POSSESSIVE 7: Ymar Stroam

CHAPTER 1

CHAPTER 1

PAGOD NA PAGOD na umuwi si Czarina sa bahay niya. Apat ang ipinaanak niya ngayong araw, ang dalawa ro'n ay cesarean.

Natigilan siya sa pagbukas ng pinto nang makitang may isa na namang tangkay ng tulip sa labas ng pinto. She smiled and picked up the flower. Mabilis niyang tiningnan ang note na naka-roll sa stem ng bulaklak at binasa.

Hey, banana. Hope you have a great day.

Nangingiti na binuksan ni Czarina ang pinto at inilagay sa bagong vase ang tulip. Napuno na kasi ang isa niyang vase ng tulips.

Sa araw-araw kasi na ginawa ng Diyos sa loob ng isang buwan, palagi siyang nakakatanggap ng tulip na kulay-pula at palagi iyong my note na nakapalibot sa stem. Kung hindi umaga, gabi naman. Kung sino man ang nagpapadala sa kanya, hindi niya alam. Basta walang araw na hindi siya nakatanggap ng tulips.

Nang makapasok sa kanyang kuwarto, binuksan niya ang malaking sliding window para makapasok ang hangin. She still preferred fresh air rather than air-conditioning. Binuksan din muna niya ang radyo at napabungisngis nang marinig na "Careless Whisper" ang tugtog.

Hmmm... mga green minded lang ang makaka-relate sa kantang 'to.

Hinubad ni Czarina ang lab gown na suot at isinunod ang simpleng low back na bestidang kulay-itim. She was on her underwear when she faced at the wide-open window.

Natigilan siya nang makita ang kapitbahay niyang walang modo na nagngangalang Ymar Stroam. Nalaman niya ang pangalan nito mula sa isa pa niyang kapitbahay na si Mhel na masaya sa piling ng asawang si Iuhence Vergara.

Nasa may teresa sa second floor ang lalaki at nay binabasang makapal na libro. Lumapit siya sa bintana at kinawayan ito.

"Hello, Ymar," feeling close na sabi niya. Napakalapit lang ng bintana niya sa teresa nito kaya naman alam niyang narinig siya nito.

Ymar looked up and frowned at her. Bumaba ang tingin nito sa bra niya. His face contorted in disgust. "Ano ba sa tingin mo iyang suot mo?"

She gasped. "Hala! Nagsasalita ka? Akala ko pipi ka!" puno ng sarkasmo na sabi niya at tinaasan ito ng kilay. "For your info, nagbibihis ako."

"Alam ko."

Nanunudyong tiningnan niya ang lalaki. "So, kanina mo pa ako binobosohan?"

Nagsalubong na naman ang mga kilay nito. "Bakit naman kita bobosohan? May I remind you, narito ako sa paborito kong tambayan sa loob ng pamamahay ko. Hindi kita binobosohan dahil hindi ako ganoon. You're the one who just strip off your clothes like no one is looking."

Wow. Simula nang maging kapitbahay niya si Ymar, ngayon lang siya nito kinausap. At ang haba pa ng sinabi.

Nginitian niya ang lalaki. "I'm proud of my body. Anyway, puwedeng magtanong?"

Ibinalik nito ang mga mata sa binabasa. Akala niya hindi siya nito papansinin kaya laking gulat niya nang magsalita uli ito.

"Ask away," sabi nito.

Napakataray talaga ng boses ng lalaking 'to.

Her smile widened. "Magkano ang bayad sa 'yo kapag nagsasalita ka? You seldom talk so I assumed that the words that came out from your mouth have a price."

He sighed and closed the book he was reading. Tumingin ito sa kanya. "I am one of the highest paid chemists in Asia, malamang may bayad ang lahat na salita na lalabas sa bibig ko." Tumayo ito mula sa kinatatayuan at deretsong tumingin sa kanya. "Pero para sa 'yo, libre na lang." Pagkasabi niyon ay tinalikuran na siya nito at pumasok sa loob ng bahay.