|[ عـــرش الـرولـيت ]|

ASKO.. 22..

نبدأ بذكر الله ﷽🤎✨

عــرش الرولــيت
بقلمي ميان أل مالكي

بارت 22

قراءه ممتعة
لا تنسون التصويت والتعليق بين الفقرات حبايبي ..

❢ ═──── · · • • • ❂ • • • · · ────═༻❢

كأنما الزمــان توقف اصعب موقف
ممكن يمر على أي شخص ْ!

رفعت راسي شفت خاله ريناد
خلت السلاح على راسها شهكت اهز
براسي لااا

هيه تبچي تباوع لـ جثة هارون خليت
اديه بالكاع صحت

يا علي

ووكفت مشيت بسرعة اخذت السلاح منها
شمرته بعيد عنها

محد يتصرف الكل بحالة صدمة
لازم اتصرف لازم ركضت برة البيت
فتحت الباب وصيحت

-: ساااااعدونه ياااااا ناااس يا عاااالم
احد يتصلللل بالأسعااااف

صارت الناس تباوع باستغراب وكلها اجتي
تركض جانت اديه ملطخة بالدم

شي دكت على الأسعاف وشي دخلت
جوه البيت بقيت واكفه بالباب
اجر بالنفس جر

سمعت صوت الأسعاف الناس فتحت الباب
الها وبعد ثواني اجتي سيارات شرطة
ركضت للأسعاف امشي وياهم واحجي

:- اكو ثنين مصابين مو بس واحد

-: خبرناهم السيارة الثانية بالطريق

دخلنا جوه تفاجأو بالمنظر

:- هاي شصاير هنا.؟؟

قربو من عقاب حاولو يشوفون معن
صرخ عليهـم ما يقبل احد يلزمه
راحو لـ هارون

:- بعدة عايـش تعالو نشيلة بسرعة

ركضو على هارون كعدت يم عقاب

:- خليهم يشوفون معن عايش ترة هوه
ما ميت لاتكون السبب بموته خليهم
يسعفو بسرعة

ماكو رد درت على تبارك

:- تبارك اصحححي من صدمتجج معن
رااااح يموت اذا ما تصرفنه

باوعت عليه همست برجفة

:- هوه مـات
مات

-: ماااا مات ان شاءالله ما مات

اجتي سيارة الأسعاف الثانية ودخلو
الشرطة حاوطو المكان