|[ عـــرش الـرولـيت ]|

ASKO.. 24..

نبدأ بذكر الله ﷽🤎✨

عـــرش الـروليت

بارت 24

قراءة ممتعة 🚫
لا تنسون التصويت والتعليق بين الفقرات حبايبي...

❢ ═──── · · • • • ❂ • • • · · ────═༻❢

كعدت الصبح تعبانة وعندي خمول تمنيت
ارجع أنام بس الوضع ما يسمح

مطيت جسمي وكمت دخلت الحمام ولبست
ملابسي للجامعة هذا روتيني اليومي

كـلام ماما البارحة مدا يروح من بالـي
كل ما اتذكر كلامها وشلون ضربتني
يقشعر بدني

أول مرة تضربني على شي اعتبرة انه
مو مهم ليش هل كد مهم عدها؟
اصلاً من ليمته هيه تهتم بحياتي الشخصية؟؟

اجيت أطلع ولكن استوقفني صوتها

سحر :- صباح الخير تعالي تريكي

درت عليها تتصرف عادي كأنما ما صار شي

مُرجان :- بالعافية ما أشتهـي

سحر -: ميخالف كعدي ويانه على السفرة
و انتِ تشتهين

مُرجان :- اتأخر

سحر -: بعد وكت ما عندج عذر مقنع
كعدي تريكي

عماد الدين :- كعدي ويانه بابا اسمعي
كلام أمج

عكدت حاجبي

مُرجان :- شكو تعاملوني كأنما طفلة
رايحة للمدرسة ماااريد مااا اشتهي كوه يعني؟؟

سحر -: صوتج لا تعلينه على أهلج
ادب سزز

عماد الدين :- سحر مو هيج تنحل الأمور
من الصبح اصواتنه عاليه يا بابا عيب

مُرجان :- بابا اسفه مو قصدي اطلع
صوتي عليك بس هل أيام انه مو بوعيي
ومتخربطة كل أفكاري اسفه

:- ولا يهمج بابا اخذي راحتج

ابتسمت

سحر -: كله من عندك انتَ دللتها زيادة
وهاي النتيجة

:- لا تضغطين على البنت يا حبيبتي
هاي أميرتي تستاهل التعب يله روحي بابا
بس اوعديني تاكلين حتى لا تطيحين بنص
المحاضرة

مُرجان -: شكراً بابا وعد أكل بس اجوع
يله باي

طلعت بسرعة من دون ما اسمع
الجواب ما اعرف ليش ماما شادة وياي