POSSESSIVE 7: Ymar Stroam

CHAPTER 5

CHAPTER 5

YMAR WAS BUSY while doing some experiment in his laboratory. Nagsalubong ang mga kilay niya nang bigla na lang pumasok sa isip niya si Czarina. Marahas niyang ipinilig ang ulo para mawala ang babae sa isip niya.

Czarina had been occupying his mind these past few days. Hindi naman siya tanga para hindi malaman kung ano ang ibig sabihin n'on. He was a chemist, and he knew very well that he and Czarina didn't have the perfect chemistry. Pero kahit ganoon, hindi niya mapigilan ang lumalagong nararamdaman.

And in Science, in every action, there was a corresponding reaction. At nasisiguro niyang may mangyayari sa action na ginawa niya. It had been a month. Mukhang kailangan niyang mas maging maingat sa mga kilos niya.

Tumigil siya sa ginagawa nang marinig na nag-ingay ang cell phone niya. Tinanggal niya ang gloves sa kamay at sinagot ang tawag.

It was his mother. Not again.

"Ymar, nagawa mo na ang ipinapagawa ko?" sabi ng kanyang ina sa mataray na boses. "Uuwi na ako riyan sa makalawa."

That was his mother. Mataray pero malambot naman ang puso... minsan.

Ymar sighed. "Mommy, hindi naman ganoon kadali ang ipinapagawa mo. Yes, I have a girlfriend—" he lied flawlessly. "But to get married? Mommy, naman. Hindi na ako bata para pangunahan mo. Iba na lang kasi ang hingin mo sa 'kin."

"Of course, it is!" his mother exclaimed. "Madali lang ang ipinapagawa ko. If you just let me choose. Tatiana is the best woman for you—"

"Mom, choosing a bride is not like choosing a coffee in Starbucks," sabi niya sa matigas na boses. "At saka hindi si Tatiana ang tipo kung babae."

Tatiana was his childhood friend way back in New York. She was pretty but totally not his type. Para kasi itong sasali sa circus kung makapag-make up.

"Ymar." His mother sighed. "We have a deal. Naalala mo? And that deal will end a week from now. You want my company? Then get married this instant."

Bumuga siya ng hangin. Napipika na siya sa kanyang ina, pero kailangan pa rin niya itong irespeto sa kadahilanang ito ang naghirap na ilabas siya sa mundo.

"Mommy, hindi pa ako handang magpakasal," naiinis na sabi niya. "Give me a little time."

"No. We have a deal," wika nito. "Kung gusto mong mapasakamay ang kompanya ko na alam kung gustong-gusto mo, mag-asawa ka na. I know you want my company to merge with YS Pharmaceutical and that will only happen when you get married in less than a month from now. And I want a grandchild."

He blew a loud breath. Tama ang sinabi ng kanyang ina. He wanted the CF Pharmaceutical, his mother's company. Iyon kasi ang kalaban ng YS Pharmaceutical. He needed his mother's company so he could reign in the medicine business. At mangyayari lang 'yon kapag nakahanap siya ng mapapangasawa sa loob ng isang buwan.

And that was just so impossible to happen. Ymar wanted to pay someone to be his fiancée or wife, pero bago siya magbayad, kailangang ma-train muna niya ang babaeng babayaran niya. Mahahalata ng kanyang ina na matang-lawin yata pagdating sa mga ganoon.

Bakit naman kasi 'yon pa ang hiningi ng kanyang ina na kapalit sa kompanya nito? Fuck! Nahihirapan tuloy siya.

And why the fuck did she wanted a grandchild anyway?! Hindi pa nga niya gustong magkaanak.

"So, ano? Kaya mo?" mataray na tanong ng kanyang ina sa kabilang linya. "Kapag hindi mo nagawa ang usapan natin, hindi ko ibibigay sa 'yo ang CF Pharmaceutical at kahit mamatay ako, ilalagay ko sa last will ko na hati-hatiin ang stocks ng kompanya sa mga investors." When she spoke again, her voice was soft. "Ginagawa ko 'to kasi gusto ko lang naman na mag-asawa ka na kasi lampas treinta na ang edad mo. I want to see you with a wife and a child—"