قيود عشك الشيخ

قيد الثالث عشر

آنهَ مِن أشتريتَك بعَت ناسّ هوَاي
يمكَن ناسّ فُقرة وشَوروا بيّة ..

﹌﹌﹌﹌﹌﹌﹌﹌﹌﹌﹌﹌﹌﹌﹌

ضليت انثت من القهر و وجع ڪُـلبي موتني موت وصل بيها الحقد تضربني اباوع ل رؤيـــا ڪُاعدة يمي ولازمتني وتبجي على حالي

بلعتت ريكي بــ لساني ارجف احاول اهدئ نفسي مشيت مستندة على حايط و ڪُـلبي دڪُـاتة احسهن راح يوكفن من كد سرعتهن

مــا اعرف شبي ڪُـلبي هل ايام?!!! وصلت لغرفتة فتحتها اباوعلها فارغة توجهت بــ روح معصورة عصر فتحت الكنتور اباوع ملابسة مــا موجودة

التفتت اشوف بدلتة هم مــا موجودة يعني سوالها الأيــسر راح يروح خسرتة انا خسرتة راح مني الأيــسر راح

شهـــڪُت بــ النفس ظليت ڪُاعدة اباوع ل غراضة ل مكانة روحــي طلعت ردت اموت كل السويتة علمودها و هي بــ شنو تجازيني?!! بــ كل مرة تخذلني اكثر

اجتني رؤيـــا واڪُفة بالباب تباوعلي بــ خوف تقربت اكثر ناحيتي::- تحبي?!!

بـــاوعت الها عيوني ادمع نزلت دموعي و أردفــت::- شلون مــا احبة وهو الــي رباني هذا ابووي ليش محد چــاي يفهمني ابوي ولقران ابوي تدرين شكد فارق العمر بيناتنا ها?!! 21 سنة اكبر مني بــ 21 سنة

كلتها و ڪُعدت على جرباية اشهك ميتة من القهر خسرتة هل مرة اعرف خسرت الأيــسر اخذتني رؤيـــا تحاول تهدئ بية منا لمن نمت

ڪُعدت ثاني يوم على صوت المنبه سديتة حتى مــا تكعد رؤيا ڪُعدت انا صليت و بديت اقرة

وهيج مرن الايام مكضيتها قراية رؤيـــا صارت الــي اقرب وحدة بــ هل بيت وصرت الها اخت و اكثر وهي تنزل تجيب عصاير وحلويات وتصعد فوك و انا اقرة

و بــ يوم جــنت ڪُاعدة اقرة كل عادة واندك باب غرفتي بـــاوعت أثـــير ::- ها

اباوعلة مدلي علاكة من هاي الجبيرة بيتزا ووياها عصاير طبيعية و أردف::- اعتبريها واسطة تحسنين سمعتي كدامهم

ضحكت وهو يغمز وياشر على جوة قصدة رؤيـــا هزيت راسي و أردفــت::- رؤيـــا تعالي

اباوعلة ارتبك يــباوعلي متفاجئ اجت رؤيـــا بس شافتة تكهربت هو ابتسم و ڪُال بــ توتر::- شلونج

دنكت تفرك بــ اديها::- زينة مَشَـــڪُوُرْ خوية

بهت وجه يــباوعلي ضحكت أردفــت::- اخذي ذني العصاير من اخوج

هز راسة وهي تقربت من عندة تريد تاخذ العصاير وهو وجه صار احمر وازرك واصفر ارتبك وانطاهن للبنية بسرعة وفلت وانا بــ داخلي ميتة ضحك

دخلت لجوة احجيلها على أثـــير و شكد هو زين و شلون ساعدج وهي تستمع بــ كل هدوء مــا عدها كل ردة فعل بس جانت عيونها ادمع