي نتي ، إلا مني ديري الطاعة وهي صعيبة عليك وتلقاي فيها صعوبة ومتستسلميش على قبل الله عز وجل وحبك ليه . عقلتي على الآية ديال الحجاب لي قلت لك فالأول .
سجود : أه عقلت ..يا أيها النبي قل لأزواجك وبناتك ونساء المؤمنين ، يدنين عليهن من جلابيبهن .
هو : مزيان ، فهاد الآية كيقولو العلماء أن الأمر هو {قل} والجواب ديال الأمر هو {يدنين} بحال إلى گلنا حفض تنجح ، إلى حفضتي غتنجح . يعني الله قاليه {قل} وهوما سمعو وطبقو ، ولكن دابا كاينين شي بنات واخا سمعو مطبقوش . داكشي علاش الله فهاد الآية حط واحد الشرط لي غيخليهم يستاجبو ويطبقو الأمر .
" قل لأزواجك وبناتك ونساء المؤمنين "
{المؤمنين} ، يعني باش تنوضي تلبسي الحجاب هدا دليل على إيمانك وملي غتولفيه ، غتولي تشوفي راسك فالمراية وتقولي: أنا كيفاش مدرتش الحجاب من شحال هدي ، غيولي الحجاب بحال الروح ديالك مغتقدريش تخرجي بلا بيه ، الشيطان غيجي لك مئة مرة ، وشياطين الإنس غيجيو لك ألف مرة . ولكن متسمعيش ليهم خلي لي بغا يقول شي حاجة يقولها ..يالله بغيتك دابا تلبسي الحجاب ، دابا .
وماشي باش تسمعي لكلامي أنا ، { لا } باش تسمعي لكلام الله عز وجل
الحروف وحلو فحلقها معرفت شنو تسبق وشنو تأخر ، من غير كلمة وحدة كتجول فبالها الآن { اقتانعت } بصح قتانعت شنو لي مزال مخليها حتى لدابا متلبسش الحجاب ، تبعت شهوات الدنيا وملذاتها ، داقت حلاوتها ونسات نفسها بلي أنها يوم من الأيام غتموت وتتحاسب فيه على لبسها وصلواتها لي سنوات وهي مأخراها.
ووالديها لي كل يوم كيعاتبوها على صلاتها .. " نوضي تصلي واش مغاديش تصلي " ، الأم ، الأب ، الأخ ، الأخت .
الكل كيبزز عليها هاد الصلاة شيء لي مخليها تهجرها وتفارقها غير ضد فيهم