هلا عيناي
وريف:دخل انطاني الحلويات وحصرني يم الباب وطبع شفايفو بشفايفي والله العضيم ماجنت ادري حيسوي هيج فجأة جرني علحايط وباسني وضل يدخل شفايفو بين شفايفي وصار يمص برقة وبعدين بقوة اساسا أنة كنت صامدة لأن احتلني شعور خدر ورجليني خدرن حيل بحيث إذا يتركني اطيح وعيوني صارت تغمض وحدهة بعدين وخر وهوة عيونو ذابلة كتلة شسويت ترة اكره الاستغلال تستغل عدم وجود أحد وبس اني وياك وهيج تسوي لاتنسة بعدنة ممتزوجين وهيج تسوي اساسا منو سمحلك
سالم:اسف بس شفايفج حلوة وباجر انشاللة نعقد سيد وتصيرين حلالي وشسويلج ماتحاسبيني علية
وريف : الله كريم يلا اني حرجع خاف امي تصيحني ومتلگاني
سالم:تمام روحي
رجعت وانة گلبي يدك حيل رهبة وخوف ومستحة وماعرف شنو شبية احس تخربطت رجعت كعدنة أنة ورهف وايات وغفران حطيت الحلويات
ايات:الله لوهيج النسيب لومينراد
رهف:انتي انجبي ماتشوفين البت ماطايقتة بعيشة الله لوانتي تفكرين ببطنج بس
غفران:يووو هذا دلع بنات بعدين يصير بس هوة وبس
وريف:بنات والعباس ماحبة واحب علي امووت علية شسوي اندري شلون رح اعيش وي سالم هوة أسمة ماينطي تفائل بلحسين
كلنة هههههههههه
تصدكين توة من اجة باسني بشفتي ويععع
رهف: لاتتكسكسين اكيد حلوو الشعور
وريف:وي التحبينة بس وي المطايقتة اوفررر
ايات:ولج شون خليتي وانتو بعدكم معاقدين بس مااستغرب انتي طببتي علي لبيتكم وكعدتو تسوون حركات
وريف:ايااااات لاتحسسيني بالذنب بلعباس أحبة موبيدي
ايات: حبيبتي احس بيج بس مو هيج ياعمري انتي
غفران:يووو لاتضوجن البت خلنهة عايشة حياتهة
المهم كعدنة نصور ونسوي حركات بس والله فرحانة بس فرحتي ممكتملة شيصير لو وي علي والله احلا يوم بعمري يصير اخخخ لكن مابليد حيلة
نمنة بل٣ونص وكعدت بل١٠الصبح رتبنة البيت أنة والبنات ورحنة أنة وايات وعمتي ندى للصالون
سحبت شعري وسوت مگياج وهية تمگيجلي وانة نمت لان بلايشادو يصير يدغدغ وغمضت المهم كملت وسوتلي تسريحة بس بلحسين طلعت اجنن والله متوقعت هيج حطلع يعني ملامحي برزتهن فوك ماهنة بارزات وهنا الطامة الكبرى الي خلتني اضوج اليوم جاي اتمكيج لسالم مولعلي وايات وعمتي كمان مگياج وبدأت وبسضن جسمي ولبسني البدلة ووالحذاء وحطيت عطر وركبلي اضافر واحت اني من شافتني ضلت تصلي علا محمد وتقرة المعوذات ولبسوني الطرحة وطلعتني صعدنة ورة اني والبنات وامي وسالم كدام بس رفعت راسي شفتة لابس قاط نيلي يعني لا بأس بي بس والله مفرحانة ابد ابد وصلنة للبيت عقدتة سيد ووقعت وهوة هم ووراها رحنة للقاعة نزلني هوة امي والبنات دخلن ضلينة احنة يم الباب نزعوني الطرحة ودخلنة لازمين ايد بأيد والاغينة لا اله الا الله أنة ماستحيت ابد وماحسيت بخجل لان ضايجة ومبين علي من أگلب خلقتي وبنفس الوقت مبين علي زغيرة من شكلي مو جسمي ووصلنة للكوشة كعدني سوي ضل كاعد وبعدين راح أجن البنات يرگصن واجتني ايات كلتلي عدلي ضهرج وضحكي وخذت العلج من حلگي سويت نفس مكالت ورة ١٠دقايق دخل رحنة يم الكوشة مال الكيك والحلقات لبسني الحلقة وباسني بايدي ولبستة الحلقة بس كوة دخلت بصبعة لأن ضخم ولبسني التخم ووكلني ووكلتة كيك وكل واحد بوحدة شرب عصير لأن هوة طويل المهم رگصنة سلوو بس هنا أنة كلت خل اعيش الدور لأن شكلة حلو هوة ونصير مثل هذه الي التلفون حاوطت ركبتة بايديني وشابكت ايديني وادينة حاوطت خصري وصرنة نتمايل علا الأغنية وهوة هنا كلش فرح وصار يهمس بأذني نسيت شنو حچينة بوقتهة بس منهن انتي حلوة وجميلة .وياريت اليوم العرس .اتمنة تحبيني وانشالله ادللج .ومن هذا الكلام الميهمني اصلا لأن ادري بي چذب خلصنة رجعنة للكوشة صارت المصورة تلتقط النة صور ساعة ب٨العالم رجعو لبيوتهم واحنا رجعنةب٨وربع رجعت وي ابوي وصلنة للبيت هنا كلهة راحت بس ام امي ضلت يمنة وهنا صورت قبل لاانزع البدلة ونزعتهة ودخلت سبحت ورحت نمت كعدت الصبح اجت ببالي فكرة واتصلت علا سالم
وريف:الو
سالم:هلا بعروستي هلا بأميرتي
وريف:هلا بيك شونك
سالم:كلش زين
وريف:اكلك
سالم:عيوني
وريف:اولا خلي الخطوبة تطول ولانعقد محكمة بسرعة
سالم:شكوو
وريف:احس نفسي مامستعدة اتزوج بسرعة ولااعقد محكمة بسرعة بلبداية نتفاهم وأشوف اكدر اكمل وياك اولا بعدين يلا نتزوج
سالم:صفي نيتججج ولاتكفريني
وريف:هذا الموجود حبي
سالم:ادللي حبي بس لازم نطلع ونطب واجيج حتة نتعرف اكثر موبس بلفون
وريف: الله كريم.اخذ راحتك
سالم:راحتي يمج حبيبتي
وريف:ماعندك شغل
سالم:بلى
وريف:لعد ماتروح
سالم:براحتج بس بليل احاجيج
وريف:اوك باي وسديتة اساسا ماريد حتة اتعلق بي
وورة اسبوع اجتي امي تريد نجهز للعرس
وريف:ماما لاتجهزين ولاتتعبين نفسج هسة موهسة العرس
رسل:اي ميخالف
وريف:ماما شبيج جاي اكلج اكو وقت طويل
رسل:يعني يمتة
وريف:وووو... يتبع
(طبعا حلقتي جانت عادية ورة الخطوبة باسبوع غيرتهة جبت تونز تصير حلقة وخاتم رح احطهم بفقرة الصور)
आप पढ़ रहे हैं
امواج متلاطمة
रहस्य / थ्रिलरيخاطبني السفيه بكل قبح... فأكره ان أكون له مجيبا... يزيد سفاهة فأزيد حلما... كعودا زاده الإحراق طيبا ...
