امواج متلاطمة

بارت40

هلا عيوني شونكم اكلجن بنات مشاهداتت هواي بس تصويت صفررر ليش والله العظيم كوة جاي أفرغ نفسي حتة اكتبلكم بارت وانت ماتحمسني اكتبلكم من اشوف المشاهدات اغلس عن القصة موبس هيج بنات يعني والله العضيم عندي معاناة وي زوجي وهم اكتبلكمياها واذكركم فكوة جاي أفرغ نفسي انتن هم صوتن وحمسني اكمل القصة هواي ردت امسحهة بسبب قلة التصويت ....

وريف:يماا هوة دخل واحس گلبي انقبض خلاص تعبت هوووة نفسة دور هوة من شافني تصنممم والعباس ضل بس صافن علي مبين علي يذكر شايفني ومايكدر يحچي بس وجهة علية علامات صدمة هنوب صاير احلا من ماشفتة اول مرة من وصلني لنقطة الشرطة يعني سمنان ولابس قميص سمائي وحاطة جوة بنطرون رصاصي ومچنف ردانة والساعة سودة يعني شخصيةةة والحسين ورافع الشعر واللحية مرتبة والله شكلة يفههيي من الجمال هوة جميل كلش يعني شخص عادي بس المعاني حلوة وشخصية يعني مبين هيبةة وطويل وضخم يعني اني هم احط صورة خاف تكولون تبالغ

هوة من شافني ضل صافن مايعرف شيسوي بس ضل يباوعلي وساكت ومبينة علامات الصدمة علا وجهة

ديماريا:شنو اسمج

وريف

ديماريا:يامواليد

وريف:2006

رسل:اي سولفلنة عنك فاصخ مطلگ اعزب

ديماريا: لاواللة اعزب

رسل:الله يحفظك انشالله وينطيك علا كد نياتك

ديماريا:اشكرج

وريف:طبعا الولد بحالة صدمة زين من طلعت من عندة هاي الكم سؤال يعني مجاي يستوعب اني الوصلني خلاص عرفني اني نفسي الي شافني بليل

ديماريا:اذا ممكن نكعد وحدنةة بماانو هذي الننضرة الشرعية

وريف:من طلب هذا الطلب خلاص تيقنتت عرفني ويريد يفهم مني

رسل:لاعادي ماكو اشكال

طلعت أمة واختة وامي وضلينة وحدنةة بس أنة اديني تزلغنن هلكد ماافرك بيهنن

ديماريا:تذكرتيني بلا شك

وريف:اي

ديماريا:ممكن تفهميني

وريف:قصة طويلة

ديماريا: اريد اسمع

وريف:اختصرلك لأن عيب نطول

ديماريا:ميخالف

وريف:سولفتلة السالفة مختصرة وهوة كلساع قاطعني وسئلني

خلصت وگال

ديماريا:تدرين من اليوم الي وصلتج بي لنقطة الشرطة من ذاك اليوم أنة افكر بيج واگول وين صفت بيهة الدنيا وجان ببالي هلسؤال هم يجي يوم والتقي بيج بس اجة هذا اليوم ماچنت متوقع التقي بيج ووراهة بفترة صرت كليوم اروح للمكان الي لكيتج بي كل توقعاتي هناك بيتكم أو يجوز المحج لأن دخلتي گلبي من ذاك اليوم بس من بعد ما أيست انو اشوفج خلاص قررت اشيلج من بالي وفعلا نسيتج بس قررت اتزوج طلعتي گبالي يعني من خلال كلامج هذا انتي مالج ذنب

وريف:نفس ماكتلك اني مالي ذنب بلي صار وكشخص يخطب انتا هسة من ترفضني مااضوج ولاالومك لانك شفتني بموقف كلش خايس وحرفيا يعني بنية بليل شتسوي ووحدهة تفتر وشما تگول عني عادي بس يگولون المايعرفك مايثمنك انتا هم ماتكدر تحجي علي لانك ماتعرفني وماتعرف ضروفي والصار بوقتهة ومن نهزمت هاي كلها ضروف

ديماريا :وياج أنة هاي هسة عرفت خلاص اكدر اترخص لأن زحمة من اهلج بس انتي لاتكولين أنة شفتج ولاشي وانتضر الرد منج بس بلبداية فكري قبل لاتنطين الرد لان احسج ممقتنعة بية وتحسين أنة رح اورطج لأن شفتج بهيج موقف علا كولتج أو اعيرج ومن هذا الكلام ماكو هيج شي تمام خليج مطمأنة من ناحيتي

وريف:خلاص

راح وفعلا طمأنيت بس ساااعةةالسودة الي الرتاحيتلة بيهةة بنات أنة اذا ارتاح لشي ينگلب علي فعلا تنطبق علي هاي الآية مال بسم الله الرحمن الرحيم (وعسى أن تكرهوا شيئ وهوا خيرا لكم وعسى ان تحبو شيئ وهو شرا لكم )صدق الله العظيم

هاي حياتي هيج

راحو ودخلت علي امي

رسل: ها

وريف:هاي هية

رسل:حلو الولد وشكلة مرتب ومبين شخصية وزين

وريف:مدري الله كريم

رسل:بس تدرين هذا شبعااان كلش ماديا يعني ينخاف من عندة لأن ابو ماخذ ثنين نسوان  وأخو الأكبر منة هم مطلگ ومتزوج ثانية

وريف:يعني شنو هسة

رسل: والله ماما مادري گلبي موكلش مرتاح

وريف:أنة دائما اثق باحساسج لأن يطلع صح

رسل: وألله گلبي موكلش مرتاح ذول شايفين وعايفين وعندهم خوان هواي وعائلتهم چبيرةة يعني تعب ببيتهم

وريف: الله كريم خنشوف ابوي بلاا

رسل:اي

رحت اسوي عشة بس گلبي يدك ماعرف شنو مزيج فرح وخوف
خايفة يرفض وانة موافقة بس هم خايفة لأن موافقة وهوة غريب وماعرف عنة شي وعلا گولت امي مبين غنييي وتلفونة 13بروو والله العظيم والسيارة من وصلني لنقطة الشرطة جانت النترا هسة مشتري جارجر زيتونية 2022بلعباس يفلت الوجه حلم كل بنية بس حرامات والله كلش متندمة لأن تسرعت

المهم وثاني يوم بليل جان يردولنة الخبر موافقين وأبوي هم وافق وردلهم الخبر ثالث يوم واجو سئلو علينة وسئلنة عليهم طبعا بيتهم (بدور النفط ) وأبوي وامي من سئلو عليهم كلمن يكول وين طحت بيهم ذول من نكول سادة وشيوخ قليل بحقهم طبعا والله كلش جذابيننن لاتصدكون بأي شخص سووهم بس همة وبس

اتفقوا يجون يگطعون الحگ يعني الحاضر والغايب

اجو وحطو الحاضر ٧والغايب١٠لان صاعد السوگ
خذو قياس صبعي حتى يشترولي حلقة

يتبع....

بنات هاي الأحداث هسة ب٢٠٢٣/٢/٧