2ခု
Uniတစ်နေ့လုံးဧကရီအနားမှာနေပြီးဧကရီလိုအပ်တာတွေလုပ်ပေးရသည်။ညဘက်အနားယူပြီးမှသာရှောင်းကျန့်လဲအနားယူရမှာဖြစ်တယ်။အနီးကပ်အစေခံဆိုသော်ငြားလဲညဘက်အိပ်ရင်တော့သာမန်နန်းတွင်းသားတွေအိပ်တဲ့တန်းလျားအဆောင်မှာပဲအိပ်ရသည်။ရှောင်းကျန့်ပိစိလေးမကျေနပ်သော်လဲမတတ်နိုင်ဘူးလေ။သူကဧကရီရဲ့အစေခံပဲဟာ နည်းနည်းပါးပါးအခွင့်ထူးလေးတော့လိုချင်တာပေါ့။
အစေခံခေါင်းဆောင်ကရှောင်းကျန့်ကိုနန်းတွင်းသားတို့အိပ်ဆောင်ကိုခေါ်လာခဲ့သည်။အခန်းတွေအများကြီးဖြစ်ပြီးတစ်ခန်းကိုနှစ်ယောက်နေရတာဖြစ်တယ်။ရှောင်းကျန့်နေရမဲ့အခန်းရှေ့ရောက်တော့အစေခံခေါင်းဆောင်ကဝင်သွားဖို့မျက်စပစ်ပြတယ်။ရှောင်းကျန့်ကဟိုကြည့်ဒီကြည့်လုပ်ပြီးနှုတ်ခမ်းလေးကိုက်ကာတစ်ခုခုပြောဖို့ကြံနေသည်။
"ဟိုလေ..ခေါင်းဆောင်ဟွမ် ကျွန်တော်ကဧကရီရဲ့အနီးကပ်လူပါ ကျွန်တော်တကယ်ပဲဒီမှာနေရမှာလားဟင်"
ဟွမ်ထုကသူ့ရှေ့ကမျက်နှာလှလှလေးနဲ့အစေခံအဆောင်မှာနေရတာကိုသဘောမကျပုံရတဲ့လူကိုမျက်မှောင်းကုပ်ကာကြည့်လိုက်တယ်။မျက်ခုံးလေးတွေကတောင်းဆိုနေဟန်ပင့်တက်နေပြီးနှုတ်ခမ်းကိုလဲဖိကိုက်ထားသေး။
"ဒီမှာ ငါမင်းကိုတစ်ခုပြောလိုက်မယ် ဧကရီရဲ့လူပဲဖြစ်ဖြစ်ဧကရာဇ်ရဲ့လူပဲဖြစ်ဖြစ်အစေခံကအစေခံပဲ ထားတဲ့နေရာမှာနေအထွန့်မတတ်နဲ့"
ခေါင်းဆောင်ဟွမ်ကမျက်နှာထားတည်တည်နဲ့မာန်မဲစကားဆိုလိုက်တော့ရှောင်းကျန့်မျက်နှာလေးအနည်းငယ်ဆူပုတ်သွားသည်။သူမှဒီမှာမနေချင်တာကြီးကို..အခန်းတွေကလဲကျဥ်းကျဥ်းလေးသူတွေ့ခဲ့တဲ့တခြားအခန်းတွေမှာလဲကုတင်ကတစ်လုံးထဲနှစ်ယောက်အိပ်နေကြတယ်။ရှောင်းကျန့်အခန်းသည်လဲအဲ့လိုပဲဆိုတာဗေဒင်မေးနေစရာတောင်မလိုဘူး။
"ဝင်တော့"
ရှောင်းကျန့်ကနှုတ်ခမ်းလေးအနည်းငယ်ဆူထားကာအခန်းဝမှာရပ်နေတုန်းပင်။ဟွမ်ထုကခေါင်းမာနေတဲ့သူကိုကြည့်ပြီးခေါင်းခါကာထွက်လာခဲ့သည်။မဝင်ချင်နေသူကတော့တာဝန်အတိုင်းအခန်းလိုက်ပြပြီးပြီ နေချင်မနေချင်ကသူ့အပိုင်းပဲ။
YOU ARE READING
Empress and his Servent✔
Fanfictionဧကရီရဲ့ဧကရီ... ဧကရီရဲ႕ဧကရီ... coverphoto credit #nighttoy95 #historical