|[ عـــرش الـرولـيت ]|

ASKO..25..

نبدأ بذكر الله ﷽🤎✨

عـرش الرولـيت

بارت 25

قراءة ممتعة
🚫لا تنسون التصويت والتعليق بين الفقرات حبايبي..

❢ ═──── · · • • • ❂ • • • · · ────═༻❢

الأنسان يعيش حياته سواء كانت حلوة او مرة وبعض الأحيان تكون مرة زيادة شوية
بس اكيد رب العالمين بالأخير حـ يحليها
وتصير الحياة حلــوة  !

فتحت عيـوني اول ما شفت غواش
بــعدين اتضحت عندي الروئية
الألم كله براسـي

ألــم فضيع دورت بعيوني بالغرفة ماكو
أحـد تنفست بصوت عالــي فجاءة انفتح
الباب بطريقة خلتني افز من مُكاني

باوعت وإذا اشوف ماما وراها دخل بابا
غمضت عيوني عبالــي سيد طاهر
الخطة صارت حقيقية مو جذب

واحد على يميني والثاني على يساري

عماد الدين :- بابا مُرجان خيرج شبيج
شبي راسج

سحر :- مُرجان ماما احجي ليش فاقدة
الوعـي

مُرجان :- ليش هوه شنو صار مدا اتذكرر

سحر -: لكوج واكعه بالحمامات راسج
يــنزف دم الله ستر وما تأخرو عليج والأ
هسه أنتِ لا سامح الله ميته

عماد الدين :- لا سامح الله الحمدلله
ما صار شي عدت أن شاءالله

سحر :- شــلون وكعتي على راسج ؟؟

مُـرجان :- جانـــت الأرضية رطبة
فـ تزحلكت ووكعت على راسي بعد ما
حسيت بشي

سحر :- ما قنعــتيني متأكدة صار
شئ احجي لا تخافين

مُرجان :- ماما من وين اخاف يعني
دا أكول الحقيقة أنتِ تعرفيني كُلش زين

سحر :- واللهي يا بنتي بأخر اشهر
ضيعتج وما عــدت اعرفج

عماد الدين :- سمو بالله مو وقته هسه
هـــذا الحجي أنه رايح اسأل الدكتور على
وضعج بلكي يقبل نطلعج المستشفى ما ترتاحين
بيــها

مُرجان :- ايي بابا انتَ تعرفني فدوة
ماريد ابقــى

هز راسه وطلع بقت ماما تباوع بشك
تجاهــلت نــضراتها

سحر :- اكص ايدي اذا الصارلج مو من تحت
ايد شخص

مُرجان :- ماما راســي يوجعــني