امواج متلاطمة

بارت 7

هلووو

سميرة: عليمن ندور لسالم مرة هاي بت وشحلاتهة ومثل مايريد سالم وصغيرة وحلوة ها رسل تنطينه وريف عزيزة كلبج

رسل:والله ياام صلاح اشوف ابوهة  هية خاف
مامقتنعة

وجان تراويني صورة سالم طويل اسمر شكلة يشبه ذول الخليجين  حلو جسمة مرتب ترتيب ومواليد ٩٣بس أنة ببالي علي شون اتزوج
وجان يرحن وامي كالت
رسل: ها شتكولين

وريف: كتلهة صدك تحجين شنو شكول أنة بعدني عمري ١٥

رسل:واذا وبعدين البنية لوكثرت خطاطيبهة بارت وانتي جاي يجونج ناس ويقبلون تكملين بعد شتردين الاتردين ابوج ينطيج لولد عمج ترتاحين (علا فكرة امي كلش تحب ولد عمي لكن امهم ماتريد من عدنة لذالك أمي مسويتهة عناد بيهة )

وريف:لاتخافين ماريد لاولد عمي ولاسالم

رسل:يجي ابوج والله كريم

وريف:واذا رضة تجبروني

رسل:ببالج شخص تردين أحد كولي

وريف:يعني الا بالي شخص يلا ماتزوج يجوز ببالي احلام اريد احققهة

رسل:ماما انتي شتشوفين ابوج يخليج تكملين تتوقعين يخليج تدخلين كلية اذا من هسة لبسج عباية ومن هسة مايخليج تطلعين وحسرة عليج اللبسة شعاجبج هناا

وريف:(ياربي افكر بكلامي امي صحيح بس والله احب علي موبيدي وبانية ويا احلام يعني مستحيل اكدر اتركة أحبة موبيدي اتخبلل علية )ماما الله كريم هسة

رسل:الله كريم

اجة ابوي سويت عشة وتعشينة شربو جاي ضليت كاعدة الوب اريد امي تكول لبوي اريد اعرف جواابة

خزرت امي نتبهتلي اشرتلهة تكولة خزرتني هسة وكالت بهمس  عيب
المهم فامي اخذت ابوي للغرفة وورة ربع ساعة طلعت

وريف:(جنت أرتب بلمطبخ وطبت امي)ها ماما

رسل:وريف ابوج راضي وكال اذا مصارت هاي القسمة تأخذ محمد ابن عمج يعني ابوج يريد ينطيج

وريف:اي شنو بكيفة ماريد خل اروح احاجية اني ماريد موكوة العررس

رسل:ذاك ابوج روحيلة خل يشكج بنص اخر وكت نسوان توكف بوجه أهلها

وريف:لا والله اشوفكم تدمرون بمستقبلي واحلامي وتردوني اضل واكفة اشوفكم شلون تخربون بحياتي هاي موحالة هاي همجيةة هذا تخلف اذا ماتتحملون مسوولية شكو تجيبون وتخلفون واذا ابوي ميتحمل مسؤوليتي انطوني الحرية واذا شفتوني بعد تفلي بكصتي (حجيت كلشي دفعة وحدة وبقهررر)

ابو وريف:شكووو شبيج شو تلغيين

وريف:(بخوف)ماريد اتزوج لامحمد ولاغيرة

ابو وريف:البت ستهرها بيت رجلها

وريف:(جفصت)ماريد الستر

ابو وريف:شنوو ولج لسانج طولان بس لان بنية رح اعوفج ماسويلج شي وانة العندي حجيتة لمج ويمكن كالتلج  ماخذيتي الغريب تأخذين ابن عمج سترج وغطاج