|[ عـــرش الـرولـيت ]|

ASKO.. 27..

نبدأ بذكر الله ﷽🤎✨

عرش الروليت

بارت 27

قراءة ممتعة
🚫 لا تنسون التصويت والتعليق بين الفقرات كلبي انتو..

❢ ═──── · · • • • ❂ • • • · · ────❢

لمني لحضنه يمسح على ضهري
همس

-: طاهر الج ما يصير لغيرج ولو رفض
يتزوجج نخطفه انه وياج ونجبرة يوافق
وتتزوجون

ضحكت من بين دموعي وخرت شعري
الازك على خدي

مُرجان :- بابا معقولة يرفض؟

عماد الدين :- الله كريم بابا لسه توهم
راحو خلي ننطر يومين تلاثه لحد ما يردون
الجواب ان شاءالله خير

بعدين اذا ما وافقو همه الخسرانين
وين يلكون وحدة بهل جمال

مُرجان :- بابا أحبك

باسني براسي

عماد الدين :- وانه اموت عليج بنيتي
حبيبتي صح الله رزقني بنية وحدة
بس الله شاهد بنسبة الي جن عدي خمس
بنات

مُرجان :- تتمنى لو عندك بعد بنات؟؟

عماد الدين :- ياريـت البنات بنسبة الي
يصونن اكثر من الولد گلبهن طيب

مُرجان :- ترة بعدكم شباب انتَ وماما
ليش ما تجيبون شخص جديد للعائلة

وخر من حضني مبتسم كرص خدي
يحجي بهدوء

عماد الدين :- اكتفينا بيج بعدين امج
وينها وين الحبال هيه هيج وتصيح بكل
وقت تعبانة اذا افتح وياها الموضوع بشحاطتها
وتفتر وراي

مُرجان :- هههههههه حلوة هاي فعلاً ماما
دائماً عصبية وما تتحاجا ابد

عماد الدين :- صح لهذا دائمآ ابقي ساكته
من تشوفينها عصبية لا تجادلينها بالحجي

مُرجان :- بابا هيه زودتها ترة كُلش

-: ميخالف بنتي مهما يصير
ما لازم ترفعين صوتج عليها هيه من حبها
عليج حجت هيج

هيه تحبج خايفة عليج قلب الأم
محد يعرفه غير رب العالمين خليج
وياها لينه لا تعصبين بكل وقت مثلها

مُرجان :- راح أحاول

باسني من خدي هل مرة
ابتسمت بسته براسه كلي

:- هاي الهوسه انتِ تشيلينها احنا ما علينا

مُرجان :- ان شاءالله بس مو هسه
الصبح لأن هسه تعبانة اريد انام