امواج متلاطمة

بارت 12

هلا حبايبي

محمد:اي موهيج لانو انتي هنا رح تفتحين علا نفسج باب مينسد ويجبرني اتزوجج وانتي ماترديني

وريف:محمد أنة ماريد سااالم والله ماريدة

محمد:صدك جذببب وهسة جايني عمي بلا شحاجي اذا كلي تريد وريف وانتي كايلتلة أريدة يعني معناها أنة هم اريدج وريف اذا اجاني عمي أكلة موهسة

وريف:اي كلة كلة موهسة بس اهم شي مااتزوج

محمد:باي

وريف:باي

مرت ساعتين أنة كاعدة بلغرفة وخاايفة حيل وماخليت أمام ماطلبتةة بس كون ابوي يترك الموضوع او بالأحرى محمد يقنعة انو مااتزوج وانتضرة علساس

بس لاااا للاسف ماتوقعت هيج

شوي ودخل ابوي علي

علي:شوفي بوية ابن عمج مطول وانتي توكلي علا الله ووافقي علا هذا الولد هو هم زين وخلوق

وريف:تمام (اساسا ماكو منفذ من ابوي وأبوي مايريدني شكو لأزكة بي وقررت اوافق بدون تفكير )

علي:خير انشاللة

طلع

وهنا ماتحملت رأسا اجة علي علا بالي وهنا بجيت لأن ماتحملت كلششش شايفين الحب أو مجربين الحب

قررت اروح احجي وية جدو ثاني يوم عسى ولعل يفهمني ويقنع ابوي أو يزاعل ابوي حتة ابوي مايزوجني لأن صح كلت موافقة بس بعدني مترددة وماريد

وشوي وطبت امي علي

رسل:وريف صدك موافقة

وريف:(ببجي)اي

رسل:ليش وافقتي اذا ماتردينة

وريف:ماتشوفين هذا الحقير منين مااجي يجيني

رسل:يبقى ابوج لاتغلطين حرام عليج

وريف:ماما صدك تحجين مقتنعة اساسا أنة واليتيم واحد ولاجاي احس عندي اب اصلا

رسل:الله كريم أنة والله مابيدي شي

وريف:تدرين انتي جبانة وضعيفة شخصية اساسا انتي حياتي دمرتينة عودتينة علا الخوف وضعف الشخصية ماعلمتينة ندافع عن نفسنة ونأخذ حقنة بأيدنة وانو المانريدة مانسوي بس لا انتي جبانة انتي لوبيج خير مااخذتي ابوي مادافعتي عن نفسج وخذيتي البالج اساسا ماريد اعيش ماضيج بس ارجع واكول مابليد حيلة اليوم أنة اكتشفت نفسي غبية وجبانة وضعيفة شخصية ومثلج اكول مابليد حيلة بس تمام اعلمكم والله

خلت وراحت ادري الكلام يضوجهة بس الى متى ابقى اخاف علا مشاعرها ومااوجهة بحقيقتهة

ضليت أنة بأذيتي وساكتة وكلبي يشتعل ناار من القهر شايفين من تضوج من شي اكو فد شي يلزمك من بلعومك يخليك تتنفس ولاتبلع ريگك هيج صار بية حرفيا ايام متنسي ترة صعبة تتزوجين شخص مجهول مجرد شخص شفتي مرة وحدة ماتعرفين موضوعة وصعبة انتي تحبين شخص وتاخذين غيرة تحسين هلشخص يصير حسرة بگلبج وتتندمين علا عيشتج وتكولين شنو الفائدة من الحياة إذا ماحققت بيهة الاريدة
لامنمت ضليت لل٤الفجر افكر وسمعت صوت الاذان هذا الصوت الي يريح النفس واذا جنت مخنوك يجبرك تبجي لانو عمي رائد يأذن بكل صوت حزين بحيث يصيبك قشعريرة (اي عمي رائد يأذن بلجامع اليمنةوصوتة عجيببب وحزين وبلاخص يوم الجمعة من يقرة دعاء كميل )
صليت ابجي وبصوت بس موقوي ومحد يسمعني اصلا لأن أنة غرفتي فوك وبوحدي نايمة بغرفتي واخواني بلغرفة الثانية نايمين المهم كمت توضيت وضليت بحيثث اصلي واشهك وفعلا تحس ترتاح من تبجي وتصلي تحس الله يسمعك اخخخ خلصت قريت قران شوي وكمت  نمت كعدت ساعة١٠لكيت امي وأبوي بلمطبخ

ماعجبني أصبح عليهم أساسا كارهتهم همة هم مغلسين اساسا شيهمهم ليش سألوني شبيج ليش عيونج حمر

اتمنة اسمع ابوي يكول ليش عيونج حمر بابا منو مأذي انعل والديه مثل البنات الي بمدرستنة هيججج واني لعد ليش موهيج ليش ابوي مغرور وجافف

المهم اتريكت وأمي كالت باجر يجون يگطعون الحگ (يعني يحددون الاعداد الحاضر والغايب)

وريف:تمام

رحت لجدو

وريف:جدو بابا يريد يزوجني لولد ماعرفة وموافق علية وانة ماريدو

عبدالله:بابا أنةاحاجي بلا
وراح جدو حاجاة بس ابوي مصر وجدو زعل علية بس ابوي خلص اصلا قنع جدو انو يزوجني وجدو وافق
خلصت اليوم عادي مثل كلمرة وراسلت علي عادي ماكتلة انخطبت اخاف منة يتركني وانة اريدة

ثاني يوم اخو وگطعو الحگ ٥مقدم و١٠مؤخر
حددو انو الجمعة خطوبة واليوم جان الاثنين يعني بعد اربع ايام
رجعت لامي
وريف:ماما حبوبة ماريدة عليج النبي قنعي ابوي

رسل:خبرناهم بموافقتج ترة تلعبين علينة انتي

وريف:موماريدة ليش اضلمة وياي

رسل:هاي بعد خلص اتزوجي وعيشي حياتج وانة وصيتة ترة عنج

وريف:خلص

اتصلت علا علي

علي:الوو

وريف:هلو

علي:بيج حبيبتي

وريف:رح اتزوج

علي: هههههه مقلب اكيد

وريف:لا والله

علي:ايا طايحة الحض انتي ادبسزز خليتيني احبج وتعوفيني وترحين تتزوجين ياخسيس عجبج وخلاج تعوفيني

وريف:علي احبك اموت عليك بس انجبرت والإمام علي ابوي جبرني والجمعة الخطوبة

علي:اي تمام الله يوفقج أخذي راحتج

وريف:ترة ماريدة أنة وجاية اخذ منك فكرة شون اتركةة قبل لايعقد علي

علي:تلعبين علناس انتي لعد ليش توافقين اذا ماتردينة لوطلع مومثل ماتردين تدورين ورق ها لوتعودتي تلعبين علناس مثل مالعبتي علي

وريف:علييي لتتجاوز بلا

علي:باي

وريف:باي

طفيتة وكعددت ابجي بجي مال قهر اسبوع

ثاني يوم اجت امي كعدتني

رسل:يتبع...