Unicode
အပိုင်း ( ၁၃_၁၁ )" ငါ.. အသက်ရှူရခက်ပြီးသတိမေ့သွားရုံပဲ...၊ အားလုံးကိုမှတ်မိနေတာတော့မဟုတ်ပေမဲ့ မင်း... ငါ့ကိုကျောပိုးပြီးဆေးခန်းခေါ်သွားတာကိုတော့ ငါ သတိရတစ်ချက်မရတစ်ချက်ဖြစ်နေတုန်းကမှတ်မိတယ်.....၊ မင်း... ရူးနေတာလား ဟမ်! ဒီလောက်အဝေးကြီးကို ဖိနပ်မပါပဲသွားရအောင်.... မတော်လို့ ပုလင်းကွဲတွေ၊သံတွေစူးမိသွားရင်...ဘယ်လိုလုပ်မလဲ...၊ အခုတောင်.. ကြည့်အုန်း မင်းရဲ့ခြေဖဝါးတစ်ခုလုံး... ပွန်းရာပဲ့ရာတွေချည်းပဲ "
" မောင်က... အချစ်တစ်ခုခုဖြစ်သွားမှာစိုးလို့ ဘာမှမစဥ်းစားနိုင်တော့ပဲ လုပ်မိသွားတာပါ "
ငြိမ်းခရာက သက်မင်းပိုင်ကိုဒေါသထွက်နေတာမဟုတ်ဘဲစိုးရိမ်လို့ပြောနေပေမဲ့ သူ့ရဲ့အသံက အရမ်းကိုမာထန်နေတာကြောင့် သက်မင်းပိုင်မှာ ငြိမ်းခရာကိုအပြစ်လုပ်မိထားတဲ့သူတစ်ယောက်လိုမျက်နှာလေးငယ်ကာ ပြန်ဖြေသည်။
" အဲ့လိုဖြစ်အောင်... မင်းပဲလုပ်တာလေ၊ မင်းသာ.. မင်းသူငယ်ချင်းတွေကိုအိမ်ခေါ်မလာဘူးဆိုရင်.. ငါအခုလိုဖြစ်ပါ့မလား...ဟမ်! အခုတော့ မင်းကြောင့် ငါ...အပြောခံရတာ "
ငြိမ်းခရာမှာ သူ့အသံကဒေါသသံတွေအရမ်းပါနေမှန်းသိပေမဲ့လည်း သူ့စိတ်ကိုမထိန်းနိုင်ဘဲ သက်မင်းပိုင်ကို အပြစ်တွေချည်းပြောမိသည်။ ထိုသည်ထက် လူ့ရိပ်၊လူ့အကဲမခတ်တတ်တဲ့အပြင် မကောင်းတဲ့သူငယ်ချင်းတွေပါပေါင်းနေခဲ့တဲ့သက်မင်းပိုင်ကို အားမလိုအားမရဖြစ်တာကြောင့် ထိုသို့သူ့အသံတွေကဒေါသသံစွက်ကာမာထန်နေရခြင်းဖြစ်သည်။
" မောင်... မှားသွားပါတယ်၊ မောင် သူတို့ကိုကြိုပြီးပြောထားပြီး သူတို့လက်သင့်ခံလား၊လက်သင့်မခံဘူးလားဆိုတာသိအောင် အရင်လုပ်ရမှာပါ...၊ အဲ့တာဆို အခုလိုတွေဖြစ်လာမှာမဟုတ်ဘူး... မောင် တောင်းပန်ပါတယ်နော်.... "
သူ့ကိုမျက်ရည်တွေစီးကျကာ ဝမ်းနည်းမှုကိုအံကိုကြိတ်ပြီးဖုံးကွယ်ကာနောင်တရပါပြီဆိုတဲ့အရိပ်အယောင်များပြည့်နေသည့်အကြည့်များနှင့် သူ့ကိုတစ်ချက်ကြည့်ပြီး ခေါင်းငုံ့သွားတဲ့သက်မင်းပိုင်ကြောင့် ငြိမ်းခရာလည်းနောက်ဆုံး သူ့စိတ်ကိုယ်သူလျော့လိုက်သည်။
![](https://img.wattpad.com/cover/336497100-288-k565118.jpg)
YOU ARE READING
မောင့်မြတ်နိုးရာ ( ငြိမ်းခရာ ) / ေမာင့္ျမတ္ႏိုးရာ ( ၿငိမ္းခရာ ) [ Completed ]
Romanceunicode မောင့်မြတ်နိုးရာ fic လေးနဲ့ သူပြောသော ကြယ်ကြွေပုံပြင် fic လေးနှစ်ပုဒ်ကို တစ်စုတစ်စည်းတည်းနဲ့ဖတ်လို့ရအောင် စာပြန်စီလိုက်တဲ့ Fic လေးပါဗျ။ zawgyi ေမာင့္ျမတ္ႏိုးရာ fic ေလးနဲ႔ သူေျပာေသာ ၾကယ္ေႂကြပံုျပင္ fic ေလးႏွစ္ပုဒ္ကို တစ္စုတစ္စည္းတည္းနဲ႔ဖတ္လို...