قيود عشك الشيخ

قيد الواحد والعشرون

واكفة مصدومة من الصار كلها لحظات ودفعت سرمد ع وجها وكع وانا جسمي ينكث

هو واكف مصدوم فاتح عيونة ومبحلقهن بية تقدم بأتجاهي بخطوات سريعة ما احس الا شعل خدي شعل من قوة الراشدي الحصلتة من عندة

وكعت بالكاع اصرخ ودموعي تصب خوف ورهبة دخل ايسر بس شاف حالتنا رفع ايدة ع راسة مصدوم ويباوعلي بشمئزاز وقرف

هزيت راسي واباوع للثقيف الي واكف محتار دنك ايسر بسرعة يتفحص نبضة حجة::- ماكو نبض

انتفضت وكلبي اشتعل نار رجفت كمت بسرعة اريد ابرر موقفي لثقيف واكلة ما احس الا جراني وصفكني الراجدي الثاني صرخت

لازمني من كتفي يضربني بعدني اريد اوكع يلزمني ويضربني الثالث وهكذا حسيت روحي تطلع بين اديه

جراني بملابسي وانا اصرخ وابجي والطم واريد افلت نفسي من عندة اكيد هاي يعتبرها سالفة شرف راح اموت راح يموتني كمت اصرخ هو ما مهتم يسحل بية مثل البهيمة وراه

::- ثقيف بس اوكف بس اوكف الله يخليك راح اموت ولله كلبي راح يوكف اوكف بس افهمك الصار مو بيدي

بعدني جاي احجي ضربني ع حلكي وهو لابس محبس وكعت و الدم يخر من شفايفي

شهكت وبالغلط بلعت الدم اختنكت وكمت اكح واتفل دم

رفعني وكام يمشي بية وانا الدم اريد اوكفة ماكو صار ينزل ع ركبتي

ما اعرف بس حسيت حلكي تبنج من الوجع والضربات سطرن راسي سطر

وصل للسيارة دفعني بيهن دفع جان اكو صندوق ما اعرف شنو بيها وبالطرف مالتها حادة حيل

دفعني بقوة والحافة اجت بخاصرتي صرخت وحسيت الموت ارحملي من هل وجع والعذاب

ساق السيارة وانا اشهك من الالم ونغزات كلبي موتتني الخوف ستوطن كلبي

انا قتلت روح قتلت شخص بدية كلما اتذكر منظرة وكلام ايسر من كال ماكو نبض اصرخ وابجي صعبة حيل صعبة حتى لو سرمد جان حقير ودنيئ وياي صعبة انا اقتل روح

الوجع مستمر حلكي وكلبي وخاصرتي موتني الخوف اخذ نص حيلي كمت ارجف

ابجي حسيت راسي نسطر من كد البواجي والصراخ لعبت نفسي حسيت راح اتقيئ باوعت السيارة تمشي بينا بمناطق زراعية يعني طلعنا من العمارة بس وين ماخذني راح يكتلني حتى جثتي ما يسلمها لهلي ملامحة ما تبشر بخير

صرخت حتى يوكف السيارة بس جان فاقد ع اخر وما سمع من عندي اي شي بجيت وكلت

::- اوووكككفففف راااححح امووت من الالمم اوووككففف راااحح اتقيئ

ما سمع مني تقيئت وانا بالسيارة حسيت الروح تطلع لباريها وانا اصرخ وابجي وروحي طالعة

وكف السيارة وفتح الباب وجراني من شعري وانا جاي اتقيئ وشمرني ع كاع