أشرقت نفسي🌞مكتملة🌞

🌞الجزء 14🌞

🌸 أشرقت نفسي🌸
الجزء 14

وبسبب حفظك للقرآن والديك غادي يلبسو يوم القيامة حلتين أفضل من الدنيا وما فيها ، كنضن بأن أجمل وأفضل وأروع طريقة باش نردو لوالدين ديالنا ولو القليل من الخير الكتير ديالهم ، نردو ليهم شوية من الحنان والحب والعطف ديالهم لينا ، التعب لي تعبو ، والسهر لي سهرو ، باش يقريونا ويكبرونا . هو أننا يوم القيامة نوضعوهم فهاد المنزلة .
وقبل منبداو الحفظ ديالنا خاصنا نخلصو النية لله عز وجل . يعني أننا غادي نحفضو القرآن في سبيل الله ويكون الهدف ديالنا هدف في الآخرة وليس في الدنيا .
متلا : أننا بغينا نحفضو القرآن باش نتبهاو بيه قدام الناس أو من أجل الدراسة أو العمل ، خاص ضروري يكون هدفنا هدف في الآخرة . متل هاد الأهداف لي ذكرت لكم .
دابا تعرفنا على أربع أسباب عظيمة لي تخلينا نحفظو القرآن بكل حب وبعزيمة وقوة ، خلينا دابا نتعرفو على الخطوات العملية لي غتخلينا نحفضوه بسهولة وبإتقان .
🍂 أول خطوة : خودي ورقة وستيلو وكتبي فوق الورقة { متل هذه } الإسم ديالك متلا " فاطمة الحافظة لكتاب الله " أو " مريم الحافظة لكتاب الله " وكتبي فنفس الورقة تاريخ بداية الحفظ متلا   {24/02/2020  } وتاريخ نهاية الحفظ متلا { 24/02/2022 } يعني غادي نوضعو واحد البرنامج وتأطير زمني للحفظ ماشي غير نحفضو عشوائيا . ديري عام أو عامين على حسب الإستطاعة والظروف ديالك ، من بعد كتبي شحال غتبداي تحفضي كل نهار أو كل أسبوع ، متلا هنا كتبت
~ ثمن كل يوم ~ إلا يوم الأحد غيكون فقط مراجعة وإستراحة من الحفظ ، ممكن تتحكمي فالبرنامج حسب ظروفك والوقت المتاح عندك . من بعد مكتبنا البرنامج غنعلقوه فالحائط ويكون قدامنا كل نهار .
🍂 تاني خطوة : هي أنك تختاري مصحف واحد للحفظ وممنوع تبقاي كل مرة تبدلي المصحف لأن الصفحات ديال المصحف كترسخ فالذهن ديالك وهادشي كيسهل عليك الحفظ والإستظهار .
🍂 تالت خطوة : هو أنه يكون عندك تفسير ميسر للقرآن وممكن تستاعني بتطبيقات فالهاتف خاصة بالتفسير ، وقبل متبداي تحفضي شي سورة شوفي التفسير ديالو باش تفهميه ، لأن الحفظ بدون فهم كيكون أصعب .
🍂 رابع خطوة : هي الإستماع { متلا } غنحفظ سورة البروج غنديرها عندي فالهاتف وملي نكون خدامة فالكوزينة أولا فأي مكان نسمع ليها مرارا وتكرارا ، فالإستماع قبل الحفظ كيسهل علينا الأمر بنسبة %90
🍂 خامس خطوة : هي وقت الحفظ وطريقة الحفظ
خاصنا نخصصو وقت للحفظ يكون مقدس نحتارموه ونلتازمو بيه وتهيئي الجو المناسب للحفظ ، يعني متحفضيش والتلفازة قدامك والهاتف حداك ، بعدي عليك أي حاجة تقدر تشغلك وخلي داك الوقت للقرآن فقط . { متلا } ناخدو ساعة فالنهار من " 4 حتى 5 " تكون خاصة بالحفظ فقط .