امواج متلاطمة

بارت 20

هلاوو

بلنسبة لتغيير الاسم أنة احب اسم ريحان كلش أحبة لأن امي هيج جانت اتمنى اسمي ريحانة الرسول بس  عمي وسام الأثول مقترح علا ابوي هذا الاسم لأن اسم حبيبتة الكردية (وريف) وأبوي مارفضلة طلب لأن ابوي يحترم اخوانى الكبار فهذا اسمي الحقيقي والله العضيم بس كلش مااحبة لكن ايات بنت خالي صفاء الي هية توأم روحي اقترحت علي انو اخلي اسمي الحقيقي لأن مميز مو لأن حلوو ودائما يكولولي اسمج مميز المهم نكمل...

ايمن ورسل:وررريففف وريفففف

وريف:باوعت لعلي وعيوني متروووووسةة خوف وهوة هم خاااف فتحتلة الباب وكتلة رووح وهوة راح لكن ايمن وامي رگضو نحوي وامي ضربتني رااشدي بحيث اذني ضلت تصوفرر وأيمن لزم علي وصاحلة وانة من فشلتي وخووووفي طبيت للبيت وكعدت بلغرفة وانة ابجي وخاايفة حيل والله يكولون لابوية يذبحني بلحسين 

وضليت اندب ياعلي ياعلي ياابو الحسن ياعلي بس اذا هوة علي غاضب علية ينقذني

وريف:ضليت كاعدة لحد مااجت امي وامي عيونهة متروسات غضب وغيييضض اجت بلصوندة وضربتني بس مستحيييييل تأذيت لأن كلبي يأذيني واصلا مابجيت وحق تراب الحسين كلش كافي كلبي متأذي اصلا مااحسيت باي الم بجسمي للحضة تندمت ووعيت وتأنب ضميرريي كلششش وبهلحضة ودي اختفي من أمام امي كسرت الثقة وگلبهة وخنتهة وگلتلهة بس افهميني

رسل:شنو التردينة تفهمينيا خلفتلي گحبة أنة وانتي گاعدة بحضن الولد هاا ماربيتج مانطيتج تربية ماعلمتج وين الصح ووين الغلط لعد المن تلبسين الحجاب اذا انتي كاعدة بحضن واحد غريب لابن عمج لابن خالج يعني انتي من نفصلتي من سالم علمود هذا الفرخ المايتجاوز عمرة ١٨سنة الجاهل والله عبالي التحبينة بي حض طلع فرخ وديوث وماعندة غيرة وامداج وامدة الجابتج مالوم ابوج من يجبرج تعرسين يدرن بيجن مفلفاات وين كاعدين احناا وانتي هيج تسوين

وريف:كااافي كافي أحبة شسوي أحبة

هية سمعتني هيج وهية موتتتني كتل بلصوندة بس بلعباس مامتأذية وحلفت أنها تگول لابوي وأيمن اجة كمل علية رغم اصغر مني بسنة لكن هوة اضخم مني موتني كتل أكثر من امي هنا حسيت نفسي زانية والله

المهم صعدت واني منزلة راسي لأن والله كدام الناس الادب والاخلاق بلعباس كلهة تحمد بهدوئي وتربيتي وأخلاقي بلحسين وكلهة تكول وريف احسن من بنات عمهة واحلاهن واشطرهن ونادرة بس بالله اليوم كرهت نفسي حيييل لأن امي شافتني بهلمنضر الموحلوو حسيتهة كرهتني وكرهت روحي اني

صعدت لغرفتي وضليت اصرخ وجعع بحيث بالله الكريم رجعت بذاكرتي من جنت زغيرة وأيامي السودة والخلاني احب هاي السوالف واليوم الي تعرفت بس علا فضل والخلاني اعرف علي ضليت اصرخ والطم علا كصتي بلحسين بلحسين الله وحدة يعلم بحالي ذاك اليوم وبتاريخ 2020/2/21اكثر يوم اكره ولحد الان من يمر علي ابد مااتفأل بهليوم وحق ولاية علي هليوم حيللل اكرهة لأن بي انكشف سري بهليوم امي بودهة تشوفني ميتة ولاتشوفني بحضن شخص غريب وبلحرام هوة صح ماسوالي شي بس هاي السوالف السويتهة كفيلة بانو تخليني انجرفف ومو لهنا وانتهت قصتي لاا منتضرني ضيمم وكأنو بس اني بهلدنيا الي تصير ويا مشاكل ومو اي مشكلة لااا مشاكل فضايح ضيم بلوة هيج