🌸 أشرقت نفسي 🌸
الجزء 05هو : غنقوليك إلى بقيتي كتسناي أنك تكوني الإنسانة المتالية باش ديري الحاجة عمرك مغاديريها ، كلنا عندنا ذنوب ومعاصي وكنغلطو ، وغنبقاو نغلطو ونتوبو ، و نغلطو و نتوبو ، لأن الله سبحانه وتعالى هو لي بغانا هكا ، وهذه هي سنة الله في الخلق .
وغنعطيك متال : { متلا } إلى جاتك خدمة زوينة فشي شركة كبيرة ، ولكن هاد الخدمة محتاجة أنه يكونو عندك شي مؤهلات متلا ؛ تكوني كتعرفي تستعملي الحاسوب وتكوني كتعرفي لشي حوايج . شنو غديري ..
واش غتقولي لهم : لا مبغيتش هاد الخدمة ولا غتجتاهدي وتمشي تعلمي باش تكوني مؤهلة لديك الخدمة ،، نفس الشيء نتي تحجبي وجتاهدي فنفس الوقت ، لأننا عمرنا مغنكونو مؤهلين ومتاليين حنا بشر ماشي ملائكة ، وبما أنك مسلمة فنتي مؤهلة أنك تلبسي الحجاب . ومتديهاش فصحابات نتي محجبة وكديري وتفعلي ، نتي منتقبة وكديري وتفعلي . وغير حيدي داك الحجاب حسن لك ، وغير حيدي داك النقاب حسن لك ، كأن المحجبة والمنقبة ملائكة مكيخطؤوش ومعندهمش ذنوب
الرسول صلى الله عليه وسلم قال فالحديت القدسي : " والذي نفسي بيده لو لم يذنبو لذهب الله بكم ولجاء بقوم غيركم ، يذنبون فيستغفرون الله فيغفر لهم " . نتي متخليش هاد الناس يعاونو الشيطان عليك ، وعنداك تخلي الشيطان يضحك عليك .
متلا : الى كان عندك سلم فين عشرين درجة وطلعتي واحد ربعة درجات ولا خمسة ، واش ماشي حسن من أنك تكوني فالدرجة الأولى ولا باقي گاع مطلعتي حتى درجة ، أي خطوة إلى الله فهي أفضل وأحسن ، فإلى مقدرتيش تحسني وتزيدي القدام ، استعيني بالله وقولي : ياربي أنا بغيت نتحسن ونزيد القدام وهو غيوفقك وعنداك ترجعي للوراء
السؤال السابع ،،،
فكرت مزيان قبل متجاوبو ، ورمات كلامها عليه وقالت :
سجود : أنا صحاباتي كاملين والمجتمع لي ضاير بيا ماشي محجبات ، إلى درت الحجاب غنكون غريبة وسط منهم
هو : الرسول صلى الله عليه وسلم قال : " بدأ الإسلام غريبا وسيعود غريبا كما بدأ فطوبى للغرباء " . فالأول كانو المسلمين قلال وكانت حياتهم صعيبة بزاف ، كانو كيحسو بروسهم غرباء وسط الناس فالنبي قال ، أن الإسلام غيرجع تاني هكا غتحسي براسك غريبة بين الناس . أه بصح ولكن النبي واعدك بالجنة وأخبرنا أنه غيجي واحد الزمان ، القابض على دينه كالقابض على الجمر من شدة الصعوبة
أنت تقرأ
أشرقت نفسي🌞مكتملة🌞
Romance💎مكتملة💎 ❌حصرية على الواتباد❌ حصريا في رمضان 🌙 قصة قصيرة ذات طابع ديني بٱمتياز ••• تقديم ••• ~ إهداء لكل فتاة أرادت إلتماس طريق النور •• لكل فتاة أرادت حفظ كتاب الله •• •• لكل فتاة إبتعدت عن الصلاة •• و ~ لكل أخت بقيت محجبة بالحجاب الشرع...