امواج متلاطمة

بارت 34

هلا حبايبي (صوتو حبايب)اقلهة اريد هدية عرسي معلية هههههه

وريف:رحنة للمركز صعدوني أنة والمجرمين والبنات الي امس وياي

صعدونة بلسيارة واني والبنات مكلبجين ايد بأيد والشباب هم مكلبجين ايد بأيد بحيث أنة صايرة علا الطرف وادناة حركة تصير نوگع كل احنة

طبينة لمحكمة المعقل الجبيرةة وشفنة الناس ونضراتهم الي تباوعلنة بصدمة بنات شيسون بايدهن گلبچات لكن هاي الدنيا تراويك العجايبب

ضلينة كاعدين ساعتين ودور گام الرائد أحمد قدم الملف مالي وطبووني

فتحوني وطببوني للمحامي الي يسجل الأقوال والأحداث

المحامي :شنو اسمج

وريف:وريف علي عبدالله

المحامي:شكد ععمرج

وريف:16

ضل صافن علي ويباوعلي بنضرات اشمئزاز

الرائد أحمد:اي البنية متعرضة الابتزاز

المحامي:مايصير تحجي نيابة عنهة

احمد:نيابة عنهة شنو بس انتا صفنت عليهة اكيد يدور ببالك شنو موضوعهةة

المحامي:سولفي شنو موضوعجج

وريف:سيدي اني طالبة خامس علمي حالي حال اي بنية تروح للدوام اروح وارجع ونروح اني وبت عمي للسنتر المقابل المدرسة فنروحلة كل يوم فذاك اليوم افتقدت بت عمي وطلعت لكيتهة واگفة يم ولد ورحتلهة سئلتهة عن الولد ومنو وتعرفو اولا

المحامي:هية بت عمج شسمهة

وريف:مريم العذراء فاضل عبدالله

سجلهة

المحامي:اي كملي

وريف:فواانني جاي اسولف وي مريم لكيت ولد واكف علا الدراجة يباوعلي فارتبكت من نضراتة طبيت للسنتر واجة وراي ضل يتحارش بية مانطيتة مجال فبطلعتي اني اروح فورتات فمن رحت وصعدت بلكية هوة صعد وياي وصديقة الي جان واكف وي مريم بنت عمي لحكنة بالدراجة فمن وصلت لبيتنة ونزلت نزل كبلي وانطاني ورقة وكال راسليني ضروري كتلة ليش كال أنة اعرفج وعندي وياج شغلة مهمة صار هواي ادور علا فرصة احاجيج ولكيتج اليوم فمن رجعت حتى اروي فضولي راسلتة وكتلة شنو تريد ومنو انتا فعرفني عن نفسة وكال انو اني اعرفج اوبلاحرى دازيني عليج علا فد موضوع فكتلة شنو الموضوع كال موهسة منا للجمعة يوصلج الخبر باي وقت حاول انو يكون وياي وتصير بيناتنة سوالف مرتبطين بس أنة مانطيتة مجال لأن اريد اعرف الشي المهم الي قلقني بي فضل يراسلني إلا أن اجة يوم كالي اريد التقي بيج حتى اسولفلج فاني جنت اريد اعرفف فكتلة تمام فصادف هذا الوقت بتاريخ ٢٠٢٢/١٠/٢٨بهذا اليوم علساس يشوفني صادف يوم الأحد فبهذا اليوم أن بلبصرة ترابة قوووية بحيث الي لابس اسود يصير لونة تراب المهم فطلعت من الدوام بلحلة انتضرتة يم السنتر مالكيتة ضليت منتضرة نتضرة مااجة فرجعت وكتلة وينك ليش مامموجود كال والله الدنيا ترابة وخفت اسوي حادث لأن عندي دراجة والتراب يطب بعيوني فمااتت اعرف بلخذعة الي هوة مسويهة فكتلة يمتة اعرف الموضوع كال اخير الشي الجمعة فراسلني الخميس بليل ويصادف  ٢٠٢٢/١١/٣يوم الخميس بليل فتحت علا صفحتة لكيت صور وجهي بجسم موالي ومتاكدة موالي لأن مادازتلة صور أنة اساسا فهنا عرفت انو هوة صورني بيوم الي جان بي تراااب هوة جااي ومصورني ويكول مااجيت ومفبرك صوري مسويهم عبالك جسمي لكن موجسمي بس انتا من تشوفهم تكلي هذا وجهج لذالك هذا جسمج ويكلي ماخسرت عليج ب١٠الاف سويتلج صورتين وضل يبتنزني بيهم علساس يدزهم لابن عمي ودزلي رقم وحساب ابن عمي محمد علساس يكولة فااني من خوفي وأساسا أنة متأكدة من نفسي مادازتلة صور ولحد الان شاكة بروحي فضل يهدد أما يجيني للبيت ويسوي اليريدة بشرط امسح الصور او اطلع ويا لشقة فارغة وامسح الصور