POSSESSIVE 7: Ymar Stroam

CHAPTER 6

CHAPTER 6

BUMUGA NG HANGIN si Czarina habang matuwid na nakatayo sa tabi ni Ymar na may dalang placard na may nakasulat na "Cynthia Fontanilla."

At tulad ng napagkasunduan nila ng lalaki, she wore a proper dress. Isinuot niya ang damit na binili niya sa mall and it suited her. Sinabihan pa nga siyang maganda ni Ymar nang makita nito ang suot niya.

Humugot siya ng isang malalim na hininga. Ngayon darating ang ina ni Ymar at pakiramdam niya ay bibitayin na siya mamaya. Bakit naman kasi siya pumayag na magpanggap na fiancée ng mokong na ito?

You need his sperm, remember?

Napalabi si Czarina. Oo nga pala. May sarili rin siyang plano kaya pumayag siya. She wanted Ymar to donate a sperm. O, 'di ba, ang bongga ang plano niya. She hoped that her plan would work out just fine.

Hindi naman siya mahihirapang makipag-sex kay Ymar. Gusto niya ang lalaki. And behind her bitter opinion about relationship, her heart was actually beating fast for Ymar Stroam. But that was all. She would not entertain her feelings for him. Alam niyang mapupunta rin naman sa wala kung magkakarelasyon sila... Ilusyonada! Wala naming kasing gusto sa kanya si Ymar.

Therefore, she concluded that it was not healthy for her heart to beat for Ymar. Sayang lang ang effort niya, nganga pa ang puso niya.

Buwisit talaga iyang love-love na iyan, eh. Hindi makatarungan. Puro paasa lang.

"Mommy. Here!" sabi ng malakas na boses ni Ymar na nagpabalik sa isip niya sa kasalukuyan.

Napakurap-kurap siya at itinuon ang mga mata sa middle-aged woman na naglalakad palapit sa kanila. The woman walked with elegance and grace. Her eyes and smile held confidence. And damn it, her eyes were trained on her! Parang saging na binabalatan ang uri ng pagkakatingin nito sa kanya.

Puwedeng magtago?

Huminga siya nang malalim, saka ngumiti nang nakalapit na ito sa kanila.

"Good morning, Ma'am," magalang na bati niya sa ginang.

"Welcome back to the Philippines, Mom." Ymar hugged his mother and kissed her on the cheek.

Nakatingin pa rin sa kanya ang ginang na para bang sinusuri siya mula ulo hanggang paa. Grabe makatingin. Wagas. Talagang matutunaw siya sa kaba na nararamdaman.

Hindi niya tinanggal ang ngiting nakaplaster sa mga labi niya kahit pa nga nangangawit na siya. She had to get into this woman's good side. Para matuloy ang pagdo-donate sa kanya ni Ymar ng sperm.

Ymar let go of his mother and looked at her. "She's Czarina Salem. My fiancée."

Kuntodo ngiti siya habang ipinapakilala siya ni Ymar bilang fiancée nito. Letse! Nakakakilig naman 'to! Sana totoo na lang na fiancée siya ng lalaki! Dahil kung totoo, talagang magpapamisa siya at mamimigay ng isandaang saging sa mga kapus-palad. Pero alam naman niyang hindi mangyayari 'yon.

Tiningnan siya ng ginang mula ulo hanggang paa. "A Salem." Tinaasan siya nito ng kilay. "How are you related to Kahiv Salem?"

Crap! Ang pinakaayaw niya sa lahat ay makakilala ng taong kilala ang mga magulang niya. They had always compared her to her parents Shit! Sana naman hindi nito alam ang pinagmulan ng kanyang ama.

"He's my father," simpleng tugon niya.

Dalawang kilay na nito ang nakataas habang nakatingin sa kanya na parang sinusuri siya. "So, if he is your father, that means, you are his only daughter. Right?"

Tumango siya. "Opo."

Biglang ngumiti ang ginang. "So you are Czarina Salem, the heir to Salem's billion-dollar wealth."