قيود عشك الشيخ

قيد السابع والعشرون

انرفعت الدعوة وام كاظم وسهى قدمن افاداتهن ضدة ومشت القضية بس للاسف لحد الان ما القو القبض علية ما اعرف وين هو

بالي وتفكيري يم ثقيف الي صايرلة اكثر من ثلاث ايام ما موجود من سمع كلام ام كاظم اختفة وما عاد بين

حاولت اسئل علية محد جاوبني وكلها تعرف مكانة الا انا اليوم الرابع طكت حوصلتي من القهر رحت لايسر وطلبت مني ياخذني الة ما قبل اصريت وكتلة اذا ما تاخذني انا البس عباتي واطلع ادور علية ومحد يكدر يمنعني

احتار واخر شي الفجر دك الباب علية وطلب مني اتجهز حتى نروح لثقيف كل العرفتة هو بالناصرية عد الشيخ صديق ابو

رحنالة وايسر كال راح لشيوخ ال سيد حمد رحنا وزرنا لهناك واشوف ثقيف واكف ينظف وينطي الزوار اكل باوعتلة التعب ماخذ من ملامحة بس شافنا تفاجئ بينا

سمورة ركضتلة وصلت يمة وهو متفاجئ وما مستوعبنا يمة دنك رفعها ويحظن بيها ويبوس بيها

واية تريد تروح الة ذبيتها وراحت تزحف دنك عليها باسها ويشمها ويغمض عيونة ويرجع يشم بيها

تنهدت ووصلت يمة باوعتلة بعتب دنك راسة دخلت زرت وطلعت ظلينا كاعدين

منزلة راسي ايسر اخذ البنات وراح يشترون وانا كعدت يمة ما اعرف منين ابدي بالكام مقهورة منة وعلية

قاطع صفنتي وحجة::- زهرة

التفتت الة عيوني مدمعة::- ليش رحت وعفتنا?!!

::- تعبت وحبيت اجي لهل مكان ترتاح نفسيتي بي

سكتت رجع حجة::- ليش اجيتي??!

::- ظل بالي يمك ما يصير??!!

::- ارجعي زهرة انا مطول هنا

بلعت غصتي وحجيت::- بعدك تحبها?!!

باوعلي عاقد حواجبة::- شنو هل كلام بوية??!!

::- الكلام ما جبتة من جيبي جبتة من تصرفاتك وهروبك من سمعت الحقيقة!!

::- زهرة انا تعبان ما الي خلك ارجعي وي ايسر يلا

سكتت وكمت وكفت ع حيلي عفتة كاعد رحت لايسر وكتلة::- يلا نرجع ابوك ما ناوي يرجع ناوي يبقى اكثر هنا خلي براحتة

باوعلي وتنهد::- ابوي تعبان من البداية كتلج الافضل نعوفة وما نلح علية

::- كل احنا تعبانين وكل احنا جاي نمر بالازمة الي يمر بيها هو ليش بس هو الي جاي يعاني شتكول علية اخوي بين ادين واحد مجرم ما اعرف اذا عايش وامي الي صارلي اكثر من سنة ما شايفتها بس اسمع اخبارهم لان بغداد كلها امريكان وحرب وحظر تجوال

سكت منزل راسة اجة ثقيف وكف يمنا طلع فلوس من جيبة وحجة وياي بس لا يباوعلي::- هذا مصرفج

لزمت ايدة وحجيت::- ما يحتاج شيخ عندي خير من الله انا باجر اروح ل اهلي