أشرقت نفسي🌞مكتملة🌞

🌞الجزء 13🌞

🌸 أشرقت نفسي 🌸
الجزء 13
بعد مرور أسبوع
~ صباح جديد ~
أمام مرآتها واقفة بحلتها متألقة بخمارها الأسود ، نزلت نقابها وهزت الحقيبة وراء ضهرها ، وفيديها قرآنها ..نزلت بكل هدوء كتخطي فخطاها نحو المائدة
بعد ملقات عليهم التحية ، جلست فمكانها كتفطر

🌸 بعد دقائق 🌸
وصلت لمكان الجمعية العامة لدراسة القرآن وإلقاء الدروس الدينية  ، وداتها ترتعش من الخوف . رددت فنفسها آيات من القرآن  وتمت كتمشى فاتجاهه ..ألقت التحية على الكل وجلست فمكانها المخصص
بعض مرور القليل من الوقت قدرت تستجمع وترتب الحروف فحلقها وتتكلم وقالت بصوت مرتفع قليلا :
سجود : واش عمركم فكرتو أنكم تحفضو القرآن الكريم حاولتو بزاف وكل محاولاتكم كتبوء بالفشل ، كتحفضو القرآن ولكن مكتفهموهش وكل حفضكم كيتنسا لكم . اليوم بإذن الله غنعطيكم خطوات إلى تبعناها غنقدرو نحفضو القرآن بسرعة ، بسهولة وبكل يسر ، غنفهموه وعمرنا منساوه .
أولا خاصنا نعرفو علاش أنا غنحفض القرآن ، كاينين بزاف ديال الأسباب والأهداف لي غتخلينا نحفضو القرآن ، ولكن غنعطيكم أهم أربع أسباب وهي :
🍂 أولا : قال صلى الله عليه وسلم «" إقرأو القرآن فإنه يأتي يوم القيامة شفيعا لأصحابه "» يعني القرآن لي كتقرايه وكتحفضيه يوم القيامة كيشفع لكم  وبسبب حفضكم للقرآن كدخلو للجنة .
🍂 تانيا : قال صلى الله عليه وسلم «" أهل القرآن هم أهل الله وخاصته "» يعني حفضة القرآن هما الأهل ديال الله والخاصة ديالو ، غنقرب لكم معنى الحديت باش تفهموه كتر { نعتت بأصبعها فاتجاه أحد النساء } نتي عندك أهل ياك
البنت : { ب باتسامة ردت عليها } أه
أه عندك والديك ، خوتك ، أصدقائك ، زوجك إلى آخره ..كيفاش داير الحب ديالك لهاد الناس لي عزاز عليك ، شنو كتمناي ليهم ، إلى عندهم شي مشكيل كيفاش أتوقفي معاهم ، إلى شفتي متلا دمعة أو حزن على الوجه ديال الأم ديالك أكيد غتكوني مستاعدة ديري أي حاجة باش تمسحي ديك الدمعة وترديها فرحة ياك . هادو أهلك نتي لي بشر ولا حول لك ولا قوة ، فكيف بأهل الله عز وجل ولله المتل الأعلى ، إدن شكون فينا مغيبغيش يكون من أهل الله وخاصته .
🍂 تالتا : قال صلى الله عليه وسلم في حديت آخر " يقال لصاحب القرآن إقرأ وارتقي ورتل القرآن كما كنت ترتل في الدنيا فإن منزلتك عند آخر آية تقرأها "
يعني أن حفضة القرآن مني كيدخل للجنة يقال له { إقرأ وارتقي } محدو كيقرا وهو كيطلع درجات بحالا راكب فالمصعد ، كل آية كيقراها كطلعو درجة ، متلا : { قل هو الله أحد } درجة { الله الصمد } درجة .
وغادي يوقف المصعد مني غادي يوصل عند آخر آية كيحفضها ، بل قال بعض الصحابة أن عدد درجات الجنة كعدد آيات القرآن ، فمن حفظ القرآن كله ليس في الجنة أحد فوقه . فسعدات لي غيبدا من البقرة ويسالي فسورة الناس .
🍂 رابعا : قال صلى الله عليه وسلم : " من قرأ القرآن وتعلم وعمل به ألبس يوم القيامة تاجا من نور ضوءه متل ضوء الشمس "