احببتُك صدفه

" هاي "

" عندما ارى ضحكتك انسى كل همومي ، أشعر بأنني وقعت لطفله صغيره ليست امرأه بالغه "

..............

نظروا إليها في تعجب بعد فقدان النطق لأكثر من أسبوع ، انهال عليها الجميع بالعناق
قام " عيسى " بتقبيلها عده قبلات
قالت في صوت عالي : متحرش حد يمسكه
_ وحشتيني ، مكنتش اعرف اني بحبك اوي كدا
_ انت كلب وربنا
قال " أسر ": اي احساسك وانتي مش كنتي بتتكلمي ؟
_ بص هو احساس وحش اوي ، يعني مثلا لما كنت بتكلم اكون عايزه اشرب بنادي على بيان ، لكن لما سكت معرفتش انادي عليها ، كنت بقوم احبها لنفسي

نظرت لها " بيان " : انتي اي الي خلاكي تخفي بس
_ يلا يا بت انجري هاتيلي كوبايه مياه
وقفت أمامها وهي تضع يدها على خصرها و ترفع صوتها :
ليه انتي اتشليتي قومي تفزي تجيبي لنفسك

وقفت أمامها وصرخت بها : بياااااان ، احنا بنقول للكبير اي ؟
قالت في صوت منخفض : حاضر
وضعت " رقيه " يدها على أذنها : بنقول اي ؟
رفعت " بيان" صوتها : حاااضر
_ يلا روحي هاتيلي مياه
قال " ادم " : مسيطره برضه
_ عيب عليك
تبسمت " فريده " وهي تقول : انا كنت فكراكي لما ترجعي تتكلمي صوتك هيبقى واطي ، هتتكلمي بهدوء ، هتحترمي نفسك شويه ، بس ما شاء الله مصر كلها سمعتك وانتي بتزعقي دلوقتي

رفعت يدها وهي تفعل بيدها عدد الخمسه : خمسه في عينك ، هتخرس تاني
ضربت " ساره " كتف " رقيه ": حرام عليكي ، قلقتينا
_ منا قولت مينفعش برضه نأجل فرح أسر وفريده ولا اي يا عريس
_ حبيبتي والله يا رقيه ، انتي شكلك عيزاني احضنك
اقترب منها " أسر " منعه " عيسى "
_ اي يا عيسى هو انت ورحيم عليا
_ ايوه يا حبيبي انا مكان رحيم هنا ، روح اقعد مكانك ياض ، قال عايز يحضن اختي قال
تبسمت له " رقيه " وقالت : لما يمشوا هحضنك
_ اشطا
مسكتها " فريده " من مؤخره عنقها : انا سمعت أن في واحده عايزه تحضن جوزي
_ اي دا ! هو جوزك ؟ مكنتش اعرف
_ اه يا حبيبتي جوزي و نتلم شويه
نظرت إلى " أسر " نظره حاده : وانت حسابك معايا بعدين
وكز " ادم " صديقه وقال : اوباااا ، طالما قالتلك حسابك معايا بعدين ، يبقى النكد هيشتغل اسمع مني ، اصل انا مجرب
مسكته " ساره" وهي تقول : بتقول حاجه يا دومي
_ لا انا اقدر
قالت " جودي ": صلوا على النبي يا جماعه ، دا شيطان ودخل ما بينكوا
رتب " عيسى " على " رقيه ": اهو شيطان بنفسه
_ اي يا واد العسل دا ، جايب خفه الدم دي منين
_ عيب عليكي يا روكا
قضوا وقت ممتعاً جميعاً معاً ، انصرفوا من منزلها
ظلت تفكر لما لم يتكلم معاها حتى الآن اهي ليست مهمه عنده ؟ الا بخاف عليها ؟
....................
في اليوم التالي ، افاق " أسر " على صوت " فريده "
_ اسورتي ، اسورتي
مسك يدها يقبلها وهو لا يزال مغلق عيون
_ معقول يعني انتي هنا وفي الحلم
_ يا حبيبي اصحى بقا
فتح عيونه ووجدها أمامه ، فزع منها
_ مالك يا أسر ؟
_ انتي بجد صح
_ اومال طلعتلك من حلم ، يلا يا اسورتي هنتأخر واحنا يومنا طويل اوي
نام مره اخرى
_ يووو يلا بقا
_ ما تيجي تنامي جمبي
_ انت قليل ادب
مسك يدها و سحبها إليه حتى نامت بجانبه ، وهي لا تزال مندهشه من تلك الفعله
قالت بتوتر ظهر على ملامحها : ا اسر انت بتعمل اي ؟
_ بحضن مراتشي في مانع
_ بس يا أسر
_ مفيش بس ، بعدين انا عايز بوسه
شهقت بخجل _ بطل انا هقوم
مرر انماله على وجهها بحب وهي تتبسم و تخجل من لمساته ، اقترب منها لكي يقبلها
فتح باب غرفته ، كان " عيسى " مخرب لحظاته
_ سمووو عليكوووو ، اي دا ؟
وجد وساده تضرب وجهه ، صرخ " أسر " به
_ اطلع برااا
_ حاضر حاضر
خرج بسرعه ،وهي تضحك عليه
_ اضحكي كويس
وضع يده على ظهرها و قربها منه أكثر ، قام بتقبيلها قبله شغوفه ، وهي ظلت متسمره في مكانها
فصل قبلتهم ، قال لها بابتسامه : صباح الفل ، هقوم البس اهو
تركها لانه يعلم أنها ستموت من خجلها ، وهي وضعت يدها على فمها ، وهي تشبه نبيذ  ، تتبسم رويداً رويداً، جاء لها وهي لا تزال على تلك الوضعية
_ يلا يا طماطم
_ ها طماطم اي ؟
_ يلا بدل ما ابوسك تاني
وجدها تجري بعيد عنه بعد أن سمعت أنه يود تقبيلها مره اخرى وهو ضحك على رد فعلها
_ تعالي هنا يا مجنونه
.........................
ذهب " عيسى " إلى عمله ، وذهبت " جودي " إلى تدريبها
اتصل بها
_ جميلتي عامله اي ؟
_ انت بتتصل ليه ؟
_ انتي يا بت محدش علمك ازاي تردي ؟ بقالك يجي اكتر من عشرين سنه مع رقيه متعلمتيش منها ازاي تردي بحب
_ انا مش رقيه ، هو دا الي عندي إذا كان عجبك
_ مش عاجبني يا جودي
_ اضرب راسك في اقرب حيطه
_ طيب سلام
_ عيسى ، عيسى
اغلق الخط ، وهو بداخله يتوعد لها
.................
كان " رحيم " يجلس بجانب " ناتلي " ، تحت نظرات أباه التي تهدده ، إذا مسك هاتف أو انشغل عن " ناتلي "
قام " سالم " بأحضار الطعام وأعطاه إلى " رحيم "
_ خد اكل ناتلي
_ حاضر
بدأ في اطعامها وهو يشمئز منها
وقعت عليه صدمه لم تكن في الحسبان
اذا به يجد " رقيه " و معها " ساره "
يدخلون إلى الغرفه ، معاهم اكياس في يدهم
استغلت " ناتلي " ذلك الموقف ، وقربته منها أكثر وهي تقول بوجع مصطنع : اه يا رحيم ، حته دي وجعاني
_ معلش ، شويه و هتبقي كويسه
قالت " ساره ": سلام عليكم ، عاملين اي ؟
قالت " ناتلي " : حمدالله وانتي ، تعبتي نفسك انتي ورقيه 
تبسمت " رقيه " : ولا تعب ولا حاجه
تفاجأ " رحيم " من نطق " رقيه" ، لم يعلم أنها تحدثت
_ البقاء لله يا رقيه
_ الله يبقى حياتك يا ناتلي
كان " رحيم " يركز مع " رقيه " وتعبيرتها ، وهي حتى لم تنظر له ، تعمدت " ناتلي " أن تثير غيره " رقيه "
قامت بمسك يد " رحيم " بقوه وحب
_ بجد يا حبيبي انا مش عارفه من غيرك هعمل اي ، تخيلي يا رقيه قاعد معايا طول اليوم حتى مش بيمسك الموبايل ، بياكلني و بيشربني ، كل حاجه بطلبها يعملهالي ، شكرا يا نور عيني
ارسلت له قبله في الهواء
تبسم مجاملا لها وبسبب نظره والده
لكن " رقيه " كانت تعلم نيه " ناتلي " لذا تبسمت وهي تقول : ربنا يخليكوا لبعض يا حبيبتي
_ شكرا ، هو مفيش حد كدا ولا اي يا رقيه ؟
_ قريب إن شاء الله
_ اوعي ما تعزمنيش
_ لا طبعاً هعزمك
قذفت " ساره " بعض حلوى على " ناتلي " مسكتها بتلقائيه كأنها ليست مريضه
قالت " ناتلي " ببكاء بعد أن نظرا لها جميعاً بتعجب : كنت خايفه تيجي على رحيم عشان كدا هيتعب