التـامور المَنيـع
رواية كُتبـت بقَلمي
الكاتبـة ريمـان علي
قلبي صوتو وعلقو
لخاطري يعني إذا ألي خاطر عندكم
🔺🔻🔺🔻🔺🔻🔺🔻🔺
جازَفت بـ أهلي حتى أصير وياك
وأنتَ شنهي سويته !!
خليتني حمام ومكسور جنحه
لا ألك طاير ولا راجع لأهله
◾▪️◾▪️◾▪️◾▪️◾▪️◾▪️◾
كَواكِب
-أيام وأجا يوم الي بي نروح أني ومُخلد لـ المحكمة علمود عقد الزواج
گـعدت الصبـح الساعة ب 7 وچانت هاي أول مرة بحياتي اگعد بهيج وكت
گعدتني مَـيار ورجعت نامت، گمت من فراشي أفرك بعيوني توَجهت لكنتوري طلعت ملابس اروح بيهن خليتهن علئ فراشي وطلـعت لـ المَطبـخ غسلت وجهي ورجعت للغرفة
بدلت ملابسي ألي هنَ فُستان بـ نَفشة بَسيطة مُناسب لـ المُحجبات لونَه أبيض وبي وردات لونهن أصفر ويا شال لون أبيض
ووگفـت گـدام المرايـة ارتـب بشـالي كملتـة واخـذت ألي صفنـة علئ وجهـي سمـاري عيـوني الصـغار الـي يشـبهن عيـون ماما، بـس مـامـا بشـرتهة لونهـة ابيـض وهـذا الي اكتـسبتة منـهة سـدرة أختي بـس انـي سَمرة علَى أبوي الله يرحمه
خشمي لا هـوَ جبيـر ولا هـوَ صغـير لا شكلـة حلـو ومـرتب نـوعاً مـا، خـدودي ايـضاً امتـلائهة مَقـبول وحـلو بـ النـسبة الـي، ابتـسمت وضـاعن عيـوني بـ خدودي مـن گـد مـاصـغـار، عيوني الي يسمونهن العمص لو الدگم
ضـربت گـصتي مـن بـاوعت عل السـاعة وشفتـهة بـ الثـمانية إلا ربـع حچيت ويا روحي بصـوت مسمـوع:- امـداج اي والله الفـاهية عليـمن صفنتـي
-عَلى صوتـي گـعدت مَـيـار بـاوعت لي وصاحت:- ويـامن تـحجين شمالج تـخبلتي!!
-رَديت:- ويا روحـي أرجعي نامي أرجعي
هَزت أيدهة قبل لا ترجع رأسها لـ المخدة
مَيـار: والله يا الله ومـن اگـلهة الفـاهية تلومني!
-رجعَت نامَت بدون ما أرد عليهة، أخذت ألي نضرة علئ ماما وأني أبتسم بـ أرتياح بعدهة أخذت حذائي بـ أيدي وطلَعت لَبرا، خليتهة بالحوش أجيت أرجع أدخل وأندگ الباب، فتحته وأبتسمت بخَجل لما شفت مُخلد الي جاي
سَلم وگال:- صباح الخير بوية
كَواكِب: صَباح النور تفَضل
مُخَلد: لا راح نتأخر كَملتي لو بعدج؟
-أرتبَكت وأرتباكي أنعكس بصَوتي لأن هاي اول من مرة من بعد خطوبتنة نصير بمُكان واحد لوَحدنة
كَواكِب: لاااا لاا مخلصة كلشي ماعندي
YOU ARE READING
التامور المنيع
Romanceأبًا كانَ يحرسُ بناتهِ كأنّهنَّ الضوءُ الأخيرُ في عُتمته، يخافُ عليهنَّ من شياطين الأنس من ذاكرةٍ لا تزالُ تتسلّلُ من جدرانِ قلبه. حاول أن يُبعدهنَّ عن كلِّ ما عَرَف، عن ماضٍ ما زالَ حيًّا في رئتيه، عن أصواتٍ لا يسمعها سواه. لكنه لم يكن يعرف... أنّ...
