POSSESSIVE 7: Ymar Stroam

CHAPTER 20

CHAPTER 20

HUMAHANGOS NA PUMASOK si Czarina sa emergency room ng Romero's Hospital. Tinawagan siya ni Krisz Wolkzbin, isa sa mga pinaanak niya noon, at sinabi nitong manganganak daw ang asawa ng kaibigan ng asawa nito. And when she asked for the patient's name, she found out that it was Etheyl Vargaz, her patient.

Czarina gasped and halted on her step when she saw a doctor lying on the floor, unconscious.

"Gago ka! Huwag mong hahawakan ang asawa ko!" galit na sigaw ng isang lalaki sa doktor na nakahandusay sa sahig at sinuntok uli iyon.

"Ano ba, Calyx! Tama na!" sabi ng boses na kilalang-kilala niya.

Walang ingay siyang lumapit sa nagwawalang lalaki, and there he was, Ymar Stroam, standing beside the angry man. God, she missed him. Gusto niya itong yakapin pero pinigil niya ang sarili. Ayaw niyang mapahiya. Baka itulak siya nito palayo.

"Idiot!" Krisz voice dragged Czarina from her reverie. "You are a moron, Calyx," sigaw ni Krisz sa lalaki na sumuntok sa doktor.

So, that was Etheyl's husband. Really possessive.

"Talagang gagawin niya iyon kasi ob-gyn siya," dagdag pa ni Krisz.

Tumalim ang mga mata ng asawa ni Etheyl. "No man is touching my wife in that part of her body but me."

So possessive.

Pinandilatan ni Krisz ang mga nursing aide na nakatunganga lang sa mga ito. "Tulungan n'yo si Dr. Yongko na tumayo at gamutin n'yo. Dali!" Pagkasabi niyon ay binalingan nito ang asawa ni Calyx at sinuntok ang dibdib. "Ano ka ba naman, Calyx. Normal lang na gawin iyon ng doktor sa asawa mo. He is a fucking doctor!" Naiinis na hinilamos ni Krisz ang palad sa mukha. "Pareho lang kayong magkakaibigan!" Isa-isang itinuro nito ang mga lalaki maliban kay Ymar na walang imik lang. "Palagi akong stress kapag nanganganak ang asawa n'yo! At ikaw!" Pinanlakihan nito ng mga mata si Train Wolkzbin na nakangiti. "Huwag kang ngingiti-ngiti riyan. Mas malala ka pa sa kanilang dalawa."

Marami pang sinabi si Krisz at halatang high blood. Mataas at malakas na ang boses nito habang ang asawa nitong si Train na nagwala rin noon sa delivery room dahil ayaw niyang papasukin ay pangiti-ngiti lang.

Czarina composed herself before talking. Kaharap niya si Ymar kaya kailangan niyang maging relax. Ayaw niyang makita nitong nasasaktan siya.

"Relax, Krisz," she spoke with confidence. "Tataas ang presyon mo."

Four sets of eyes were trained on her the moment she spoke. Kasama na sa mga iyon si Ymar na walang emosyon ang mukha.

Czarina raked a cold stare over Ymar's hot body. "Well, well, well, if it isn't Ymar Stroam."

Pinukol siya ng masamang tingin ni Ymar. "Huwag mo akong kausapin, puwede ba?"

Ngiting-aso ang isinagot ni Czarina sa lalaki at naglakad patungo sa paanan ni Etheyl na kanina pa idinadaing na masakit na masakit na raw ang tiyan nito.

"I'm Dra. Czarina Salem," baling niya sa asawa ni Etheyl. "I'm an ob-gyn and..." Tumingin siya kay Etheyl. "The baby is about to come out." Itinuro niya ang limang nurse na babae. "You, you, you, you and you, dalhin n'yo na sa delivery room si Mrs. Vargaz. Ako ang magpapaanak sa kanya," sabi niya, saka naunang magtungo sa delivery room para ihanda ang mga gagamitin sa panganganak.

SHE WAS PREGNANT yet she was working? Ymar gritted his teeth. Ano ba ang nasa isip ng babaeng 'yon? Hindi ba nito iniisip ang laman ng tiyan nito?

Naiinis na bumuga siya ng hangin. It pissed him that Czarina was working.

Iniwan siya nina Calyx at Lander nang ilabas si Etheyl ng delivery room. Calyx lost consciousness after hearing from the nurses that Etheyl had triplets. Biniro pa nila ito ni Lander at kahit minura sila, alam niyang masaya ito at nakatatlo agad.