ထန်းအိမ်တော်ရဲ့အိုမီဂါခုနှစ်ယောက်

Chapter 24

Unicode

Chapter 24
___________________

မဟုတ်ဘူး၊ လုချန်သတိရသွား၏ သူ့မှာ သူ့အပေါင်းအသင်းတွေရှိနေတုန်းပဲ၊ သူ့ညီအစ်ကိုတွေကတော့ ကျိန်းသေပေါက်သူ့ဘက်မှာ ရှိကြမှာပဲ!

နောက်တစ်ညတွင် လုချန်က ကားထဲ၌ခြေလှုပ်နေရင်းဖြင့် သူ့လက်ထောက်အား ခေါ်လိုက်သည်
“ရှောင်ကျွမ်း၊ မြို့တော်မှာ အကြီးဆုံးနဲ့ဇိမ်အကျဆုံးဖျော်ဖြေရေးနေရာက ဘယ်နေရာလဲ”

လက်ထောက်ထိုအကြောင်းတွေးလိုက်မိတော့ သူ့သူဌေးက သူ့ရဲ့သစ္စာရှိမှုကို စမ်းသပ်နေတာပဲဖြစ်ရမယ်လို့ ခံစားရလေသည်။ လုအုပ်စုရဲ့အဖွဲ့ဝင်တစ်ယောက်အနေနဲ့ သူ့စိတ်ထဲတွင် ယင်းက သေချာပေါက် အကြီးဆုံးနဲ့အခမ်းနားဆုံးဖြစ်သည့် လုမိသားစု၏ဖျော်ဖြေရေးနေရာ *‘စည်းစိမ်ရမ္မက်မယ်မွေ့လျော်ဖွယ်’သာဖြစ်တာမို့ သူလေးလေးစားစားနဲ့ အမှန်အတိုင်းဖြေကြားလိုက်သည်။

[*纸醉金迷 : idiomတစ်ခု၊ နဂိုကတော့ တောက်ပဝင်းလက်နေသည့်ရွှေစက္ကူတွေနဲ့ အလှဆင်ထားတာကို ရည်ညွန်းသည်၊ လူတွေကို ယစ်မူးစေတဲ့ ချမ်းသာကြွယ်ဝတဲ့အခြေအနေအတွက် ဥပစာတစ်ခုပင်။ တစ်ခါတလေကျ ဇိမ်ကျပြီးခမ်းနား၊လက်ဖွာတဲ့ဘဝကို ဖော်ညွှန်းရန် သုံး၏။ အင်္ဂလိပ်လိုက Drunk on Radiant Goldပါ၊ မြန်မာလိုကတော့ အိုင့်ကျယ်ကျဲကူစဉ်းစားပေးထားတဲ့ အပေါ်ကအတိုင်းပဲပြန်လိုက်ပါတယ်><]

လုချန် ဖုန်းချကာ သူ့အပေါင်းအသင်းအုပ်စုဆီ မက်ဆေ့ချ်တစ်စောင်ပို့လိုက်ပြီး စည်းစိမ်ရမ္မက်မယ်မွေ့လျော်ဖွယ်တွင် တွေ့ဆုံရန် ပြောလိုက်၏။ ယင်းနောက် လမ်းညွှန်အားဖွင့်ကာ မြို့တော်ရှိ အကြီးမားဆုံးဖျော်ဖြေရေးနေရာဖြစ်သည့် ဒဏ္ဌာရီလာစည်းစိမ်ရမ္မက်မယ်မွေ့လျော်ဖွယ်သို့ လမ်းတစ်လျှောက်မောင်းနှင်သွားလိုက်သည်။

သူပတ်ပတ်လည်ကို ကြည့်လိုက်တဲ့အချိန် နေရာတိုင်း၌ ရွှေရောင်သင်္ကေတတွေနှင့် အလှဆင်ထားမှုတွေရှိနေပြီး ကော်ဇောတောင်မှ ရွှေရောင်ပင်။

လုချန်နှုတ်ခမ်းတို့ကွေးတက်သွားပြီး လွန်စွာမိန်းမောသွားသလို ခံစားလိုက်ရသည်။ သူ့ကော်လံအား ဖြောင့်လိုက်ကာ သြဇာအပြည့်ဖြင့်အထဲသို့ဝင်သွားလိုက်ပြီး လက်ဝေ့ယမ်းရင်း ပြောလိုက်သည်
“ငါ့ကို အကြီးဆုံးသီးသန့်ခန်းတစ်ခုပေး”