احببتُك صدفه

" للوهله الأولى"

" أشعر للوهله الأولى انكي لا تريدي رؤيتي ، انكي لا تريدي التحدث معي "
......................................
أخبرت " رقيه " صديقتها بأنها ستقابل " رحيم " بعد كليتها ، نظرت لها بشك ، هي تعلم نظره صديقتها عندما تتحدث عنه
_ يعني انتي الي هتشيلي خنقته ؟
_ لا مش قصده كدا اكيد
_ اومال اي ؟
_ عادي يعني ، زميلته و هتكلم معه شويه
_ اممم ، زميلته
_ أه زميلته
_ شوفتي بت ناتلي كانت بتبص ليا ازاي ؟
_ ايوه كانت عايزه تديكي بالقلم
_ متعرفش اصلا ، انا مش فاهمه هي مضايقه ليه ؟
_ لا ولا حاجه ،خطيبها واقف مع واحده ، بيفضل يضحك معاها ، بيبص ليها بحب ، لكن اول لما يشوف وشها تحس ان هو عايز يرجع
_ عندك حق ، كلنا بنبقى عايزين نرجع بس مش هينفع
_ رقيه خلي بالك ، مش عايزاكي تقعي في نفس غلط تاني
_ حاضر
_ ماشي خدي بالك
_ ماشي خلاص
_ علشان مترجعيش تزعلي
نظرت لها بغضب ، صفعتها على وجهها
_ ما تخرسي بقا
.....................................
يوم جديد ومبهج على أحدهم ، منهم من استيقظ سريعا لكي يذهب إلى عمله ، منهم استيقظ متعب بسبب كثره التفكير في أحدهم ، منهم من اجهد قلبه في رؤيه حبيبته البعيده عنه ، منهم من استيقظ فرحا ويرقص لانه سيتحدث مع رفيقه قلبه
نظر " عيسى " لـ" رحيم " الذي كان يتمتم بأغنيه وهو يرتدي ملابسه
"  من اول مقابله ، سحر عينه نداني ، بالطريقه شد قلبي ، بالطريقه  ، موت فيه ، سلمت من اول دقيقه "
_ لا انت سلمت من ساعه ما كانت بتقول لامها ، مش مسامحه على مانجه
_ اه والله
_ ليه تحب واحده يا رحيم لما تاكل أكلها تقوم تقتلك ؟ أو تديك دعوه كدا ، أو واحده ربنا ما يحوجني ليك بتاعت امهات
_ لا والله دي طيبه اوي
_ انت الي طيب ، انت عارف روحت ليهم قبل كدا بيت ، خلتني اغسل مواعين الي كلت فيها ، وقالتلي انت مش غريب
_ يا بجحتك بجد ، يعني عايز تاكل و متغسلش
_ انا ضيف
_ خليك خفيف
_ لا بس اي شياكه دي
ابتهج وجه " رحيم" عندما سمع تعليق صديقه
_  بجد ونبي حلو
_ ايوه يا بني حلو ، لابس كمان كوفيه ، اسود في اسود ، مدلوق
_ احسن منك ، سلام عشان متأخرش
...............................
كان اتفاقهم ينص على أن يتقابلوا بعد دوام دراسي ، كانت " ساره " و " ناتلي " و " رحيم " و " رقيه " و اخيرا لقد ظهرت " فريده " و " آسر " ، كانوا يجلسون جميعا سويا ، ينتظروا معاد محاضرتهم ، اقتربت " ناتلي " من خطيبها
_ حبيبي
نظر لها بخنق
_ نعم
_ وحشتينيي
اقتربت منه تنوي تقبيله ، لكنه نفر منها
_ ناتلي انا قولت اي على هبل دا ؟
_ رحيم ، احنا مخطوبين ، قريب اوي هنتجوز ، اي مشكله يعني ؟
غضب سريعا و قال لها بأنفعال و صوت عالي
_ ناتلي ، اقسم بالله انتي لو قربتي مني تاني ، مش هتلاقي في وشك حته سليمه
انتبه الجميع على صراخه وخاصه " رقيه " ، تصنعت البكاء
_ انتي بتزعقلي ، هنضربني كمان
_ هو انا لمستك
اقتربوا من " ناتلي " وهدأوا من روعها ، بينما " رحيم " لا يزال غاضبا ، نظرت بخبث لـ" رقيه " التي نظرت لـ" رحيم"
باستنكار و غضب ، ذهبت إلى محاضرتها، جلست " ساره"
بجانبها 
_ انتي كويسه ؟
_ اه حمدالله
_ مالك كدا ؟
_ انتي مش شايفه أن رحيم غلطان ؟
_ قصدك عشان ناتلي ؟
_ اه
_ بس هي كمان غلطانه
_ بس هو يقدر يتكلم من غير زعيق و عصبيه ، مينفعش يعمل كدا
_ يمكن عشان هو مخنوق
_ لا عيب كدا ، انا عمري ما أقبل أن خطيبي حتى لو بنكره بعض يعمل فيا كدا ، مش هسمحله اصلا ، بجد رحيم اتغير في نظري شويه
_ طب يلا عشان دكتور دا دماغه تعبانه ، هيطردنا دلوقتي
.........................................
وصلت " جودي " لـكليتها ، كانت تود أن تعتذر لـ" عيسى " لكن لا تعلم اين هو ، انتهت من دوامها دراسي ، فشلت في أن تجده ، كانت ستخرج لكنها وجدته يقف أمامها ويتبسم لها
_. عيسى ، كنت بدور عليك
_ عارف
_ انا اسفه ، انا مكنش قصدي حاجه لما انت دافعت عني
_ عادي ولا يهمك ، مش بضايق من دبان ، انتي عارفه طبعا أن دبان دا مزعج جدا ، بس انا مش بيزعجني ، عشان يا عيني هو حشره صغيره
نظرت له بغضب
_ تصدق اني غلطانه ، اه والله غلطانه ، كنت سبتك تتفلق
_ استني طيب
_ يا عم في داهيه
_ خلاص متزعليش وانتي شبه بطريق انتي زعلانه كدا
_ اسكت انت بتنيل مش بتصلح
_ طيب خلاص ، متزعليش بس ردك كان رخم
_ عشان كدا جيت اعتذرت يا عيسى
_ خلاص مش مشكله ، بت رقيه مع رحيم دلوقتي ؟
_ انا كلمتها ، بس هي قالت إن هي روحت ، ومرخجتش معه
_ اي دا ليه ؟ دا رحيم كان بيترقص من فرح عشان هيتقابلوا
_ مش عارفه هي مقلتش سبب ، انا كنت مروحه على بيتها عشان اعرف
_ اعرفي و قوليلي
....................................
نظر " آسر " إلى " فريده "
_ لا بس احلوينا
_ شكرا
_ اديني خرجتك اهو ، بأكلك ماك الي انتي عايشه عليه تقريبا ، شربتك بيبسي الي انتي ممنوعه منه ،متقوليش لادم وعيسى عشان هيقتلوني
_ متخافش مش هقولهم
رن هاتفها
_ دا عيسى
_ متقوليش اني اكتلك
_ عيب عليكي
_ ايوه يا عيسى ، حمدالله كويسه ، انا فين
نظر لها " آسر "
_ في ماك ، مع آسر ، شربت بيبسي بس قالي مقولش لحد ،بس انت مش حد
بينما قام " آسر " ضرب كفه على دماغه
_ اه شويه وهروح ، سلام
_ اديني مقولتش لحد اهو
_ بت انتي عايزه تشليني
_ عيسى اخويا مينفعش اخبي عليه حاجه
_ وماله
_ مش انا بدأت اعمل لوح عشان معرض بتاعي
_ ايوه كدا ، اتمرني من دلوقتي ، متأكد أن كل لوح بتاعتك هتعجب الناس
_ بس انا خايفه
_ صدقيني قبل كل حاجه جديده ، بتخافي ، زي انا مثلا قبل ما اجرب شعور الح........
_ اي كمل ؟
_ هاا ، لا مفيش حاجه
_ قبل ما تجرب شعور اي ؟
_ مفيش خلاص ، احكيلي انتي كليه عامله اي ؟
_ اها كويسه ، بس ادم عمال يزن عليا
_ ليه بس
_ عايز يجوزني ويخلص مني
استشاط " آسر " غضبا عندما سمع أن صديقه يود أن يُزوج " فريده " لشخص ما
_ مالك انت كويس؟
_ كملي ، فتحك في موضوع دا امتى ؟
_ من كام يوم كدا
_ انتي كان ردك اي ؟
_ صراحه ، اتكسفت شويه ، بس قولتله اني لسه عايزه اعمل معرض بتاعي ، انجح في حياتي الاول بعدين افكر في كلام دا
_ شاطره ، مينفعش تتجوزي دلوقتي ، لازم تعملي حاجه خاصه بيكي الاول
_ ايوه اتعلمت دا منك ، هو انت مش هتتجوز ؟
_ مش لما رحيم يتجوز الاول
_ اه عندك حق هو أكبر واحد فيكو ، بس هو حكالي عن بنت معجب بيها
_ اه رقيه
_ اه هي دي ، تفتكر ممكن تقبل ؟
_ مش عارفه ، بس رقيه مش سهله ، اقصد هي لذيذه و كيوت وطيبه
نظر لها وجدها تعقد حاجبيها بغضب
_ والله طالما هي كيوت ولذيذه كدا ، متروح تتجوزها احسن
كانت تتكلم بحده وغضب
_ انتي اي الي مضايقك ؟
_ عندك حق المفروض مضايقش بعد ما حسيت اتجاهك بـ.........
_ بأيه؟
_ مش بحاجه ، انا بس بتعصب شويه من سيره جواز وكدا ، عشان الي حصل لـعلي  ، عايزه اروح البيت
_ ليه ما احنا قاعدين شويه ؟
_ معلش تعبانه ، هنتقابل تاني
.......................
بينما كان " ادم"  يفكر بـ" ساره " ، يريد تحدث معاها ، لكن هي سبقته و اتصلت بيه
_ يا رب مليون جنيه
_ يا رب ، بس ليه بتقول كدا ؟
_ كنت لسه بفكر فيكي ، كنت لسه هكلمك
_ يلا القلوب  عند بعضها ، انت فين يا دومي ؟
_ دومك اااه، يبقى عايزه حاجه ؟
_ لا انا بطمن يا دومي ، انت كويس ؟
_ اخلصي عايزه اي ؟
_ صراحه كدا ، عيزاك تيجي بالعربيه بتاعتك عشان نروح نجيب لبس
_ طب وانا مالي ؟
_ اطلبي من اي حد تاني
_ يا دومي عيب ، انت صديقي من ساعه ما اتولدت
_ يا ستي مش عيب ولا حاجه
_ تؤ تؤ ، يلا مستنياك
_ انتي عزماني على غدا !! ساره انتي بتقرفيني في لبس دا
_ لا متخافش هو محل ولا اتنين وخلاص

_ يا ساره احنا لفينا المول كله ، دخلنا محلات خمسين مره ، اشتريتي كل حاجه ، هو دا محل ولا اتنين
خرجت تلك جمله من " ادم " وهو يحمل عديد من شنط في يده
_ بقولك اي متقرفنيش ، لسه في حاجات عايزه اجبها
_ الشنط تقيله
_ انت راجل لازم تستحمل
_ صدق الي قال انك صرصور ، لا مش اي صرصور دا صرصور الي بيطير ويعمل صوت
_ انت بتقول حاجه ياض ؟
_ لا يا حبيبتي ، بقول ربنا يديكي صحه و طوله العمر
قالها وهو يجز على أسنانه بغضب ، بينما هي لم تكتثر إلى غضبه ، أكملت تسوق وشراء ملابس
.....................................
وقف " رحيم " ينتظر " رقيه " مده طويله لكنه لم يجدها ، أخذ يتصل بها لكنها لم ترد ، شعر بيأس وقلق عليها ، اتصل بـ" جودي "
_ عامله اي يا جودي ؟
_ بخير حمدالله ونت
_ انا تمام حمدالله ، متعرفيش رقيه فين ؟
_ هي كلمتني كانت تعبانه و روحت
_ سلامتها ،مالها ؟
_ جالها مغص في بطنها ، روحت
_ بتصل بيها مش بترد
_ عشان نايمه
_ طب ينفع لما تصحى تقوليها تكلم رحيم ؟
_ اه طبعا ، مع سلامه
_ سلام
نظرت " جودي " إليها
_ انتي بتعذبي الواد ليه ؟
_ انا مبقتش طايقه اسمه حتى
_ كل دا عشان الي عمله في ناتلي
_ اه ، ازاي انا كنت بفكر اني ارتبط بشخص دا ؟
_ اديله فرصه ، لازم تسمعي الحوار من طرفين ، مش من الي شوفتيه ، بعدين هو قلقان عليكي
_ شويه وهبقى ارد عليه
مر بضع ساعات ، اتصل بها
_ الو يا جودي
_ لا انا رقيه
_ رقيه ، انتي كويسه ؟
_ اه حمدالله
_ جودي قالتلي انك تعبانه
_ لا انا حمدالله
_ عايز اجي اطمن عليكي
_ لا ، مفيش داعي انا بخير
شعر " رحيم " أنها تتحدث معه ببرود و ظهر في نبرتها شيء من النفور أو غضب
_ انتي كويسه ؟
_ يا رحيم قولتلك كويسه ، اعملك اي تاني
تحدثت بأنفعال وغضب معه
_ انا اسف ، انا بس كنت بطمن ، مع سلامه
ثم اغلق الهاتف
مر يومين عليهم جميعا ، كانوا عندما يتقابلوا تنظر له بنفور ، تتجنب تحدث معه ، شعر للوهله الأولى أنها ليست على ما يرام ، ربط احداث ببعضها ، وعلم من " ساره " ما قالته عنه ، لذا قرر تحدث معاها ، ذهب إليها وكانت تمسك هاتفها
_ ينفع اتكلم معاكي ؟
_ لا * لم تنظر إليه *
_ شكرا
ثم جلس بجانبها
_ قولتلك لا
_ معلش اصل دماغي تعبانه
_ هي فعلا تعبانه يا رحيم
_ في اي بقا ؟
_ مفيش
_ لا انا مش خطيبك ، قولي في اي ؟
_ انت ليه اتكلمت مع ناتلي بطريقه دي
_ يعني مضايقه عشان الي انا عملته ، مش مضايقه عشان الي عملته هي
_ ايوه هي الي عملته غلط ، بس انا مبحبتش اسلوبك
_ لا اله الا الله ، مفروض اعمل اي ؟
_ معرفش
_ رقيه ، انتي متعرفيش انا بمر بأيه ولا انا بحس بأيه ، فبعد اذنك متحكميش عشان انتي مضايقه بسبب اسلوبي
_ انت ليه اصلا قاعد بتبرر ليا ؟
سكت لم يرد عليها
_ رد يا رحيم
_ عشان انتي غاليه عندي ، ارتاحتي
_ رحيم ، احنا لسه شايفين بعض من اسبوع
_ عارف ، دا ميمنعش اني ارتاحت ليكي
_ ازاي يعني؟
_ انا مش في تحقيق يا رقيه
_ لا في تحقيق ، اشمعنا انا ؟ ليه امري فارق ليك اوي كدا؟
....................................
# احببتك صدفه