Uni
" ဝမ်ရိပေါ်! "
" တင်ပါ့ဘုရား တပည့်တော်ကိုခေါ်တာလား "
" ဘေးမဲ့ပေးထားတဲ့ကြက်အုပ်ထဲက နှစ်ကောင်ပျောက်နေတယ် ဘယ်မလဲ "
" ဒယ်အိုးထဲမှာပါဘုရား "
" ဘာ! "
" ဘုန်းဘုန်းဘုရား တကယ်တော့ သူတို့ကအရှင်လတ်လတ်ငရဲကြရတယ်ဆိုတာ မကောင်းတာလုပ်လို့ပါဘုရား အဲ့တာကြောင့်ပါရမီဖြည့်တဲ့အနေနဲ့ အမွှေးနှုတ်ပီး မီးဖုတ်ကင်လိုက်ပါတယ်ဘုရား "
ဝမ်ရိပေါ်အားကြည့်ကာ ဟောက်ရွှမ်းမှာတော့ အူတက်နေသည်မှာအသံပင်မထွက်တော့ပေ။ပါးနှစ်ဖက်မှ ပါးကွက်ဝိုင်းနှစ်ခုနှင့်အတူ ကြက်တောင်စည်းကာ ပုဆိုးအား စလွယ်သိုင်းပုံစံလွယ်ထားသေးသည်မို့ ချစ်ဖို့ကောင်းနေသော်လည်း ထိုကလေးဟာတကယ်ကို မလိမ်တတ်မညာတတ်ကလေးလေးပေဖြစ်သည်။သို့သော် ထိန်းမနိုင်သိမ်းမရမျောက်လောင်းလေးပါဖြစ်သည်မို့ ဆရာတော်ဘုရားအတော်ကို ထိန်းရလေသည်။အခုလည်း ဘေးမဲ့လွှတ်ထားသည့်ကြက်တွေအားမီးကင်စားသည်မို့ ဆရာတော်ဘုရားအတော်ပင်ဒေါသမီးများလောင်မြိုက်နေလေပြီ။ကိလေသာအားစိတ်ကုန်၍ ဘုန်းကြီးဝတ်သော်လည်း အမောင်ဝမ်ရိပေါ်ကြောင့်တစ်ရက်မျှပင် ဒေါသမထွက်ရသည်မရှိခဲ့ပေ။
" ဘယ့်နှယ့်ဖြစ်လို့ ကြက်က ငရဲကြဖို့ကံပါရတာတုန်း "
" အော်အဲ့တာကဒီလိုပါဘုရား အရင်တစ်ခေါက် တပည့်တော် စိုက်ထားတဲ့ စပါးခင်းထဲကို အဲ့နှစ်ကောင်ရောက်လာပါတယ်ဘုရား စပါးတွေလည်းခိုးစားသွားပါတယ် သူတို့ ငါးပါးသီလထဲက ဒုတိယမြောက်အပါးကိုချိုးဖောက်လို့ပါဘုရား "
" တိတ်! "
" တင်ပါ့ "
" ဟိုဘက်လှည့်ပြီးတိုင်ကိုဖက် "
" တင်ပါ့ဘုရား "
ရိပေါ်တစ်ယောက်တိုင်အားဖတ်ကာ တင်လေးအားကော့ပေးလိုက်သည်။ဆရာတော်ဘုရားရိုက်သည်မှာ နူးညံ့မှုရှိမနေသောကြောင့် ဖြန်းဟူသည့်အသံထွက်လာရသည်။သို့သော်ဖြန်းဟူသည့်အသံသည်ရိုက်သံနှင့်မတူပဲ ဒယ်တစ်ခုခုအားရိုက်သည့်အသံနှင့်တူနေလေသည်။
YOU ARE READING
Dear Doctor { Complete✓ }
Fanfictionစာသားတူနေရင် ssနဲ့တကွလာပြောပေးပါဗျာ ကျွန်တော် plotတေစာသားတေတူမှာကြောက်လို့ပါ အပြောခံရတာတေကျွန်တော်မနှစ်သက်ဘူး မြန်မာ့တောရွာဓလေ့ပုံစံရေးထားသည်မို့ အဆင်ပြေမှဖတ်ပါဗျာ ဒီficသည် စာရေးသူ၏စိတ်ကူးသက်သက်ဖြစ်သည်မို့ အိုက်ဒေါများအားထိခိုက်လိုစိတ်အလျင်းမရှိပါ။ ...
