🌸 أشرقت نفسي 🌸
الجزء 15
أما طريقة الحفظ : كناخدو الجزء المقرر عندي نحفضو داك النهار وطبعا نكون شرحتو فالتفسير وفهمتو وسمعت ليه ، غنقرا الآية الأولى ونرددها 10 مرات ونغلق المصحف ونرددها غيبا 10 مرات ، وننتاقل للآية التانية وندير معاها نفس الشيء ، يعني نرددها وأنا كنشوف فيها 10 مرات ونغلق المصحف ونرددها غيبا 10 مرات . من بعد نربط الآيتين مع بعضهم ونرددهم 10 مرات وهكدا ننتاقل للآية الموالية حتى نكمل عدد الآيات لي عندي داك النهار ونربط الجزء كامل ونعاود نرددو وهو متصل بالكامل { يعني الثمن } من بعد منحفظ ونستظهر على راسي داك الجزء ، نحاول نستظهرو على شي واحد { متلا } الزوج ، الأخت أو الأم
ويفضل أنك تستظهري على معلمة
🍂 سادس خطوة : هي المراجعة
من بعد محفضنا واستظهرنا على شي حد خاصنا نتبتو داك الحفظ ونبقاو ديما نراجعوه ، باش منساوهش ومن أفضل طرق المراجعة أنكي تبقاي تصلي بداكشي لي حفضتي فالصلوات الخمس والنوافل وتردديه ملي تكوني { متلا } فالكوزينة ولا غادا فالطريق للخدمة أو فأي وقت متاح ليك وحاولي تخصصي يوم أو يومين فقط للمراجعة متحفضيش فيها .
وفالأخير دائما ديري فبالك " ولقد يسرنا القرآن للذكر فهل من مذكر " .
الله سبحانه وتعالى كيقول لك بلي القرآن ساهل بزاف وممكن أنك تحفضيه ، وحيدي من راسك كلمة " صعيب نحفظ القرآن " باش تحفضي القرآن خاصك تمسحي من راسك " جميع الأعذار " لأنه مكاين حتى شي عذر يخلينا منحفضوش
غتقولي ليا ، الخدمة ، القراية ، الولاد ، أنا أمية مكنقراش .
غنقوليك بلي كل هاد الأعذار هي فقط
" أعذار من الشيطان " ولا أساس لها من الصحة . عرفتي شنو هو الدليل على صحة كلامي هو أننا " يا مشفنا أعمى حفظ القرآن ومعاق وطبيب ومهندس ومعلم حفظ القرآن وربت بيت ومرأة فالستينات وأمية حفضت القرآن .
هاد الأعذار كلها لي گلتي كاينة عند هادو ولكن حفضوه عرفتي علاش ، لأنهم بكل بساطة أخلصو النية لله عز وجل وكانت عندهم العزيمة والإرادة وطلبو من الله باش يحفضوه وحفضوه رغم كل الصعوبات .
اللهم إجعلنا من أهل القرآن وارزقنا وأولادنا وذريتنا حفظه وتلاوته آناء الليل وأطراف النهار والعمل به وإقامة حدوده .
اللهم إجعل القرآن ربيع قلوبنا وجلاء أحزاننا وذهاب همومنا وغمومنا . اللهم إجعلنا من حفظة كتابك وتبته اللهم في قلوبنا واجعل القرآن لنا شفيعا يوم القيامة . السلام عليكم
كملت حصتها وانصرفت بكل هدوء والإبتسامة مكتفارقش محياها ، فجأة شدت على قلبها بانزعاج دقات قلبها تسارعو بشكل سريع تلفت على شمالها وخطات خطوتها الأولى حتى كتصطادم بسيارة ، بعد ما تلقت لضربة فقدتها توازن جسمها وارتطم رأسها بحافة الطريق ، رفعت إبهام أصبعها بتتاقل وقالت بصوت متقطع :
سجود : أشهد أن لا إلاه إلا الله وأشهد أن محمدا رسول الله ، غلقت فوهة فمها وعيونها مع آخر كلمة ليها
YOU ARE READING
أشرقت نفسي🌞مكتملة🌞
Romance💎مكتملة💎 ❌حصرية على الواتباد❌ حصريا في رمضان 🌙 قصة قصيرة ذات طابع ديني بٱمتياز ••• تقديم ••• ~ إهداء لكل فتاة أرادت إلتماس طريق النور •• لكل فتاة أرادت حفظ كتاب الله •• •• لكل فتاة إبتعدت عن الصلاة •• و ~ لكل أخت بقيت محجبة بالحجاب الشرع...
