|[ عـــرش الـرولـيت ]|

ASKO..4..

نبدأ بذكر الله ﷽🤎✨

أسكـوبار

بارت 4

قراءة ممتعة
🚫لا تنسون التصويت والتعليق بين الفقرات حبايبي..
.
قل أصبرو أن الله مع الصابرين
.
.
الحياة كاضيتها وياي دفرات
منين ما التفت تكفخني على عيني
معاندة وياي بكل الطرق

فتحت عيوني بصعوبة بسبب
ألم راسي وغواش عيوني لاحت
الي الوان المكان الغريب

واديه مربوطة بشي متين حلكي
بلاصق سادينه جسمي شامرينة
على الكاع الوصخة

التراب بكل مكان
صوت اجهزه تشتغل ناس
تصرخ كلام مو مفهوم بقيت
ادور براسي

بلعت ريكي بصعوبة دورت
عيوني بكل مكان بس اريد
افهم شنو هذا المكان وين انه
مو فاهم شي

نص ساعه تقريبآ مرت اباوع
وحاول افتح اديه بس ما كدرت
صوت قفل ينفتح وضوه ساطع
دخل بعيوني

دكات گلبي زادت كل ثانية تمر
جسمي يرجف حسيت بأيد
انخلت على كتفي

-: حلو كاعد

عدل كعدتي طلعت صوت من حلكي
اريدة يشيل الاصق اريد احجي
وسأله منو

-: لا تستعجل بس يجي
الريس تعرف كلشي

هدئت ثورة تحركي المبالغ
تعبت وبقيت وحـدي اجر بالنفس
كوه وخلايا جسمي ترجف

يمكن من كثر ما ارجف بحياتي
صارت عدي رجافة
مر وكت هواااي جسمي برد
منتضر أحد يرحم بحالي

أنفتح الباب
شالوني من ملابسي سحوني سح
رجلية بالكوة تلوح الكاع

طلعوني من الغرفة ودوني لغير
غرفة شمروني وفتحو اديه وحلكي
فركت عيوني

فتحتهن غرفة بيها سديات تلاثة
وكل وحدة تقطر دم !

شفتي رجفت
وكلبي دك
عيني تشكلت على شخص كاعد
كدامي على كرسي يجي عمرة
بالـ 35 اكبر