|[ عـــرش الـرولـيت ]|

ASKO.. 17..

نبدأ بذكر الله ﷽🤎✨

عــرش الروليت

بارت 17

قراءة ممتعة🚫
لا تنسون التصويت والتعليق بين الفقــرات حبايبي...
.
.
.
كل الأشياء التي تمنيتها
‏كانت لها
‏صورةَ وجهكِ
‏ملمسَ يديكِ
‏رائحةَ عطركِ
‏وصفار عينيكِ....
.......

تمشيت على الــرصيف بهتـــان ارق تعب
احس شايل حمل سنين فوك ضهري

لــدرجة من امشي ضهري محنـي كسر ضهري
بحجاياته !

هو ما يعــرف حقيقتي ما يعرف بشنو أنا
ورطــت نفسي أشياء اذا احجيها اله ما يصدكها
ولا حتىٰ أنا !

أثناء ما امــشي دك مُبايلي رفعته وإذا برقم
معـن بدون أي تفكــير فتحت الخط

-: معن بس اسمعنـــي .....

فتحت عيوني بصـدمة كلبي اهتز قبل
جسمــي من سمعت صوت باهــر

-: أنتَ الي اسمعنـــي

بلــعت ريكِ رديت علي بتشتت

:- وين معــن ؟؟

-: يمــي بضيافتي خوش مسوين جو
ناقص مُكانك بيناتنا

:- شوف باهــر أحــذرك تلعب وياي
عوف معن بحاله ماله دخل

-: اسمعني أنتَ وتمعن بكلامــي عدل
طول ما اكو أشخاص تحبهم وتهتم الهم ولـ حياتهم
فـ همه بخطــر بسببك أنتَه

اذا اكو شخص ملــعون بهاي الدنيا فـ
اكــيد بـدون تفكير راح اختارك أنتَ

-: كلامــك سخيف مثلك وإذا عبالك
ترسم خطه حتىٰ توكعني بمشاعري وضعف
كدامك فـ انتَ غلطان باهــر

-: منو كلك اريد اوكعك ليش أنتَ علىٰ
ساس ما واكع يعني ؟

ههههه منو الجان كاعد علىٰ الرصيف يبچي
مثل النــسوان هممم

دورت حوالين نفســي بذهول

-: اذا أنتَ رجال وارينــي وجهك القذر

-: ههههه للأسف صح بعيد عنك ولكن
صورتــك كبالي

صديقك معن يشوفك حالياً تسمع صوته
المكتوم ؟؟

قرب الصوت لـ معن اسمعه يصيح
ولكن بــدون صوت كاتمين صوته بشي
تنهدت بتعب

-: شتـريد باهـر ؟

-: لا تسوي نفسـك غبي عقــاب
أنا أكثر واحـد دارسك وحافضك تعرف كلش
زين شنو اريد

-: الفـلاشة مـوجودة

-: حلـو ومعن مــوجود لف علىٰ يمينك
امشي خمس خطــوات اول سيارة اصعد
بيها بدون أي كــلام

قفلت الخط
تمشيت خطوات احسبهن بگلبي رفعت راسي
وإذا بسـيارة بيضة كدامــي

فتـحت الباب الكــدام مقفول !
جربت الباب الـوراني أنفتح صعدت بدون
كلام