" ကျွန်တော့်ကို တစ်ချက်လောက် ဇာတ်ညွှန်းလေး ကူဖတ်ပေးလို့ရမလား "
ကျန်းဟောင့်ဟာ မယုံကြည်နိုင်စွာဖြင့် သူ့ကိုယ်သူသာ လက်ညှိုးပြန်ထိုးမိလိုက်သည်။ အနည်းငယ်မျှ ဝိုင်းစက်သွားသော မျက်ဝန်းလေးများထဲ၌ ပြုံးပြီးတော့ ကြည့်နေသည့် ဆောင်းဟန်ဘင်း၏ မျက်နှာက အတိုင်းသား ထင်ဟပ်နေလျက်သား။
" ဒီအချိန်ကြီးလေ? ည ၁ နာရီခွဲကြီးကို "
" အင်းလေ.. ဟာအိုဟျောင်းလည်း ပြန်မအိပ်ချင်သေးဘူးမလား ၊ ကျွန်တော်လည်း မအိပ်ချင်သေးဘူး ၊ နောက်ပြီးတော့ ဟျောင်းက ကျွန်တော့်ကို အခုတလော ရှောင်နေတာမဟုတ်ဘူးလား "
တိုးဖျော့လှသော လေသံဟာ မသိလျှင် သူ့နားရွက်နားကို ကပ်ပြီး တီးတိုးစကားဆိုနေသလို ခံစားရစေ၏။ ကျန်းဟောင့်ဟာ ဆောင်းဟန်ဘင်း မမြင်အောင် အိပ်ရာခင်းကို လက်ဖြင့် တင်းတင်းဆုပ်မိလိုက်ပြီးနောက် ပွယောင်းနေသည့် ဆံပင်စများက ဖွားခနဲ ဖြစ်သွားလောက်အောင် ခေါင်းကို ခါမိလိုက်သည်။
" မဟုတ်ပါဘူး ၊ မင်း အတွေးတွေ လွန်နေတာ နေပါမယ် ၊ ရှောင်စရာလား "
" မရှောင်ဘူးဆိုရင်လည်း ရပါပြီ ၊ အဲ့ဒီတော့ ဇာတ်ညွှန်းက ကူဖတ်ပေးမှာမလား "
သူ့ကို မျှော်လင့်တကြီးဟု ဆိုရလောက်သည့် မျက်လုံးမျိုးဖြင့် ကြည့်နေသည့် ဆောင်းဟန်ဘင်းကို မြင်လိုက်ရသည့်အခါ ကျန်းဟောင့်ဟာ အနည်းငယ်မျှ စိတ်ညစ်ညူးစွာဖြင့် စိတ်ထဲမှာပဲ သက်ပြင်းအကြိမ်ကြိမ် ချမိလိုက်သည်။ သူတို့နှစ်ယောက်၏ ဆက်ဆံရေးက ဒီလိုမျိုး ခုတင်တစ်လုံးပေါ် နှစ်ယောက်မျက်နှာချင်းဆိုင်ထိုင်ပြီး ဇာတ်ညွှန်းထိုင်ဖတ်ရလောက်သည်အထိ ရင်းနှီးနေခဲ့သည်လည်း မဟုတ်ပါချေ။
" ငါ.. သရုပ်မဆောင်တတ်ဘူးလေ "
အကောင်းဆုံးနှင့် အသင့်တော်ဆုံး ဖြစ်နေသည့် ဆင်ခြေကို ထုတ်သုံးမိလိုက်သည့်အခါ ဟန်ဘင်းက ခေါင်းညိတ်နေရင်းဖြင့်။
" သိပါတယ် ၊ အဲ့ဒါကြောင့် ဟာအိုက ကျွန်တော် ဖတ်တာကို ထိုင်နားထောင်ပြီးတော့ ဘယ်နေရာလေးတွေတော့ လိုတယ်ဆိုတာကို ဝေဖန်ပေးရုံပဲလေ ၊ အဆင်မပြေဘူးလား "
YOU ARE READING
Starstruck Love
Fanfiction𝑺𝒕𝒂𝒓𝒔𝒕𝒓𝒖𝒄𝒌 : 𝒇𝒂𝒔𝒄𝒊𝒏𝒂𝒕𝒆𝒅 𝒐𝒓 𝒈𝒓𝒆𝒂𝒕𝒍𝒚 𝒊𝒎𝒑𝒓𝒆𝒔𝒔𝒆𝒅 𝒃𝒚 𝒇𝒂𝒎𝒐𝒖𝒔 𝒑𝒆𝒐𝒑𝒍𝒆, 𝒆𝒔𝒑𝒆𝒄𝒊𝒂𝒍𝒍𝒚 𝒕𝒉𝒐𝒔𝒆 𝒄𝒐𝒏𝒏𝒆𝒄𝒕𝒆𝒅 𝒘𝒊𝒕𝒉 𝒕𝒉𝒆 𝒆𝒏𝒕𝒆𝒓𝒕𝒂𝒊𝒏𝒎𝒆𝒏𝒕 𝒊𝒏𝒅𝒖𝒔𝒕𝒓𝒚. Binhao x Woongtthew
