Sweet Love [Complete]

3

Unicode

"ရည်းစားမရှိဘူးဆိုရင်ကိုယ်နဲ့တွဲမလားကလေးလေး"
"ဘာ!!"
"Oh my god!!"
ဂျိတ်မှာတော့ဘုရားတလိုက်ပေမယ့်လည်း ဆောင်းဟွန်းမှာတော့ဘာမှမပြောနိုင်

"ဖြေးဖြေးအော်ပါ ကလေးရယ် လည်ချောင်းနာသွားလိမ့်မယ်"
"ဒီမှာ CEO ပတ်ဂျေးရှီး!!"
အခြေအနေတွေကတင်းမာနေတယ်လည်းဆိုလို့မရသလို အဆင်ပြေတယ်လို့လည်းဆိုလို့မရ

ဂျောင်ဝန်းတစ်ယောက်မှာလည်း နေရင်းထိုင်ရင်းရည်းစားစကားအပြောခံလိုက်ရတာကြောင့်လန့်သွားပေမယ့်လည်း ရန်ပြန်တွေ့ဖို့တော့မမေ့ ရင်ခုန်နေတယ်ဆိုလည်းမမှားပါဘူး သူသဘောမကျဘူးဆိုပြီးပြောရင်တော့လိမ်ရာကျမယ်ဆိုပေမယ့်လည်း ရင်ခုန်နေတာကိုတော့သူလိမ်လို့မရ မလိမ်ချင်လည်းလိမ်မှာပဲ ဘယ်လိုဖြစ်ဖြစ်တွေ့တာနှစ်ခေါက်တောင်မပြည့် အယ်မဟုတ်ပါဘူး ဒါနဲဆိုသုံးခေါက်မြောက်ပေါ့ တွေ့တာသုံးခေါက်လောက်ပဲရှိသေးတဲ့သူကသူ့ကိုရည်းစားစကားလာပြောတာလေ သူ့အကြောင်းကိုသိဖို့ပြောမနေနဲ့ နာမည်တောင်မှကိုယ့်အလုပ်ရှင်ဖြစ်နေလို့သိတာကို

"ကလေးလေး ကလေးလေး ဘာဖြစ်သွားတာလဲ နေမကောင်းဘူးလား"
ကိုယ့်ဘာသာကိုယ်အတွေးလွန်သွားလို့သူခေါ်တာမကြားလိုက်တာကို ပိုင်စိုးပိုင်နင်းနဲ့နဖူးပေါ်ကိုလက်တင်ပြီးစမ်းနေတာကြောင့် လူကဘယ်လိုမှမနေတတ်

"ဆောင်းဟွန်းလုပ်ပါဦး ဘယ်လိုလုပ်မလဲ ဖျားနေတာလားမသိဘူး မျက်နှာတွေလည်းနီလို့"
သူပြောမှပဲကိုယ့်ကိုကိုယ်သတိထားမိတော့တယ် ဖျားနေတာတော့မဟုတ်ပေမယ့် ရှက်ပြီးမျက်နှာတွေရဲနေတာဖြစ်ပါလိမ့်မယ်

"ဘာမှမဖြစ်ဘူး ဖယ်ဖယ်"
ပြောပြောဆိုဆိုနဲ့လက်ကိုဖယ်ထုတ်လိုက်တော့ ဆောင်းဟွန်းဟျောင်းဘက်လှည့်မေးနေရင်းကျွန်တော့်ဘက်ကိုပြန်လှည့်လာတယ်
"ဘာမှမဖြစ်စရာလား မျက်နှာတွေဒီလောက်နီရဲနေတာကို"
"ဘာမှမဖြစ်ဘူးဆို ဘာမှမဖြစ်ဘူးပေါ့ ဘာလို့အဲလောက်စကားများရတာလဲ တကယ်ပဲ"
ပြောပြီးအဲ့နေရာကနေမြန်မြန်ထွက်လာလိုက်ရတယ် မဟုတ်ရင်ဒီအခုန်မြန်နေတဲ့နှလုံးကြောင့်လည်းလူကရူးတော့မယ်