Oops! This image does not follow our content guidelines. To continue publishing, please remove it or upload a different image.
*****
အပိုင်း(၉)
" အမှောင်ထဲမှာ တစ်ယောက်ထဲဘာလုပ်နေတာလဲရောင်နီစံ "
အကုန်အိပ်သွားပြီအထင်နှင့် ထမင်းစားခန်းထဲစားစရာတစ်ခုခုလာရှာကာမှ ထွဋ်မောင်နှင့်ထိပ်တိုက်သွားဆုံရတော့သည်။ ညသန်းခေါင်ဆို ဗိုက်ဆာတတ်တဲ့သူ့အကျင့်ကိုပဲ အပြစ်တင်ရတော့မလို။
" ဟင် ဆရာအိပ်သွားပြီမဟုတ်ဘူးလား "
ဦးငယ်တို့ပြောပြထားလို့ ညရှစ်နာရီဆိုထွဋ်မောင်အိပ်ယာ၀င်တတ်မှန်း သူသိထားတာဖြစ်သည်။
" ငါမေးတာပဲအရင်ဖြေစမ်းပါအုံး မင်းကဒီမှာဘာလာလုပ်နေတာလဲ "
သူ့ရှေ့မှပိတ်ရပ်ကာ ချောင်ပိတ်မေးလာသူကြောင့် ရောင်နီအခက်တွေ့လာတော့သည်။ ဗိုက်ဆာလို့စားစရာလာရှာတာပါလို့ပြောရင်လဲ ထပ်ပြီးအဆူခံရအုံးမည်။
" ငါမေးနေတယ်လေ "
" ဟို... ကျွန်တော်ဗိုက်ဆာလို့ပါ "
" ညကထမင်းမစားထားဘူးလား "
" စားထားပါတယ် ဒါပေမယ့်ကျွန်တော်ကညသန်းခေါင်ဆိုဆာတတ်လို့ပါဆရာ "
" ညစာစားတဲ့အချိန်မှာ တစ်ခါထဲအ၀စားထားရမယ်လို့ဦးငယ်မပြောထားဘူးလား "
" ပြောထားပါတယ်"
" အဲ့တာဆို ဘာလာရှာနေတာလဲ ဘာမှမရှိတော့ဘူး ငါကထမင်းပိုဟင်းပိုမချက်ခိုင်းထားဘူး "
" ဟုတ် ကျွန်တော်ရေသောက်လိုက်လို့ ဗိုက်လဲမဆာတော့ပါဘူး ဆရာ့ကိုစိတ်အနှာင့်အယှက်ဖြစ်သွားစေရင်တောင်းပန်ပါတယ်နော် ကျွန်တော်ပြန်အိပ်လိုက်ပါ့မယ် "
ရောင်နီထိုနေရာမှ အမြန်ရှောင်ထွက်ဖို့ကြံရွယ်လိုက်သည်။ ညသန်းခေါင်ဗိုက်ဆာတတ်တဲ့ အကျင့်ကိုလဲသူအမြန်ပြင်မှဖြစ်တော့မည်။
YOU ARE READING
The Villain In Someone's Story(Completed)
Romanceပြဿဒါးနေ့မှာ နှလုံးသားထဲ၀င်ရောက်လာပြီး ရက်ရာဇာမှာပြန်ထွက်မသွားဖို့ ဘုရားမှာအမြဲဆုတောင်းမယ်
