|[ عـــرش الـرولـيت ]|

ASKO.. 21..

نبدأ بذكر الله ﷽🤎✨

عــرش الرولـيت

بارت 21

قراءة ممتعة 🚫
لا تنسون التصويت والتعليق بين الفقرات حبايبي..

❢ ═──── · · • • • ❂ • • • · · ────═༻❢

النبـي محمد عليه افضل الصلاة والسلام كال

:- من ستر مُسلماً سترةُ الله يوم القيامة

من هل باب ما راح احجي شي
يبقى بيناتنه ولكن بشرط

همست

:- ش.شنو ؟؟

-: تنـشرين منشـور تعـتذريـن بي من كل
الطلاب الأسأتي الهم وضحكتي عليهم
من دون معرفة

:- استاذ

-: آنسة مُرجان آسفي مو عليج
اسفي على أهلـج وتـربيتهم اعرف تصرفاتج
نابعة من كرهج وحقدج للناس وهذا شي واضح

ولكن اذا تبقين بهل طريق مو بس
حـب وأحتـرام الـناس تخسرينه
حتىٰ نفـسج تخسرينها

:- عن أذنـك

ما كدرت اخلي عيوني بعيونه هل مرة
لأول مرة بحياتـي احس بالغلط

لأول مرة بحياتـي احس فعلاً أنه وحدة
حقـيرة شريرة ما انفع لأي شئ بهاي
الحــياة

دخـلت الحمامات حتى اهرب من اعيُن
الطلاب انهاريـت من البچي ومن صدمتي
بكلامـة

أدركــت شـكد جنـت وحـدة غشـيمة
دكيت علىٰ وجهـي

غبية غبية غبية

الهث واردد هل كلمة علىٰ لسانــي
وكفت مقابيل المرايا امسح دموعـي وأشوف
شكلي تخربط

سمعت الباب ينفتح دنكت اغسل وجهـي
ما شفت منو كبل شلت جنتطي وطلعت
اول مـحاضرة خلصت وأنه كله صافنة

مو يم أحد فقط صورة الأستاذ كدامي
وكلامه يرن بعقـلي

كعـدت بالكـافتريا

شهد :- شبيج وجهج اصـفر ؟

مُـرجان :- تعبانـة

شهد -: من حـفلة أمس شئ اكيد
التعب أنه من رجعت راسي موتني شربت
حبوب ياله كـدرت انـام

مُرجان :- مادري من منو تعبانة
من بسـام لو من هذا الأستـاذ لو من حياتي

شهد :- شصاير من كلامج واضح
عليــج شـكد ضايعة ؟!

تنهـدت بضيق

-: استاذ طاهر كشفنـي عرف أنه اخذت
مُبايلة ونشرت الفيديو