اني اكدر اضر وانتقم بس الي مثلكم عفت الله ينتقم منهم 🙏🏻
﹌﹌﹌﹌﹌﹌﹌﹌﹌﹌﹌﹌﹌﹌﹌
"ســـمر"
طلعنا من المستشفى امشي على طولي مــا بية شي أثـــير ڪُال نروح لبيتنا و ايـــة و الأيــسر يجيبهم أصــيل ورانا بس يكملون فحوصات
و فعلا رحنا اول مــا دخلنا بلشنا تنظيف لان الوادم راح تجينا هلكنا هلاك
مناك واتصل أصــيل ڪُال حظرو ذبايح ثنين راح ســـراج جاب ذبايح و أثـــير ايدة بــ ايدنا لان بس انا و رؤيـــا نظف
للامانة هي تنظيفها سريع وحيل مرتب بحيث تخلص قبلي وتبدي بــ الشغلة الثانية وانا بعدني امعمس
كملنا لحد مــا هلكنا هلاك متنا اول مــا كعدنا اجت عمة جميلة تركض ڪُال الوادم اجت
نوب وكفنا مثل المساطر على ماي والجاي والضيافة الديوان انترس ترس
شيوخ ورتب وناس عادية كامت تجي من كل مكان نوب هم جماعتنا اهل العمارة سد الديوان سد
رجلينا صارت خيوط للضهر يلا وصلنا جنا مكملين ڪُلشي والناس بدت تخف شروق من شافت الوادم تخف اتحزمت ووكفت ويانا مــا تشتغل بس سون هذا سون ذاك
اخر شي ماتحملت رؤيـــا وكالت الها::- حركي روحج غير مرت الشيخ أنتِ لْـۆ انا غلطانة
::- اي مرت الشيخ مو انا الــي اشتغل عفت الشغل الجن انا بس امر ويتنفذ الاريدة
تقدمت رؤيـــا ورفعت السجينة تحجي وياها بــ حقد::- وحق ربج حجاية وحدة اخليها نابتة بــ كلبج باعي ولج شروق لا عبالج اخاف
::- طبعا مــا تخافين ضهرج صار قوي اتزوجتي ابن هل بيت
::- ضهري قوي من زمان مو لان اتزوجت هاي اولا ثانيا اذا مو ضهري قوي مــا تخافين مني وتحبسيني بــ المخزن نسيتي لْـۆ اذكرج ست شروق
اتوترت شروق ودارت وجها ساكتة ڪُعدت بعد مــا حجت و رؤيـــا مبتسمة بــ انتصار
دخلت ايـــة وجها اصفر و مبين عليها التعب والسهر دخلت للغرفة و رؤيـــا بس شافتها هي دخلت وراها شوية وطلعت اجت وكفت يمي
شوية وصبو الغدة دخل الأيــسر لغرفة ايـــة تقربت مني شروق::- باعي الكح** ايـــة شلون خنست علية خايبة ويعة ابوي چــا مثلج
::- هي من زمان اذا يتمرض الأيــسر تكابلة و تكعد
::- اي مــا تشوفي مــا شايل عينة منها تعرف تصرف
سڪُتت فززتني بــ كرصة::- روحــي كعديهم طشريهم لا تخليهم يكعدون سوة روحــي
::- شسوي
::- كوليلة اكو ناس اكو عالم تنتظرك اي شي روحــي لا تصيرين فاهية
رحـت بــ خطوات مترددة فتحت الباب بــ هدوء واشوف الأيــسر ينزع بــ روب ايـــة وهي غافية
STAI LEGGENDO
قيود عشك الشيخ
Casualeإهتضمتْ أزهارها الملوّنةِ المترنّحةِ ايدي التقاليد الخشنة شققتْ ملمسها آثار ( العمّالة )* وزناد البنادق الرعناء تتجولُ في بساتينها الغافيةِ رائحةُ المكر تشوّهُ نظراتها الخائفة عطشُ الحيوانات الهاجعة تحتَ براثنِ السطوة تغدقُ الدموعَ توسلاً انوثتها ال...
