حكاية أطفال الميتم

- إقتبَاس.

حكاية أطفال الميتم..
اقتباس لما هو قادم:

صفّ سيارته جانبًا أمام ذلك المطعم، هبط من السيارة وإمارات الغضب واضحة على وجهه تنفس بحدة وهو يدلف إلى المطعم، نظر حوله بتفحص لثوانٍ ثم وقعت عينيه على الطاولة المُرادة ليقترب منها وتعابير وجهه لا توحي بالخير أبدًا.

وقف أمام ذلك الشخص الذي يجلس على مقعد أمام الطاولة لـ يجذبه من ملابسه وهو يصيح به في حدة:
-فين التلفون إلي سرقته يا ابن الـ***** .

نظر إليه ذلك الشخص بصدمة من هجومه المفاجئ، لـيجذبه من ملابسه هو الآخر بغضب مماثل قائلًا:
-تلفون إيه يا حيوان أنت !! بقا تسرق مفتاح العربية المرسيدس اللي حيلتي و تقولي تلفون! أنت عبيط يالا!!

نظر إليه الآخر بصدمة ثم أردف بغضب أشد:
-مفتاح عربية إيه يا متخلف اللي أسرقه ما أنا معايا عربية هعمل بعربيتك إيه؟!!

-طب ما أنا معايا تليفون هسرق تلفونك أعمل بيه إيه أنا كمان!!

أجابه "آدم" بحدة وهو يصيح به هاتفًا:
-ما هو آيفون!

نبس "ريان" بحدة مماثلة:
-والعربية مرسيدس!

تنفس "آدم" بحدة وهو يبتعد عنه ثم قال بتساؤل:
- يعني مش إنت اللي سرقت التلفون؟؟

ضيق "ريان" عينيه بشك و هو ينظر إليه من الأعلى للأسفل:
-ومش إنت اللي سرقت المفتاح؟!!

-وربنا أبدًا، هعمل إيه بالمفتاح من غير العربية!!

نظر "آدم" إلى رقم الطاولة وجدها رقم أربعة.. كما كان مكتوب في الورقة التي رماها له السارق بعد أن أخذ هاتفه، كان مكتوب بها إسم المطعم ورقم الطاولة الذي من المفترض أنه سيكون عليها السارق..
و نفس الشئ حدث مع "ريان"!

قهقه "ريان" ببلاهة وهو يعود للخلف ليجلس على مقعده مرة أخرى:
-طب أقعد يا أهبل، شكل اتضحك علينا إحنا الإتنين!

جلس "آدم" على مضضٍ وهو لا يفهم شئ من ما يحدث...

نظر "آدم" إلى "ريان" بتساؤل ليهتف:
-طب إنت إيه اللي حصل معاك؟!!

تنهد "ريان" و هو يضع قدم على الأخرى قائلًا بشرود:
-الموضوع بدأ لما...
__________________

قافلة محمد سامي المتينه مع إنتظار نزول أول فصل قريباً أن شاء الله😂✨

أتمنى يكون الموضوع نال فضولكم زي ما أنا عايزه فـ عشان تعرفوا إيه الي حصل مع آدم و ريان ضيفوا الروايه عندكم في المكتبه و انتظروا القادم✨

وبس كده شكراً.. سلاام💜✨