امواج متلاطمة

بارت22

هلا و طبعا واني بلطريق جاي اكتب هلبارت

وريف :صفنت بوجه محمد شوي

محمد:لتصفنين للتووقعين ورا هلضحكات والهدوء حياة سعيدة لاحبي

وريف: اممم منو هاي المأذيتك

محمد:معرف شكلج بس كومي نامي يلا ماحب احجي بخصوصياتي

وريف:كمت واني ساكتة رحت لغرفتة نمت بلكاعع وهوة بل٣ونص اجة نام علا جربايتة

كعدت الصبح ب٩نزلت لكيت عمو رائد سلمت علية وبستة كلششش أحبة اموت علية المهم وسلمت علا عمتي لكن بنات عمي كوة يردن اصلا ميحبني مدري ليش بس اني والله كلش احبهن بنت فاطمة اجتي تضحك شلتهة وبستهة

وريف:هلا بيج يروح خالتججج يمة يمة علضحكة ياويلي

نزل محمد تريكنة سوة بس راقبت نفسي شون اباوعع لمحمد وعيني علية وين يروح وين يرجع ومنو يتصل علية بحيث يموتني الفضول اريد اعرف ليش مايحاجي المتصل كدامنة متت بس اريد اعرف
راح محمد لشغلة

واني صاحلي عمو رائد بلديوان

وريف:ها بابا (اني عمي رائد اكولة بابا لأن كلش أحبة واحسة هوة ابوي )

رائد:تعالي بابا وسدي الباب

اجيتة ها

ليش ابوج كتلج كتل قوي  امس

وريف: والله بابا لأن اخذت جهازة

رائد:شسوين بجهازة اخذتي

وكأنو عذري محضرتة

وريف:والله بابا مطفية الكهرباء وفانيلتي بغرفة امي وغرفتهم ضلمة ولكيت جهازة كدامي كلت اجيبهة وارجعهة لأن امي نايمة بلغرفة وجهازهة يمهة
وهوة فهم غلط عبالة اسوي شي يكلي تراسليمن وانة اصلا كلشي ماسويت بجهازة سوى اني ضويت

رائد:يعني هالموضوع مايستاهل كل هذا الكتل والخبصة بابا ليش ما فهمتي تردين تضوين بتلفونة

وريف:ليش هوة اخوك انطاني مجال اتنفس

رائد:ميخالف بابا ميخالف يبقى ابوج

للضهر أجا ابوي يريد يرجعني وعمي كال مترجعع
بس أنة كتلة لا بابا اريد ارجعع إلى متى اضل هناا

رجعت للبيت من دون مااحجي وي ابوي اصلا ولااباوع بوجهة لأن كارهتة حيلل

ومن هذا اليوم2020/2/23قررت انسى علي واصلا طاح من عيني وكرهتتتة سبحان الله الحب سنتين  بموقف واحد كرهتة حيلللل وماحصل شي جديد بحياتي لكن بس الي اكتشتفتة بنفسي انو اني افتقدت محمد ابن عمي رائد مفتقدتة وماعرف ليش افكر بي مرات ودائما يترردد ببالي
المهم مرت الايام وتجي ايام ومحمد مايفارق بالي وهوة بطل يجي اصلا من اليوم النكتلت بي لأن مشغول بي خلاص هلشخص كلش افتقدتة بحيث من شهر الثاني لحد شهر ال9بمحرم ماشايفتة المهم امي وأبوي بهذا الوقت راحو يشترون خروف لأن احنا كل سنة بلدفنة مالت الحسين يوم 13محرم نذبح خروف ونوزع ونعزم
فبيوم12محرم بليل أو المغرب بالتحديد لبست دشداشة نص ردان ام التكة والصدر بي تكات هم بحيثث مطلع نص صدري ونص ضهري وكلوشة من جوة وانة سمنانة وخدوود هههه المهم فطالعة اور الگلب من الجمال والعباس يعني اني كلش انعجبت بنفسي ونزلت الغرة (الگذلة)القاتلة وحاطة مورد بشفتي وخدودي زادني جمال المهم عفت الشاه نور تلعب بفون امي وانة رحت يم عمتي عذراء المنفصلة روحهة رياضية وشكلهة كلش حلو ودائما يشبهوني بيهة ومن نطلع للقراية يكولولي هاي اختج هههه واني طالعة اريد اروحلهة فجأة انفتح الباب الجبير وصار ضوة بعيني قوي بحيث حطيت ايدي وجان طفة الضوة يمااااااه هذا محمددد والعباس نسيت روحي ورحتلة ارگض شبگتة وهوة هم شبگني وكتلة

وريف:محمد ويننننك ليش طولت علينة موتدري بينة نحبك ونشتااقلك

وكال

محمد:اسف وعذروني حقكم علية لكن والله مشغول

وريف:مرة لخ لتسويهة

محمد:اددللي

ورحنة لازمين ايد بأيد طبينة لبيت جدي شافتني عمتي عذراء لأزمة ايد محمد هية كلش تغااار علية ماعرف ليش بس تحببة (هسة تكولون هوة ابن اخوهة صح بس هية كلش تحبة يعني حب ماعرف من اي نوع بس مو الي بالكم)
المهم بينت عليهة ضايجة اني تركتة وباوعتلة بدلع وزعل وهوة هزلي راسة

المهم رجعت لبيتنة اني وورة نص ساعة اجة هوة كال

محمد:شبيجن

وريف:هية ليش كلما تشوفني امشي يمك احجي وياك الزمك تسوي روحهة ضايجة وماعرف ليش بجيتتت والله اني استغربت من نفسي معقولة الي ببالي صح ...

محمد:كام هوة حضني كال حبيبتي معليج بيهة تولي علا شنو هلبجي هذا كلو عمودي نروح فدوة ثنينة لعيونج اليبجن حبيبتي

وريف:....

محمد:يلا كافي هاي علمودي عود هههه خرب بليسچن هيج تحبوني ومادري

وريف:محد يحبك بس اني (للحضة استوعبت اني شجاي اخبص شو جاي اكل خرة ومدري بروحي )
هاي اي كلهم يحبوك واني هم

محمد:ادري فهمت وضحكك

يلا اريد جاي من ايدينج الحلوة

وريف:ادلل

محمد:ريفوو

وريف:هاا

محمد: حبيبي كثريلي شكر

وريف:(بفرحةةة لأن كال حبيبي اول مرة اسمعهة منة)تم

صبيتلة چاي

واجوي اهلي واجا الگصاب ذبحو الخروف وضلينة ننضف اني وامي وامي سوت عشة معلاگ لمحمد وأبوي وبيبي ام امي الي اني اسميهة ماما المهم
واحنا ننضف الرأس والرجلين خلصنا فانة شكلت الدشداشة بلشورت هاي الحركة  بس البنات يعرفنهة   وطالعة رجليني والله بنات ناسية روحي بلعبااس هههههه هوة محمد طلع يغسل واني طالعة من المطبخ اذب الطاسة البيهة الشعر مال الخروف وباوعلي وأبوي فجأة طلع خزرني رحت ركض برة وخفت ابوي يكتلني بس يمة زين نسة

وووويتبعع....