Oops! This image does not follow our content guidelines. To continue publishing, please remove it or upload a different image.
Di ko alam kung makakalaya ba tayo
Sa piitan kung saan tayo ikinulong ng sarili nating ulirat
Di ko alam kung ang lugar na ito ay magtatagal pa
Kahit dugo't pawis man ang pumatak di pa rin maisusulong ang adhika
Di ko alam kung ang pagtingin ko sa mundo ay nag-iba
Mas lumalim at pumait kaysa nang ako'y musmos pa
Mas lumalalim—lalong tumatabang ang pag-asa na dati nakikita ko pa
Mas lumalalim—nagdidilim ang paligid
Nawawalan ng saysay ang hininga
Mas lumalalim—mas lalo akong bumibitaw
Mas lumalalim—hindi na ko makahinga
Nagtatakbuhan ang mga pangamba
Saan ba lulugar ang isip kong naiiba?
JB/sariling pinitik
2021
