احببتُك صدفه

" بيت الرعب "

" ها انتي الان نورتي حياتي بدخولك إلى بيتي ، بداخل أحضاني ولا احد يمنعني عنكي "

................
كانت " فريده " تشعر بفرحه غامره بسبب تلك المفاجأه التي اعدوها أصحابها لها ، بعد انتهاء الرقص
تقدمت " فريده " تدس اول خطواتها ، لكن منعها " علي "
_ انتي فاكره أن فرحك في قاعه دي ؟
_ اومال اي ؟
أشار إلى يخت على النيل
_ فرحك هنا
صرخت بفرح : بتهزر صح ؟
_ احضني أسر بقى هو الي قال
احتضنت " علي " ونظر لها " أسر " بأشمئزاز
_ تصدقي استاهل ضرب الجذم
_ انا فرحانه اوي بجد
بدأت تصعد إلى اليخت وجلست في كرسي مخصص لها بفرح ، نظرت إلى " أسر ": مكنتش متوقعه انك ممكن تعملي كدا
_ ليه بس ؟ مش انتي حبيبتي يبقى لازم افرحك
_ شكرا اوي بجد
_ اديني بوسه بدل ما تشكريني
قالت بصوت حاد : اتلم يااا
_ حد يقول لعريسه كدا
اقبل عليها اصدقائها بدأت تقبلهم بحب وتشكرهم على ما فعلوا معها ، بدأوا في التقاط الصور جميعاً بفرح

بدأت رقصه الثنائي ، بدأ كل ثنائي الرقص سوياً
قال " رحيم " بصوت خافت : بقولك اي يا روحي
_ اي يا رحيمي
_ ما تغني
_ اشمعنا يعني
_ معرفش غني هنفرح كلنا
_ بتكسف يا رحيم
_ انتي تتكسفي ازاي بس ؟
_ خلاص يا رحيم هقوم

بدأت في الغناء اغنيه رومانسيه لكي يرقص عليها الثنائي
" من يوم ما جت عيونه في عنيا ، شوفت ضحكته جميله دي، بحلم بيوم ما يبقا ليا وابقى لي ، ولصحى الاقي حبيبي حواليا ، وادي الي في خيالي بيحصل قصادي حبيبي جمبي في حضني اليله دي ، والله بقيت معاه ، نادا الفرح جمعنا بالحب نادا انا وحبيبي وتالتنا السعاده و الحلم فسرنا "
بدأو في تصفيق بعد انتهاء الرقص
هربت الي " رحيم "
_ حلو ؟
_ قمر بجد
_ شكرا ، هو فرح دا مفيهوش رقص ليه ؟
اقترب " عيسى " منها : اه صح روحي شغلي اغاني كدا
قال " ادم ": ابوس ايدك يا رقيه مش عايزين نغرق في نيل
نظرت له " ساره ": انت خايف ولا اي ؟
_ ها اصل انا مش بحب حاجات دي
اقتربت " رقيه " من مشغل الاغاني
اشتغلت اغنيه و بدأ جميعهم في الرقص
وقفت هي و" عيسى " أمام بعضهم
" مخصماك و ابعد عني انا مش طيقاك "
بدأوا جميعاً في رقص سوياً
جلسوا لكي يأكلوا
قالت" جودي ": انا جعانه اوي والله
تبسم " رحيم ": ونبي ما حد ياكل جاتو بأيده احنا في مكان عا.......
وجد " عيسى " ينظر له يده ملطخه بطعام
_ انت معفن يااض ، عمرك ما شوفت الاتيكيت خالص
_ شوفت بتاع العنب بس لكن جاتو معدش عليا
_ في حاجه اسمها شوكه و سكينه
_ انت هتعمل نفسك امينه
_ امينه مين ؟
_ بنت خالتي
_ انت تنح اوعى تكون بتاكل عنب قدام تلاجه
ضحك " مهاب " بصوت عالي
نظر له " رحيم " باستغراب: في اي يا مهاب ؟
_ اصل رقيه بتاكل في تلاجه
_ يعني اي ؟
_ يعني بطلع جبن و عنب وكل حاجه تحطهم قدام تلاجه وتقعد على أرض تاكل باب تلاجه مفتوح قدامها
اجحظ عيونه وهو ينظر لها : دا بجد !؟
_ انت على فكره اوڤر اوي ، لو دا نظام معاك يبقى انا كدا خلاص
_ بحاول انضفكوا
قال. " عيسى " في ضيق : حد قالك أن احنا مش بنستحمى
قالت " جودي ": لا استنى كدا عشان نشوف الاتنين الممحونين دول
وجهوا أنظارهم إلى " ادم " و " ساره " ، هم يتحدثوا بصوت منخفض ووجههم قريب
مسك " ادم " يد " ساره " ضحكت وقالت له : لا متمسكنيش
من ايدي اصل انا متوضيه امسكني من وسطي
ضحكت بصوت عالي
قال " ادم ": العب
تحمحم " عيسى ": رحيم اطلب بوليس الاداب
_ عندك حق ، ساره انحرفت اوي
قال " مهاب " : عندي فضول اعرف مسجلين بعض اي على فون ؟
تبسم " عيسى " : توتتي
ضحكوا جميعاً قال " ادم ": هي توته بتاعتك فعلا
_ نتلم محدش لي دعوه بتوتي ، وانتي يا جودي مسجلاني اي ؟
_ مسجلاك عيسى عادي
اجحظ عيونه _ يعني اي عيسى عادي كدا ؟ انا جوزك
_ مفروض اسميك اي مش انت اسمك عيسى ؟
_ سجليني نصي التاني
_ حاضر قريب
قال " مهاب ": وانتي يا ساره ؟
_ دومي
_ انا مسجلك صرصورتي
_ نعممم؟!!! اي هبل دا ؟ سجلني حاجه عدله
_ اسجلك اي يعني ؟
_ سورا العسل
_ وماله يا ختي حاضر
تبسم " مهاب " إلى أخته : اتحفيني
نظرت إلى " رحيم " و إلى أخاها : بلاش عشان انت قاعد
_ لا مش هزعق ، كدا كدا عارف الي بينكوا
_ احمم ، بيقولوا أن احنا بنحب بعض
نظر لها " رحيم " ببلاهه: انتي مسجلاني اي برضه ؟
_ بيقولوا أن احنا بنحب بعض ، دا اسمك ، جمبك كوكب و قلب كمان ، اي مش عجبك ؟
تبسم " مهاب ": كويس انها غيرتك ، كانت مسجلاك رحيم ابو كاريزما عاليه ، في اسم تاني كرش بتاعي
_ كرش ؟!! اه فهمت ماشي يا ستي
قالت " رقيه " في دلال : مسجلني اي ؟
_ رفيقه قلبي
تبسمت له بحب ، ضربه " ادم " على كتفه : يا جدع عرفت تثبتها
_ عيب عليك فاكرني زيكوا ولا اي
وقفوا لكي يلتقطوا الصور معاً ما عدا " مهاب " ظل يجلس مكانه
قالت " رقيه ": رحيم ، ينفع تروح تتكلم حبه مع مهاب ، عشان هو مش راضي بجد يحكي اي حاجه ليا
_ حاضر
_ تسلملي يا رب
جلس " رحيم " بجانب " مهاب "
_ اخ مهاب عندك بلاغ
تبسم له : بلاغ اي ؟
_ اصل صراحه كدا يعني اختك لحد دلوقتي مرجعتش قلبي ومعذباني ، ينفع تقولها ترجعه ؟
_ انا بحب علاقه بتاعتكوا اوي
_ انا نفسي بجد اجي واتقدم بس انت عارف الظروف
_ انا عارف انك هتخافظ عليها ، انا مليش غيرها في دنيا دي
_ انت مش فرحان ؟
_ فرحان طبعا لأسر ، بس افتكرت تسنيم
_ تسنيم مين ؟!
_ مراتي
_ راحت فين ؟
_ عند ربنا
_ انا اسف ، ربنا يرحمها يا رب
_ عارف انا وهي بنحب بعض من ساعه ما هي وعيت على دنيا ، انا كان عندي اربع سنين وقت ما هي اتولدت ، مان بنسبه ليا عادي دي بنت خالتي يعني ، بس لما شوفتها حسيت بشعور غريب اوي ، كان حلو لما ضحكتلي انا بس ، بدأت تكبر تبقى سنه ، تزحف ليا لما تشوفني ، لما ارجع من مدرسه تبقى فرحانه ، في مره كانت هي تلات سنين
* فلاش باك *
كان وقت النوم في ذلك المنزل التي تنام به " تسنيم "
كانت تُبيت في بيت خالتها
حملتها " ورده " جعلتها تنام في سريرها الصغير
كان " مهاب " يشاهد تلفاز ، بينما سمع صوت بكاء ، صوت يقترب منه تدريجي ، حتى وجد تلك لطيفه أمامه دموع تنزل على وجنتيها
_ تسنيم مالك ؟
انفجرت في بكاء ، عانقت ساقه ، حملها إلى حضنه ، ظل يرطب عليها
_ بس يا حبيبتي ، مالك بتعيطي ليه ؟
نظرت له و لاتزال دموع معلقه في أعينها ، قام بمسحها وتبسم لها
_ في عو
_ فين العو دا ؟
_ هناك * وهي تشير إلى غرفتها *
_ تعالي نروح نشوف العو دا فين ، وانا لما اشوفه هضربه عشان ميجيش جمب حبيبتي تسنيم تاني
ذهب إلى غرفتها ، اشعل انوار الغرفه
_ فين العو دا ؟
ضحكت بخبث
_ اي تسنيم ضحكه دي ؟
_ فيش عو
_ كدبتي عليا ؟
_ اه
_ ليه يا تسنيم؟
_ عشان اعد معايا ، ننه عاك
_ طيب قوليلي انك عايزه تقعدي معايا مش هرفض
_ لا ات قول لا
_ عيب متكدبيش تاني
_ اسه ، ننه عاك ؟
_ اه هتنامي معايا
أشارت إلى صدره : هنا
قام بوضعها على صدره و تقبيلها ، حتى غفلت في أحضانه
" عوده الى الحاضر "
بدأت تمتليء عين " مهاب " بالدموع
مسكه " رحيم " أبعده نسبياً عن أنظار الجميع
_ وحد ربنا كدا
_ صدقني ملحقتش اعيش معاها ، مشيت كدا عادي
_ ادعلها بالرحمه
اقتربت منهم " رقيه " أخفى " رحيم " " مهاب " خلفه
_ انتوا بتعملوا اي ؟
_ مخدرات
_ عيب على فكره
_ هو اي الي عيب ؟
_ عيب انك تشربوا من غيري
أبعدت " رحيم " مسكت يد أخاها
_ مهابي، انت كويس
_ اه يا روحي كويس
قامت بتظبيط بذلته
قال " رحيم ": يا رتني كان اسمي مهاب ، على أقل هلاقي حد يعدلي بدله بتاعتي
_ انت تخرس خالص حسابك معايا بعدين
_ معملتش حاجه وربنا
ضحك " مهاب " : توم وجيري اوي ، عايزكوا تتجوزوا نفسي اشوف سلاله بتاعتكوا
" لا مش ناقصه صراحه نشوف شياطين صغيره "
قالها " عيسى " هو يضع يده على كتف " رقيه " و يد أخرى على " رحيم "
قام " رحيم " و " رقيه " بأبعاد يده في نفس الوقت قالوا بنفس النبره: انت هتصاحبني ولا اي ؟
_ لحقتوا تبهتوا على بعض ؟
_ ملكش فيه ، يلا يا شباب عشان أسر خلص
اقتربوا مره اخرى من بعضهم و بدأوا رقص مره اخرى ، انتهت أجواء احتفالية ، بدأت زفه العروس لكي تذهب الى بيت زوجها
_ ونبي يا رحيم اسوق أنا
_ مش ناقصه والله
_ ونبي
_ بت متصدعنيش
_ انا غلطانه اني راكبه معاك ، هسبهالك ناشفه يا رحيم
ركبت في سياره " مهاب " وقامت في بقيادتها
حتى وصلوا إلى بيت العروس
ودعت " فريده " اصدقائهم ، احتضنت " علي " بقوه
_ مينفعش اروح معاك
ضحك وقرص وجنتيها _ لا هتروحي بيت اسورتك خلاص
_ طب اطلع بات معايا
قال " أسر " : يطلع فين شقه يدوبك على قدي انا وانتي
_ انت بتكدب ، شقه تلاته اوض
_ منا هنا في تلاته
رطب عليها " علي " : يلا اطلعي مع جوزك
_ حاضر
انتشرت زغاريط
قال " ادم " : صوتك يا ساره دا انتي لسانك لو بينطق كان شتمك
_ امتى اروح بيتك بقا
_ انا بدأت اخاف منك والله
............
صعدت " فريده " مع زوجها بفرح و بعض خوف و الحب
فتح انوار الشقه ة دخلوا إليها
_ الله يا فريده شقه جميله ما شاء الله
_ بجد عجبتك ؟
_ اهم حاجه تلاجه الي بخمسين ألف في اوضه عندنا؟
_ ايوه حطتها
_ شاطره بجد
لاحظ توترها و خوفها ، اقترب منها برفق قبل رأسها
_ يلا روحي غيري هدوك ، عشان نصلي ركعتين عشان نبدا حياتنا
_ حاضر
قامت بتبديل ملابسها إلى ملابس الصلاه
ووقفت خلفه لكي تصلي معه
بعد انتهاء الصلاه ، مسك يدها برفق و قبلها
_ مش عايزك تخافي مني ، انا اسورتك حبيبك بقيت جوزك خلاص ، انا هراعي ربنا فيكي ، عشان انتي مراتي حبيبتي
..................
قام الشباب بتوديع بعضهم ، ذهبت " جودي " مع " رقيه " إلى منزلها ، مع دخول " مهاب " الشقه وجد تلك الصغيره تنظر إليه بغضب و عبوس
_ روح قلب مهاب ، اي الي مصحيكي لحد دلوقتي؟!
اقترب منها لكي يحملها ، لكنها منعته ، جلس على الأرض مقابل ليها
_ زعلانه من بابا ؟
_ اه
_ مقدرش والله ، زعلانه مني ليه ؟
_ شان مش خدتني
_ مكنش ينفع
_ لا ، انت روح باي تيا نو
حملها قام برفعها في الهواء وتنزليها تحت ضحكتها
_ يلهوي يا ناس على طعامه ، مقدرش والله اني متكلمش معاكي ، بكره هاخدك باي
_ جد؟
_ جد الجد كمان
_ لاص ماح
نظر " عيسى " بعدم فهم إلى " جودي "
_ هي بتقوله اي؟
_ بتقوله خلاص هتسامحه المره دي
_ اه فهمت ، بقولك اي يا توتي
_ نعم
_ ما تقومي تعمليلي بطاطس
_ ليه انت اتشليت؟
_ في حد يقول لزوجه حبيبه انت اتشليت
_ ايوه انا ، بص يا عيسى عشان تطلع من دماغي ، انا هدخل انام مع بيان ،وانت هتنام مع رقيه ، مش عايزه اسمع صوتك حتى في بيت ، انت فاهم ؟ عن اذنك
_ حاضر
ذهبت إلى الغرفه لكي تنام ، رأى " رقيه "
_ روكا ، روح قلب اخوها
_ اخلص يا عيسى عايز اي ؟
_ انا جعان ، اعمليلي بطاطس
_ انت عبيط ؟! انا داخله انام ، لو بس حسيت بنفسك في بيت دا انت مش متخيل هعمل فيك اي ، عن اذنك