احببتُك صدفه

" الوتر الحساس"

" لا أحب أن أرى دموعك و حزنك بسببي ، أشعر بطعنه في قلبي عندنا يحدث ذلك "

...........
_ اسورتي
_ فريده ونبي مش عايز سياح تتلم علينا
_   عيب عليك
_ مش عايز اسمع نفسك ماشي
_ حاضر والله انا اصلا مش بحب اصرخ

بمجرد أن ركبت " فريده " و ركب بجانبها " أسر " بدأ براشوت يتصاعد في السماء ، صرخت " فريده "

_ الحقوني يا ماماااا
_ اخرسي يا فريده
_ انا عايزه انزل
_ هو دا البراشوت يا ختي حلو ؟
_ نزلني والله هرجع
_ فريده بطلي هبل استمتعي انا جمبك ، متخافيش
_ انا عايزه انزل
بدأت في البكاء ممزوج بصريخ ، ضاق صدر " أسر " من تلك التصرفات حتى نزلوا على اليابس ، عانقت " فريده " اخوها

_ براشوت دا وحش اوي
_ انتي الي فضلتي تزني انا عايزه اركبه واديكي ركبتي
_ لا دا وحش مش عايزه تركبه تاني

قال " أسر " في ضيق : انا هروح اوضه بتاعتي اريح شويه ، عن اذنكوا

نظرت " فريده " إلى " علي " : هو زعل ليه ؟
_ يمكن مثلا عشان صريخك ، هو بس مضايق شويه هيفك
_ عندك حق

........
استيقظت " رقيه " وهي تشعر بالتوتر من تلك المقابله ، توضأت وأدت صلاتها ، وجددت " عيسى " يجلس في الخارج ، قام بعناقها

_ هو انا مهاجره يعني ؟
_ انا اصلا مش جاي عشان خلقتك ، انا جاي عشان خلقه الست توته
_ انت تنح كدا ليه ؟ عن اذنك ورايا شغل

ذهبت إلى غرفتها و ارتدت ستره ارجوانيه و بنطال بنفس لون أسفلها قميص ابيض ، طرحه مزجت بينهم ، وجددت " جودي " تتبسم لها

_ انتي صاحيه ليه ؟ وايه الشياكه دي ؟
_ عيسى قالي أنه هيخرجني عشان كدا جهزت
_ هتخرجوا من دلوقتي ؟
_ هو الي قالي مش راضي كمان يقولي رايحين فين ، بس انا مش هنزل غير لما اطمن عليكي ، عشان عارفه انك متوتره
_ لا خالص انا هاديه ، بطني بس الي بتتقطع مش اكتر

قامت بترطيب عليها ، عناقها
_ ساعات مش بحسك ولا اختي ولا صاحبتي
_ اومال ايه ؟
_ امي
_ بت احنا كل الي بيني وبينك شهر جبتي منين امك دي ؟
_ انا غلطانه ابعدي بقا كدا

وجدت رساله من " رحيم "
_ صباح الخير ، مش عايزك تتوتري ، انا مش عارف انتي مكبره موضوع كدا ليه ؟ محسساني انك رايحه امتحان ثانويه عامه ، هو بس هيسألوكي كام سؤال بتوع هرموناتك دي ، زي شايفه نفسك فين كمان خمس سنين ، قوليلهم في حضن رحيم ، بهزر معاكي ، فكي كدا ، المهم يعني أن كل حاجه خير ، لما تخلصي مقابله تكلميني عشان اطمن عليكي

نظرت لها " جودي " نظره ذات معنى
_ دا رحيم ؟
_ لا مش هو
_ ضحكتك دي بتقول أنه هو
_ وانا بقولك مش هو ، يلا انا نازله عشان متأخرش

قالت لها بنبره تعلم " رقيه " مرادها
_ ينفع يا حبيبتي انتي يا اختي
_ جودي ادخلي في موضوع مش بحب شغل الكهن دا
_ صراحه كدا في حاجات عايزه اخدها من لبسك
_ خدي يا جودي ، بس لو في حاجه اتقطعت او حصلها حاجه ، هقتلك
_ حاضر متخافيش ، انا عمري اخدت منك حاجه و بوظتها
_ انا همشي يا جودي بدل ما اوريكي كان حاجه بوظتيها
...................................